ថ្ងៃអង្គារ ទី២៨ ខែមីនា ឆ្នាំ២០២៣
អំណានព្រះគម្ពីរពេលព្រឹក៖ បានជា ឱពួកស្ងួនភ្ងាអើយ ចូរបង្ហើយសេចក្តីសង្គ្រោះរបស់អ្នករាល់គ្នា ដោយកោតខ្លាច ហើយញាប់ញ័រចុះ ដូចជាបានស្តាប់បង្គាប់ខ្ញុំជាដរាបរៀងមកដែរ មិនមែនតែកាលខ្ញុំនៅជាមួយប៉ុណ្ណោះទេ សូម្បីឥឡូវនេះដែលខ្ញុំមិននៅជាមួយ នោះក៏ចូរខំប្រឹងឲ្យលើសទៅទៀតផង។ ភីលីព ២:១២
អំណានប្រចាំថ្ងៃ៖ អ្នកដែលចង់ទៅនគរឋានសួគ៌ មិនជឿទុកចិត្តលើខ្លួនឯងឡើយ
កាលណាយើងមានទំនាក់ទំនងកាន់តែជិតស្និទ្ធជាមួយនិងព្រះយេស៊ូវយើងនឹងកាន់តែឃើញភាពបរិសុទ្ធនៃអត្តចរិតរបស់ទ្រង់ច្បាស់ហើយយល់ពីសេចក្តីពិតអំពីអំពើបាបនោះវាពិតជាអាក្រក់ដល់កម្រិតណា។ដោយមានការយល់ដឹងនេះយើងនឹងមិនមានអារម្មណ៍អ្វីនៅក្នុងខ្លួនរបស់យើងដែលត្រូវមានអំនួតឡើយ។ មនុស្សដែលត្រូវបានកត់ត្រាទុកថាជាមនុស្សបរិសុទ្ធនៅឯនគរឋានសួគ៌នោះគឺអស់អ្នកដែលដឹងថា នៅក្នុងខ្លួនគេគ្មាន។ លោកពេត្រុុសដែលជាសាវ័ករបស់ព្រះយេស៊ូវក្លាយទៅជាអ្នកបម្រើដ៏ស្មោះរបស់ព្រះជាម្ចាស់ ហើយគាត់ត្រូវបានទទួលស្គាល់ដោយសារមានចំណេះដឹងប្រាជ្ញានិងអំណាចមកពីនគរឋានសួគ៌តាមរយៈការងាររបស់គាត់គាត់បាននាំមនុស្សជាច្រើនមកឯព្រះយេស៊ូវ ប៉ុន្តែលោកពេត្រុសមិនដែលភ្លេចពីបទពិសោធន៍អាក្រក់ៗនៃការបដិសេធមិនស្គាល់ព្រះយេស៊ូវនោះឡើយ អំពើបាបរបស់គាត់ត្រូវបានអភ័យទោសឲ្យ ហើយតែគាត់យល់ថា ដោយសារតែព្រះជាម្ចាស់បន្តផ្តល់ព្រះគុណរបស់ទ្រង់តែប៉ុណ្ណោះ ទើបគាត់អាចមានជ័យជំនះលើអំពើបាបបាន។ គាត់មិនឃើញមានអ្វីនៅក្នុងខ្លួនគាត់ដែលមានសិរីល្អឡើយ។
គ្មានសាវ័កឬក៏ហោរាដែលបាននិយាយថា ពួកគេមិនបានប្រព្រឹត្តិអំពើបាបឡើយ។ មនុស្សទាំងឡាយណាដែលមានជំនឿនិងប្រតិបត្តិតាមព្រះជាម្ចាស់បំផុតមនុស្សដែលសុខចិត្តស្លាប់ជាជាងប្រព្រឹត្តិអ្វីដែលខុសឆ្គងមនុស្សដែលព្រះជាម្ចាស់បានឲ្យតម្លៃដោយការយល់ដឹង និងអំណាចមកពីឋានសួគ៌បានសារភាពនូវអំពើបាបចេញពីចិត្តរបស់ពួកគេ។ ពួកគេមិនបានដាក់សេចក្តីទុកចិត្តលើខ្លួនពួកគេឡើយពួកគេមិនបានពឹងលើសេចក្តីសុចរិតរបស់ខ្លួនទេ ប៉ុន្តែ ពួកគេបានជឿទុកចិត្តនៅក្នុងភាពសុចរិតរបស់ព្រះយេស៊ូវវិញ។ គឺវានឹងដូចគ្នាចំពោះអ្នកណាដែលពិតជាមានទំនាក់ទំនងជាមួយព្រះយេស៊ូវពិតប្រាកដ។
អំណានព្រះគម្ពីរពេលល្ងាច៖ ម៉ាកុស ៣៖៧-១២
ខចងចាំ៖ «ដ្បិតអស់អ្នកណាដែលដំកើងខ្លួន នោះនឹងត្រូវបន្ទាបចុះ តែអ្នកណាដែលបន្ទាបខ្លួន នោះនឹងបានដំកើងឡើងវិញ»។ លូកា ១៤:១១
