ថ្ងៃព្រហស្បតិ៍ ទី២ ខែមីនា ឆ្នាំ២០២៣
អំណានព្រះគម្ពីរពេលព្រឹក៖ ខ្ញុំប្រាប់អ្នករាល់គ្នាថា ទោះបើអ្នកនោះមិនក្រោកឡើង យកទៅឲ្យ ដោយព្រោះជាសំឡាញ់ក៏ដោយ គង់តែនឹងក្រោកឡើងយកឲ្យ តាមអ្នកនោះត្រូវការជាមិនខាន ដោយព្រោះអ្នកនោះចេះតែទទូចអង្វរជានិច្ច។ លូកា ១១:៨
អំណានប្រចាំថ្ងៃ៖ អធិស្ឋាន គឺជាពេលវេលាមួយ ដើម្បីទូលសូមទៅព្រះឲ្យជួយដល់មនុស្សដទៃទៀត
ព្រះយេស៊ូវបានមានបន្ទូលទៅកាន់ហ្វូងមនុស្សថា «ក្នុងចំណោមអ្នករាល់គ្នាបើម្នាក់មានមិត្តសម្លាញ់មករកទាំងពាក់កណ្តាលអធ្រាត្រហើយពោលថា «សម្លាញ់អើយ! ឲ្យគ្នាខ្ចីនំបុ័ងបីដុំសិនមក ព្រោះមានមិត្តភក្តិទើបនឹងធ្វើដំណើរមកដល់ហើយ គ្មានអ្វីទទួលគេសោះ»។ អ្នកនៅក្នុងផ្ទះឆ្លើយមកវិញថា «កុំរំខានគ្នាធ្វើអ្វីគ្នាបានខ្ទាស់ទ្វារទៅហើយ ម្យ៉ាងទៀតកូនចៅគ្នាកំពុងដេកលក់ គ្នាមិនអាចក្រោកទៅយកនំបុ័ងឲ្យសម្លាញ់ឯងបានទេ»។ ខ្ញុំសុំប្រាប់អ្នករាល់គ្នាថា ម្ចាស់ផ្ទះប្រាកដជាក្រោកទៅយកនំបុ័ង ព្រមទាំងអ្វីៗដែលមិត្តសម្លាញ់របស់គាត់ត្រូវការមិនខាន។ គាត់ក្រោកទៅយកដូច្នេះមិនមែនមកពីគាត់យោគយល់មិត្តសម្លាញ់ទេគឺមកពីមិត្តសម្លាញ់នោះចេះតែរំខានមិនឈប់»។ លូកា ១១ៈ៥-៨។
នៅក្នុងរឿងនេះអ្នកដែលសុំនំបុ័ងគឺមិនមែនសុំសម្រាប់ខ្លួនឯងនោះទេ ប៉ុន្តែសុំដើម្បីយកទៅឲ្យអ្នកដទៃ។ គាត់ត្រូវតែយកនំបុ័ងបើមិនដូច្នោះទេគាត់មិនអាចជួយផ្គត់ផ្គង់ដល់អ្នកដំណើរ ដែលនឿយហត់ ដែលធ្វើមកដល់យប់ជ្រៅបានឡើយ។ ថ្វីបើអ្នកជិតខាង គាត់មិនចង់ឲ្យមានការរំខានដល់ខ្លួនគាត់នឹងមិនបដិសេធនូវការសុំអង្វររបស់គាត់ឡើយ មិត្តសម្លាញ់របស់គាត់ត្រូវតែយកនូវអ្វីដែលគាត់ត្រូវការហើយនៅទីបំផុតការទទូចសុំរបស់គាត់ក៏ទទួលបានសម្រេចអ្វី ដែលគាត់ត្រូវការក៏ទទួលបាន។
ដូចគ្នាដែរពួកសាវ័កត្រូវតែស្វែងរកពរពីព្រះជាម្ចាស់។ នៅក្នុងការផ្គត់ផ្គង់ចំណីអាហារដល់បណ្តាជន ហើយនិងនៅក្នុងសេចក្តីអធិប្បាយអំពីនំបុ័ងមកពីនគរឋានសួគ៌ ព្រះយេស៊ូវបានបើកផ្លូវឲ្យពួកគេធ្វើការក្នុងនាមជាអ្នកតំណាងឲ្យទ្រង់។ ពួកគេត្រូវផ្តល់នំបុ័ងជីវិតឲ្យដល់ប្រជារាស្ត្រ។
អំណានព្រះគម្ពីរពេលល្ងាច៖ ម៉ាថាយ ២៦៖២៦-៣០
ខចងចាំ៖ «មានពរហើយ អ្នកណាដែលមើល និងអស់អ្នកដែលស្តាប់ពាក្យទំនាយទាំងនេះ ហើយប្រព្រឹត្តតាមសេចក្តីទាំងប៉ុន្មានដែលកត់ទុកនេះដែរ ដ្បិតឯពេលវេលានោះជិតដល់ហើយ»។ វិវរណៈ ១:៣
