​អំណានព្រះគម្ពីរពេលព្រឹក៖ ដោយ​ហេតុ​នោះ​បាន​ជា​ទ្រង់​អាច​នឹង​ជួយ​សង្គ្រោះ​សព្វ​គ្រប់​បាន ដល់​មនុស្ស​ទាំង​អស់ ដែល​ចូល​ទៅ​ឯ​ព្រះ ដោយសារ​ទ្រង់ ដ្បិត​ទ្រង់​មាន​ព្រះជន្ម​រស់​នៅ​ជានិច្ច ដើម្បី​នឹង​ជួយ​អង្វរ​ជំនួស​គេ។ ហេព្រើរ ៧:២៥

អំណានប្រចាំថ្ងៃ៖ ​ព្រះជាម្ចាស់បានប្រទានឲ្យយើងអស់ទាំងអ្វីដែលយើងត្រូវ​ការ ដើម្បីឲ្យយើងរឹងមាំ

សេចក្តីអាណិតមេត្តាដែលបានជួយលោកពេត្រុសដដែលនោះហើយដែលទ្រង់បានផ្តល់ឲ្យដល់មនុស្សគ្រប់គ្នាដែលត្រូវបានល្បួងនិងមិនអាចយកឈ្នះលើអំពើបាបបាន។ គឺជាការងារពិសេសរបស់សាតាំងដែលនាំមនុស្សឲ្យចូលទៅក្នុងអំពើបាប ហើយបន្ទាប់មក ទុកគេចោល​មិន​អាចជួយបាន ហើយភ័យញ័រភ័យខ្លាចសូមនូវការអភ័យទោស។ ប៉ុន្តែហេតុអ្វីបានជាយើងត្រូវខ្លាច ខណៈពេលដែលព្រះជាម្ចាស់បានមានបន្ទូលថា «បើគេចូលមកជ្រកកោននឹងយើងហើយចុះចូលសុំសេចក្តីសុខសាន្តពីយើងនោះយើងនឹងផ្តល់សេចក្តីសុខសាន្តឲ្យគេ»។ អេសាយ២៧ៈ៥ព្រះជាម្ចាស់បានប្រទានឲ្យយើងនូវអ្វីគ្រប់យ៉ាងដែលយើងត្រូវការ​ដើម្បី​ពង្រឹងភាពទន់ខ្សោយរបស់យើងឲ្យរឹងមាំ។ ទ្រង់បានប្រទានឲ្យយើងនូវរាល់ការលើកទឹកចិត្តឲ្យចូលមកឯព្រះយេស៊ូវ។

ដោយលះបង់ព្រះជន្មរបស់ទ្រង់ដើម្បីទិញមកវិញនូវអ្វី ដែលជាកម្មសិទ្ធិរបស់ព្រះបិតាទ្រង់ព្រះយេស៊ូវបានប្រទានឱកាសឲ្យមនុស្សម្តងទៀត»។ ​ហេតុនេះហើយ បានជាព្រះអង្គក៏អាចសង្គ្រោះ អស់អ្នកដែលចូលមកជិតព្រះជាម្ចាស់ តាមរយៈព្រះអង្គ​បានជាស្ថាពរ​ដ្បិតព្រះអង្គមានព្រះជន្មរស់រហូតដើម្បីទូលអង្វរព្រះជាម្ចាស់ឲ្យពួកគេ»។ ហេព្រើរ ៧ៈ២៥។តាមរយៈជីវិតដែលគ្មានបាបរបស់ព្រះយេស៊ូវ ការស្តាប់បង្គាប់របស់ទ្រង់​ការសុគតនៅលើឈើឆ្កាង នៅលើភ្នំកាល់វ៉ារី ទ្រង់បានទូលអង្វរសុំសេចក្តីសង្គ្រោះឲ្យមនុស្សដែលគួរឬមិនដូច្នោះទេ ត្រូវស្លាប់ដោយសារតែអំពើបាប​របស់ខ្លួន។ ពេលឥឡូវនេះព្រះយេស៊ូវបានទូលអង្វរឲ្យយើងទ្រង់បានឈ្នះលើអំពើបាបនិងសេចក្តីស្លាប់ ដូច្នេះទ្រង់បានប្រកាសជ័យជំនះរបស់ទ្រង់​ជាជ័យជំនះរបស់យើង។ ការផ្តល់ឲ្យរបស់ទ្រង់ត្រូវបាន​ចប់សព្វគ្រប់ហើយក្នុងនាមជាអ្នកអធិស្ឋានឬអ្នកសុំអង្វរករឲ្យទ្រង់ធ្វើការងាររបស់ទ្រង់ប្រកាន់ខ្ជាប់នៅចំពោះព្រះជាម្ចាស់នូវភាពគ្មានបាបនិងសេចក្តីអធិស្ឋានសេចក្តីសារភាពរបស់ទ្រង់និងសេចក្តីថ្លែងអំណរគុណនៃរាស្ត្ររបស់ទ្រង់។អប់ជាមួយនឹងក្លិនក្រអូបនៃភាពសុចរិតរបស់ទ្រង់ទាំងនេះភាយទៅដល់ព្រះជាម្ចាស់ជាក្លិនក្រអូបឈ្ងុយឈ្ងប់។ ការថ្វាយគឺត្រូវបាន​ព្រះជាម្ចាស់ទទួលយកពេញលក្ខណៈហើយទ្រង់អភ័យទោសបាបឲ្យយើង។

​អំណានព្រះគម្ពីរពេលល្ងាច៖ ម៉ាកុស ២៖១-១២