ថ្ងៃអាទិត្យ ទី១២ ខែមីនា ឆ្នាំ២០២៣
អំណានព្រះគម្ពីរពេលព្រឹក៖ ទោះទាំងពួកជំទង់ គេនឹងល្វើយហើយនឿយហត់ទៅបាន ពួកកំឡោះក៏នឹងដួលជ្រលាកបានផង តែអស់អ្នកណាដែលសង្ឃឹមដល់ព្រះយេហូវ៉ាវិញ នោះនឹងមានកម្លាំងចំរើនជានិច្ច គេនឹងហើរឡើងទៅលើ ដោយស្លាប ដូចជាឥន្ទ្រី គេនឹងរត់ទៅឥតដែលហត់ ហើយនឹងដើរឥតដែលល្វើយឡើយ។ អេសាយ ៤០:៣០-៣១
អំណានប្រចាំថ្ងៃ៖ ចូរនិយាយ និងធ្វើដូចជាជំនឿរបស់អ្នកមិនអាចបរាជ័យបាន
ចូរជឿទុកចិត្តលើព្រះបន្ទូលរបស់ព្រះយេស៊ូវ។ ទ្រង់បានហៅអ្នកឲ្យ មកឯទ្រង់។ មិនត្រូវបណ្តោយឲ្យខ្លួនឯងនិយាយនូវអ្វី ដែលនៅក្នុងផ្លូវអស់សង្ឃឹមបាក់ទឹកចិត្តឡើយ។ បើសិនជាអ្នកធ្វើដូច្នោះអ្នកនឹងបាត់បង់ច្រើន។ដោយការមើលទៅភិនភាគខាងក្រៅនិងត្អូញត្អែរ នៅពេលដែលមានការលំបាកនិងការបង្ខិតបង្ខំ ឬគាបសង្កត់មកដល់អ្នកបង្ហាញនូវសេចក្តីជំនឿដែលមានភាពទន់ខ្សោយ។ ចូរនិយាយ និងប្រព្រឹត្តិ ធ្វើហាក់ដូចជា សេចក្តីជំនឿរបស់អ្នកមិនអាចបរាជ័យបាន។ ព្រះជាម្ចាស់សម្បូរធនធានណាស់ទ្រង់ជាម្ចាស់នៃលោកិយនេះ។ ចូរសម្លឹងទៅឯនគរឋានសួគ៌ដោយសេចក្តីជំនឿ។ ចូរសម្លឹងទៅឯទ្រង់ ដែលជាពន្លឺនិងជាកម្លាំងនិងមានសមត្ថភាពគ្រប់យ៉ាងដើម្បីសម្រេចការងារនានា។
សេចក្តីជំនឿពិតគឺរឹងមាំ ហើយប្រកាន់ខ្ជាប់នូវគោលការណ៍ត្រឹមត្រូវ ហើយមានគោលបំណង ដែលមិនអាចកែប្រែឬផ្លាស់ប្តូរបាន។ «ទោះទាំងពួកជំទង់គេនឹងល្វើយ ហើយនឿយហត់ទៅបាន ពួកកម្លោះក៏នឹងដួលជ្រលាកបានផង តែអស់អ្នកណាដែលសង្ឃឹមដល់ព្រះយេហូវ៉ាវិញ នោះនឹងមានកម្លាំងចម្រើនជានិច្ច គេនឹងហើរឡើងទៅលើដោយស្លាប ដូចជាតន្ត្រីគេនឹងរត់ទៅ ឥតដែលហត់ហើយនិងដើរឥតដែលល្វើយឡើយ»។ អេសាយ ៤០ៈ៣០,៣១។
មានមនុស្សជាច្រើន ដែលចង់ជួយដល់មនុស្សដទៃ ប៉ុន្តែ ពួកគេមានអារម្មណ៍ថាពួកគេគ្មានកម្លាំងខាងព្រលឹងវិញ្ញាណ ឬក៏ចំណេះប្រាជ្ញាដើម្បីចែកចាយ។ សូមឲ្យពួកគេមកកាន់ព្រះជាម្ចាស់ តាមរយៈការអធិស្ឋានចុះ។សូមអង្វរសុំព្រះវិញ្ញាណបរិសុទ្ធ។ ព្រះជាម្ចាស់រក្សារាល់សេចក្តីសន្យាដែលទ្រង់បានធ្វើ។ ចូរកាន់ព្រះគម្ពីរ នៅនឹងដៃដោយនិយាយថា «ទូលបង្គំបានធ្វើនូវអ្វីដែលទ្រង់បានឲ្យធ្វើហើយ។ នេះគឺជាសេចក្តីសន្យារបស់អ្នក«ចូរសូមនោះតែងនឹងឲ្យមកអ្នក ចូររក នោះតែងនឹងឃើញ ចូរគោះនោះតែងនឹងបើកឲ្យអ្នក»។ ម៉ាថាយ៧ៈ៧។
ការអធិស្ឋានតែក្នុងព្រះនាមព្រះយេស៊ូវ គឺមិនគ្រប់គ្រាន់ទេ យើងត្រូវតែមានការជម្រុញលើកទឹកចិត្តដោយព្រះវិញ្ញាណបរិសុទ្ធផង។ ការនេះពន្យល់ពីន័យ នៅពេលដែលព្រះគម្ពីរចែងថា ព្រះវិញ្ញាណ «ជួយអង្វរជំនួសយើងដោយដំងូរដែលរកថ្លែងពុំបាន»។ រ៉ូម៨ៈ២៦។ គឺជាការអធិស្ឋានបែបនេះហើយដែលព្រះជាម្ចាស់សព្វព្រះទ័យនឹងឆ្លើយតបនោះ។
នៅពេលដែលយើងអធិស្ឋាននៅក្នុងព្រះនាមព្រះយេស៊ូវ ពិតជាចង់ឲ្យព្រះជាម្ចាស់ឆ្លើយតបការអធិស្ឋានរបស់យើងមែននោះព្រះជាម្ចាស់សន្យាថា ទ្រង់នឹងឆ្លើយតប «ទ្រង់នឹងធ្វើហួសសន្ធឹក លើសជាងអស់ទាំងសេចក្តីដែលយើងសូម ឬគិតក្តី» អេភេសូរ៣ៈ២០។
អំណានព្រះគម្ពីរពេលល្ងាច៖ ម៉ាថាយ ២៧៖៤៥-៥៦
ខចងចាំ៖ «សូមកុំស្អប់យើងខ្ញុំឡើយ ដោយយល់ដល់ព្រះនាមទ្រង់ សូមកុំបង្អាប់បល្ល័ង្កនៃសិរីល្អរបស់ទ្រង់ សូមនឹកចាំឡើងវិញ ហើយកុំផ្តាច់សេចក្តីសញ្ញា ដែលទ្រង់បានតាំងនឹងយើងខ្ញុំឡើយ»។ យេរេមា ១៤:២១
