ថ្ងៃអង្គារ ទី៤ ខែមេសា ឆ្នាំ២០២៣
អំណានព្រះគម្ពីរពេលព្រឹក៖ នោះខ្ញុំឮសំឡេង១យ៉ាងខ្លាំង នៅលើមេឃថា ឥឡូវនេះ សេចក្តីសង្គ្រោះ ព្រះចេស្តា និងរាជ្យរបស់ព្រះនៃយើងរាល់គ្នា ហើយអំណាចរបស់ព្រះគ្រីស្ទនៃទ្រង់ បានមកដល់ហើយ ដ្បិតអានោះដែលចោទប្រកាន់ពីពួកបងប្អូនយើងរាល់គ្នា ដែលចេះតែចោទពីគេ នៅចំពោះព្រះទាំងយប់ទាំងថ្ងៃ វាត្រូវបោះទំលាក់ទៅហើយ។ វិវរណៈ ១២:១០
អំណានប្រចាំថ្ងៃ៖ រាស្រ្តរបស់ព្រះជាម្ចាស់ ស្ថិតនៅក្នុងការតាត់ក្តី
នៅក្នុងរឿងប្រៀបប្រដូចនេះព្រះយេស៊ូវបង្រៀនយើងថារាស្ត្ររបស់ព្រះជាម្ចាស់ត្រូវតែបន្តអធិស្ឋានសុំការជួយសង្គ្រោះឲ្យផុតពីសាតាំងនិងអស់អ្នកដែលជួយសាតាំង។ បទទំនាយដែលលោកសាការីបានសរសេរបង្រៀនយើងអំពីសាតាំងថា ជាអ្នកដែលចោទប្រកាន់មនុស្សថាធ្វើខុសហើយការងារដែលព្រះយេស៊ូវធ្វើឡើងគឺដើម្បីការពាររាស្ត្ររបស់ទ្រង់ប្រឆាំងនឹងការចោទប្រកាន់របស់សាតាំង។ ពួកហោរាថ្លែងថា «រួចមកទេវតានោះក៏បង្ហាញឲ្យខ្ញុំឃើញយេសួរជាសម្តេចសង្ឃឈរនៅចំពោះទេវតានៃព្រះយេហូវ៉ាមានអារក្សសាតាំងឈរនៅខាងស្តាំលោកដើម្បីតវ៉ានឹងលោក។ នោះព្រះយេហូវ៉ាទ្រង់មានបន្ទូលនឹងសាតាំងថាម្នាលសាតាំងព្រះយេហូវ៉ាទ្រង់បន្ទោសឯងអើព្រះយេហូវ៉ាដែលបានរើសក្រុងយេរូសាឡិមទ្រង់ស្តីបន្ទោសដល់ឯងនេះតើមិនមែនជាកន្ទុយអុសដែលបានកញ្ឆក់ចេញពីភ្លើងទេឬ?រីឯយេសួរលោកកំពុងឈរនៅចំពោះទេវតាទាំងស្លៀកពាក់កខ្វក់។ សាការី ៣ៈ១-៣
រាស្ត្ររបស់ព្រះជាម្ចាស់នៅទីនេះតំណាងឲ្យឧក្រិដ្ឋជនដែលត្រូវកាត់ក្តី។ យេសួរជាសម្តេចសង្ឃគឺស្វែងរកព្រះពរសម្រាប់រាស្ត្ររបស់ទ្រង់ដែលកំពុងតែរងទុក្ខវេទនាយ៉ាងធ្ងន់ធ្ងរ។ ខណៈពេលដែលសម្តេចសង្ឃយេសួរសូមជំនួយពីព្រះជាម្ចាស់ សាតាំងកំពុងតែឈរនៅខាងស្តាំដៃទ្រង់(យេសួរ)ដើម្បីប្រឆាំងជំទាស់នឹងទ្រង់។ វាចោទប្រកាន់កូនចៅរបស់ព្រះជាម្ចាស់ហើយធ្វើឲ្យពួកគេមើលទៅហាក់ដូចជាគ្មានសង្ឃឹម ដើម្បីជួយសង្គ្រោះដល់ពួកគេ។ សាតាំងវាដាស់តឿនរំឭកដល់ព្រះជាម្ចាស់នូវអំពើអាក្រក់ទាំងឡាយដែលពួកគេបានប្រព្រឹត្តិ ហើយនិងពីការដែលពួកគេកើតមកមានអំពើបាប។ សាតាំងបង្ហាញនូវកំហុសនិងភាពបរាជ័យរបស់ពួកគេ សង្ឃឹមថារារាំងព្រះយេស៊ូវមិនឲ្យជួយដល់ពួកគេបាន។ សម្តេចសង្ឃយេសួរជាតំណាងនៃប្រជារាស្ត្ររបស់ព្រះជាម្ចាស់ទ្រង់គង់ឈរឲ្យគេផ្តន្ទាទោសទ្រង់ក្រវា៉ត់អង្គដោយសម្លៀកបំពាក់កខ្វក់ដែលជានិមិត្តសញ្ញាតំណាងឲ្យអំពើបាបនៃប្រជារាស្ត្ររបស់ព្រះជាម្ចាស់។ សម្តេចសង្ឃយេសួរជ្រាបដឹងអំពីអំពើបាបទាំងនេះហើយបាក់ទឹកចិត្ត។ សាតាំងធ្វើឲ្យសម្តេចសង្ឃយេសួរមានអារម្មណ៍ថា មានទោសព្យាយាមធ្វើឲ្យទ្រង់បោះបង់ចោលក្តីសង្ឃឹម។ ប៉ុន្តែ សម្តេចសង្ឃយេសួរគង់ឈរនៅមុខបល្ល័ង្ករបស់ព្រះជាម្ចាស់ដើម្បីអង្វរសុំជំនួយរបស់ព្រះជាម្ចាស់ឲ្យរាស្ត្ររបស់ទ្រង់។
អំណានព្រះគម្ពីរពេលល្ងាច៖ ម៉ាកុស ៤៖២៦-២៩
ខចងចាំ៖ «ដើម្បីនឹងសំដែងឲ្យឃើញសេចក្តីសុចរិតរបស់ព្រះ នៅជាន់ឥឡូវនេះ ប្រយោជន៍ឲ្យទ្រង់បានសុចរិត ព្រមទាំងរាប់ពួកអ្នកដែលមានសេចក្តីជំនឿ ជឿដល់ព្រះយេស៊ូវ ថាជាសុចរិតដែរ»។ រ៉ូម ៣:២៦
