​អំណានព្រះគម្ពីរពេលព្រឹក៖ កូន​ពៅ​និយាយ​ទៅ​ឪពុក​ថា សូម​លោក​ឪពុក​ប្រគល់​ចំណែក​មរដក ដែល​ត្រូវ​ចែក​ដល់​ខ្ញុំ​នោះ​មក គាត់​ក៏​ចែក​ទ្រព្យ​នោះ​ដល់​កូន ក្រោយ​បន្តិច​មក កូន​ពៅ​ប្រមូល​ទាំង​អស់ ចេញ​ទៅ​ឯ​ស្រុក​ឆ្ងាយ ហើយ​ក៏​បង្ហិន​ទ្រព្យ​ទៅ ដោយ​ល្បែង​ដ៏​ហួស​ខ្នាត។ លូកា ១៥:១២-១៣

អំណានប្រចាំថ្ងៃ៖ ​ព្រះជាម្ចាស់មិនចាកចេញពីអ្នកដែលបាត់បង់​ ឬវង្វេងក្នុងពេលដែលពួកគេមានទុក្ខសោកឡើយ

រឿងប្រៀបប្រដូចអំពីកូនចៀមដែលវង្វេងឬបាត់បង់រឿងប្រាក់កាក់ដែលបាត់និងរឿងកូនពៅវង្វេងជួយយើងឲ្យយល់ពីសេចក្តីស្រឡាញ់របស់ព្រះជាម្ចាស់ចំពោះអស់អ្នកដែលងាកចេញពីទ្រង់។ ទោះបីជាពួកគេបានងាកចេញពីព្រះជាម្ចាស់ក៏ដោយក៏ទ្រង់មិនបានទុកពួកគេចោលនៅក្នុងភាពសោកសៅដែរ។ ទ្រង់មានពោរពេញទៅដោយសេចក្តីសប្បុរសនិងមានសេចក្តីអាណិតមេត្តាពន់ពេកចំពោះអ្នកទាំងឡាយណាដែលត្រូវបានល្បួងដោយសាតាំង។ រឿងប្រៀបប្រដូចអំពីកូនពៅវង្វេងប្រាប់យើងអំពីរបៀបដែលព្រះជាម្ចាស់ដោះស្រាយជាមួយអស់អ្នកដែលបានស្គាល់សេចក្តីស្រឡាញ់របស់ព្រះវរបិតាហើយ ប៉ុន្តែបានសម្រេចឲ្យសាតាំងគ្រប់គ្រងលើជីវិតរបស់ពួកគេ។

«មានបុរសម្នាក់មានកូនប្រុស២កូនពៅនិយាយទៅឪពុកថាសូមលោកឪពុកប្រគល់ចំណែកមរតកដែលត្រូវចែកដល់ខ្ញុំនោះមក។ គាត់ក៏ចែកទ្រព្យ​នោះដល់កូន។ ក្រោយបន្តិចមកកូនពៅប្រមូលទាំងអស់ចេញទៅឯស្រុកឆ្ងាយ»។ លូកា ១៥ៈ១១-១៣

កូនពៅនេះធុញនឹងរស់នៅក្រោមច្បាប់ទម្លាប់ក្រុមគ្រួសាររបស់គាត់។គេគិតថាគេមិនមានសិទ្ធិសេរីភាពគ្រប់គ្រាន់។ គាត់យល់ខុសពីសេចក្តីស្រឡាញ់និងការចិញ្ចឹមថែរក្សារបស់ឪពុកចំពោះគាត់ហើយក៏បានសម្រេចចិត្តធ្វើអ្វីតាមតែចិត្តរបស់គាត់ចង់ធ្វើ។

បុរសវ័យក្មេងម្នាក់នេះបង្ហាញឲ្យឃើញថាគាត់មិនជឿថាគេមិនចាំបាច់ធ្វើអ្វីសម្រាប់ឪពុករបស់គាត់នោះទេ។ គាត់មិនដឹងគុណចំពោះការ​ទាំង អស់បានធ្វើដើម្បីគាត់ឡើយ តែគាត់ទាមទារកម្មសិទ្ធិក្នុងនាមជាកូនដោយសូមឪពុកចែកចាយទ្រព្យសម្បត្តិឲ្យខ្លួន។​ ទ្រព្យសម្បត្តិដែលនឹងជារបស់គាត់ក្រោយពេលដែលឪពុកស្លាប់ទៅនោះគាត់ចង់បានក្នុងពេលឥឡូវនេះ។គាត់ចង់សប្បាយឥឡូវនេះ ហើយមិនខ្វល់ពីអនាគតឡើយ។

នៅពេលដែលគាត់បានទ្រព្យសម្បត្តិនោះហើយគាត់ក៏ចាកចេញទៅស្រុកឆ្ងាយទៅសប្បាយហឺុហាឆ្ងាយពីផ្ទះរបស់ឪពុកគាត់។ ជាមួយនិងប្រាក់​កាស​ទាំងប៉ុន្មាន និងសេរីភាពដែលគាត់ត្រូវការគាត់គិតថាសុបិនរបស់គាត់កំពុងតែក្លាយជាការពិតហើយ។ គ្មានអ្នកណាគេមកថា​កុំធ្វើដូច្នេះព្រោះវានាំទុក្ខដល់ខ្លួនឬក៏ធ្វើដូច្នេះព្រោះវាជារឿងត្រឹមត្រូវ។ គាត់បានជ្រើសរើស​យកមិត្តភក្តិមិនល្អដែលមិត្តទាំងនោះជួយឲ្យគេចូលទៅក្នុងអំពើបាបកាន់តែជ្រៅទៅៗហើយក៏បំផ្លាញលុយកាក់ជាមួយនិងការរស់នៅប្រកបដោយអំពើបាប។

​អំណានព្រះគម្ពីរពេលល្ងាច៖ ម៉ាកុស ១០៖១៧-៣១