ថ្ងៃសុក្រ ទី២១ ខែមេសា ឆ្នាំ២០២៣
អំណានព្រះគម្ពីរពេលព្រឹក៖គ្មានអ្នកណាដែលយល់ គ្មានអ្នកណាដែលស្វែងរកព្រះ គ្រប់គ្នាបានបែរចេញ ហើយត្រឡប់ជាឥតប្រយោជន៍ទាំងអស់គ្នា គ្មានអ្នកណាដែលប្រព្រឹត្តតាមសេចក្តីសប្បុរសសោះ តែម្នាក់ក៏គ្មានផង។ រ៉ូម ៣:១១-១២
អំណានប្រចាំថ្ងៃ៖ ព្រះជាម្ចាស់តាមសង្រ្គោះ អស់អ្នកដែលបាត់បង់ឬវង្វេង
អស់អ្នកដែលបានប្រព្រឹត្តិអំពើបាបច្រើនចូរក្លាហានឡើង ព្រោះថា អ្នកមានសង្ឃឹមនឹងទទួលបានការអភ័យទោស។ ចូរកុំគិតថាប្រហែលជាព្រះជាម្ចាស់នឹងអភ័យទោសឲ្យអ្នកឡើយ។ ព្រះជាម្ចាស់គឺជាអ្នកមករកអ្នកមុន។ ខណៈពេលដែលអ្នកកំពុងតែបះបោរប្រឆាំងនឹងទ្រង់ ទ្រង់ចេញទៅរកអ្នក។ ដោយមានចិត្តស្រឡាញ់ពីអ្នកគង្វាលចៀមទ្រង់បានយាងចេញពីចៀម៩៩ក្បាលហើយបានយាងទៅឯទីរហោឋានទៅរកចៀម១ដែលវង្វេងបាត់ដោយសារការមិនស្តាប់បង្គាប់។ មនុស្សដែលឈឺចាប់បណ្តាលមកពីអំពើបាប ហើយជិតស្លាប់ព្រះជាម្ចាស់បីគេនៅក្នុងព្រះហស្តនៃសេចក្តីស្រឡាញ់ហើយនិងដោយសេចក្តីអំណរត្រឡប់ទៅផ្ទះដែលជាកន្លែងដែលមានសុវត្ថិភាពវិញ។
ពួកសាសន៍យូដាបានបង្រៀនថា មនុស្សត្រូវតែលន់តួចំពោះព្រះជាម្ចាស់ដែលស្រឡាញ់ពួកគេ។ ពួកគេជឿថា ការលន់តួទោសគឺជាអ្វីដែលពួកគេត្រូវតែធ្វើមុននឹងពួកគេអាចទទួលព្រះពរមកពីនគរឋានសួគ៌បាន។ គឺដោយសារតែជំនឿបែបនេះហើយដែលពួកផារីសុីខឹង ហើយភ្ញាក់ផ្អើលដែលព្រះយេស៊ូវបានសេពគប់ជាមួយមនុស្សដែលមានបាបនោះ។ ពួកគេជឿជាក់ថាព្រះយេស៊ូវត្រូវឲ្យមនុស្សមកឯទ្រង់ បើសិនជាពួកគេបានលន់តួទោសរួចហើយតែប៉ុណ្ណោះ។ ប៉ុន្តែនៅក្នុងរឿងប្រៀបប្រដូចនៃកូនចៀមដែលបាត់បង់ឬវង្វេងព្រះយេស៊ូវបង្រៀនថាសេចក្តីសង្គ្រោះមិនមែនបានមកតាមរយៈការស្វែងរកព្រះជាម្ចាស់នោះទេ តែតាមរយៈព្រះជាម្ចាស់ស្វែងរកយើងវិញ។ គ្មានអ្នកណាដែលយល់គ្មានអ្នកណាដែលស្វែងរកព្រះ។ គ្រប់គ្នាបានបែរចេញហើយត្រឡប់ជាឥតប្រយោជន៍ទាំងអស់គ្នា។ រ៉ូម ៣ៈ១១,១២។យើងមិនលន់តួទោសដើម្បីឲ្យព្រះជាម្ចាស់ស្រឡាញ់យើង ប៉ុន្តែទ្រង់បង្ហាញសេចក្តីស្រឡាញ់របស់ទ្រង់ដល់យើងដើម្បីឲ្យយើងលន់តួទោស។
អំណានព្រះគម្ពីរពេលល្ងាច៖ ម៉ាកុស ៨៖២២-២៦
ខចងចាំ៖ «ដ្បិតអ្នកណាដែលប្រព្រឹត្តដោយឥតមេត្តា នោះនឹងត្រូវទោសឥតមេត្តាដែរ រីឯសេចក្តីមេត្តា នោះរមែងឈ្នះសេចក្តីជំនុំជម្រះវិញ»។ យ៉ាកុប ២:១៣
