​អំណានព្រះគម្ពីរពេលព្រឹក៖ ដើម្បី​នឹង​សំដែង​ឲ្យ​ឃើញ​សេចក្តី​សុចរិត​របស់​ព្រះ នៅ​ជាន់​ឥឡូវ​នេះ ប្រយោជន៍​ឲ្យ​ទ្រង់​បាន​សុចរិត ព្រម​ទាំង​រាប់​ពួក​អ្នក​ដែល​មាន​សេចក្តី​ជំនឿ ជឿ​ដល់​ព្រះយេស៊ូវ ថា​ជា​សុចរិត​ដែរ។ រ៉ូម ៣:២៦

អំណានប្រចាំថ្ងៃ៖ ព្រះយេស៊ូវ គឺជាស្ពានចម្លងយើងទៅកាន់ព្រះជាម្ចាស់

រាស្ត្ររបស់ព្រះជាម្ចាស់មិនអាចការពារខ្លួនឯងប្រឆាំងនឹងការវាយប្រហាររបស់សាតាំងបានឡើយ។ នៅពេលដែលពួកគេមើលទៅជីវិតពួកគេកាលពីពេលមុនពួកគេត្រៀមខ្លួននឹងបោះបង់ចោលនូវសេចក្តីសង្ឃឹមជាស្រេចហើយ។ ប៉ុន្តែពួកគេអំពាវនាវរកព្រះយេស៊ូវដែលទ្រង់ជាអ្នកគង់ឈរនៅចំពោះមុខចៅក្រមសូមអង្វរចំពោះរឿងក្តីរបស់ពួកគេ។ ពួកគេសូមឲ្យព្រះលោហិតរបស់ព្រះយេស៊ូវដែលជាអ្នកប្រោសលោះរបស់ពួកគេ ឲ្យទ្រង់គ្របបាំងនូវអំពើបាបរបស់ពួកគេ។ ព្រះជាម្ចាស់ អាច «សុចរិតព្រមទាំងរាប់ពួកអ្នកដែលមានសេចក្តីជំនឿ ជឿដល់ព្រះយេស៊ូវថាជាសុចរិតដែរ»។រ៉ូម ៣ៈ២៦។ កូនចៅរបស់ព្រះជាម្ចាស់ស្រែករកទ្រង់ដោយមានទំនុកចិត្តថា​​ សូមលោកកាត់ទោសដល់ខ្មាំងសត្រូវឲ្យខ្ញុំផង ពួកគេអធិស្ឋាន ហើយជាមួយនិងការជជែកយ៉ាងមានឫទ្ធិនៅឯកន្លែង​ឈើឆ្កាងព្រះយេស៊ូវបានបញ្ឈប់​សាតាំងដែលជាមេចោទប្រកាន់ឥតកោតញញើត។

ព្រះយេស៊ូវបានមានបន្ទូលថា «នោះព្រះយេហូវ៉ាទ្រង់មានបន្ទូលនឹងសាតាំងថាម្នាលសាតាំងព្រះយេហូវ៉ាទ្រង់បន្ទោសឯងអើព្រះយេហូវ៉ាដែលបានរើសក្រុងយេរូសាឡិមទ្រង់ស្តីបន្ទោសដល់ឯងនេះតើមិនមែនជាកន្ទុយអុសដែលបានកញ្ឆក់ចេញពីភ្លើងទេឬ?» សាការី៣ៈ៣​ នៅពេលដែលសាតាំងរករឿងបន្ទោសដល់រាស្ត្ររបស់ព្រះជាម្ចាស់ ហើយបំផ្លាញពួកគេចោល ព្រះយេស៊ូវបានយកអង្គទ្រង់មកដាក់ជួសយើងវិញ។ ថ្វីបើរាស្ត្ររបស់ព្រះជាម្ចាស់បានប្រព្រឹត្តិអំពើបាបក៏ពិតមែនតែព្រះយេស៊ូវបានយកទោស​​នៃអំពើបាបរបស់ពួកគេមកដាក់លើអង្គទ្រង់។ ទ្រង់បានសង្គ្រោះរាស្ត្ររបស់ទ្រង់ដូចជាឈើដែលគេបានដកយកចេញពីភ្លើងដែរ។ ដោយសារព្រះយេស៊ូវបានក្លាយមកជាមនុស្សទ្រង់មានទំនាក់ទំនងទៅនឹងមនុស្សនៅក្នុងគ្រាដដែលនោះព្រះយេស៊ូវគឺជាព្រះ ដូច្នេះហើយទ្រង់គឺតែ១ជាមួយនិងព្រះវរបិតា។ ព្រះយេស៊ូវគឺជាស្ពាននៅចន្លោះព្រះជាម្ចាស់និងមនុស្សទ្រង់ផ្តល់ជំនួយដល់អស់អ្នកដែលអាចនឹងជួបសេចក្តីស្លាប់អស់កល្ប។ សាតាំងគឺជា​អ្នកចោទ​ប្រកាន់​កូនចៅរបស់ព្រះជាម្ចាស់ គឺត្រូវបានស្តីបន្ទោស។

​អំណានព្រះគម្ពីរពេលល្ងាច៖ ម៉ាកុស ៤៖៣៥-៤១