​អំណានព្រះគម្ពីរពេលព្រឹក៖ ព្រះ​នៃ​ខ្ញុំ ទ្រង់​នឹង​បំពេញ​គ្រប់​ទាំង​អស់ ដែល​អ្នក​រាល់​គ្នា​ត្រូវ​ការ តាម​ភោគ​សម្បត្តិ​នៃ​ទ្រង់​ដ៏​ឧត្តម ក្នុង​ព្រះគ្រីស្ទយេស៊ូវ។ ភីលីព ៤:១៩

អំណានប្រចាំថ្ងៃ៖ ​មុននឹងនិយាយទៅកាន់មនុស្សដទៃ ចូរនិយាយទៅកាន់ព្រះយេស៊ូវជាមុនសិន

នៅក្នុងរឿងប្រៀបប្រដូចអ្នក ដែលសូមនំបុ័ង ដើម្បីឲ្យដល់អ្នកក្រៅដែលស្រេកឃ្លាននឹងទទួលបាននូវអ្វី ដែលគេត្រូវការទាំងអស់។ តើព្រះជាម្ចាស់នឹងប្រទានឲ្យយើងប៉ុនណា ដើម្បីឲ្យយើងអាចយកទៅចែកចាយឲ្យដល់អ្នកដទៃនោះ? តាមខ្នាតអំណោយទាននៃព្រះគ្រីស្ទ។​ អេភេសូរ ៤ៈ៧។ ពួក​ទេវតាកំពុងតែមើលដោយការចាប់អារម្មណ៍យ៉ាងខ្លាំង ដើម្បីមើលឲ្យឃើញនូវអ្វី ដែលមនុស្សកំពុងតែប្រព្រឹត្តិចំពោះមនុស្សនៅជុំវិញខ្លួនរបស់គេ។ កាលណាពួកទេវតាទាំងនោះបានឃើញមនុស្សមានចិត្តសណ្តោសមេត្តា ចំពោះមនុស្សដែលមានបាប ដូចដែលព្រះយេស៊ូវមានចិត្តមេត្តាចំពោះមនុស្ស នោះ​ពួកគេមកខាងអ្នកនោះ ហើយជួយឲ្យគេចងចាំពាក្យសំដីដែលត្រឹមត្រូវ ដើម្បីនិយាយ ហើយពាក្យទាំងនេះនឹងមានលក្ខណៈដូចជានំបុ័ងជីវិតដែរ ចំពោះមនុស្សដែលស្រេកឃ្លានខាងផ្នែកព្រលឹងវិញ្ញាណ «ព្រះនៃខ្ញុំទ្រង់​នឹង​បំពេញគ្រប់ទាំងអស់ដែលអ្នករាល់គ្នាត្រូវការ តាមភោគសម្បត្តិនៃទ្រង់ ដ៏​ឧត្តម​ក្នុងព្រះគ្រីស្ទយេស៊ូវ»។ ភីលីព ៤ៈ១៩។ ព្រះជាម្ចាស់នឹងប្រទានអំណាចដល់ទីបន្ទាល់ដ៏ពិតរបស់អ្នក។ ព្រះបន្ទូលរបស់ព្រះនឹងស្ថិតនៅក្នុងមាត់អ្នកជាសេចក្តីពិតនិងជាសេចក្តីសុចរិត។

មុននឹងយើងចេញទៅជួយដល់មនុស្សដទៃ យើងត្រូវតែចំណាយពេលអធិស្ឋានតែម្នាក់ឯង ដោយសារតែត្រូវការ ចំណេះប្រាជ្ញាច្រើន ដើម្បីឲ្យយល់អំពីវិធីជួយសង្គ្រោះដល់មនុស្ស។ មុននឹងនិយាយជាមួយមនុស្ស ចូរនិយាយ​ជាមួយព្រះយេស៊ូវ។ ចូរទៅឯបល្ល័ង្ករបស់ព្រះជាម្ចាស់ ដើម្បីយកនូវអ្វីដែលអ្នកត្រូវការដើម្បីជួយដល់មនុស្សនានា នៅជុំវិញខ្លួនអ្នក។

​អំណានព្រះគម្ពីរពេលល្ងាច៖ ម៉ាថាយ ២៨៖១-១៥