​អំណានព្រះគម្ពីរពេលព្រឹក៖ ឱ​មនុស្ស​អើយ ព្រះ​បាន​បង្ហាញ​ឲ្យ​ឯង​ស្គាល់​សេចក្តី​ដែល​ល្អ តើ​ព្រះយេហូវ៉ា​សព្វ​ព្រះហឫទ័យ​ឲ្យ​ឯង​ប្រព្រឹត្ត​ដូច​ម្តេច បើ​មិន​មែន​ឲ្យ​ប្រព្រឹត្ត​ដោយ​សុចរិត ឲ្យ​ស្រឡាញ់​សេចក្តី​សប្បុរស ហើយ​ឲ្យ​ដើរ​ជា​មួយ​នឹង​ព្រះ​នៃ​ខ្លួន ដោយ​សុភាព​រាបទាប​ប៉ុណ្ណោះ។ មីកា ៦:៨

អំណានប្រចាំថ្ងៃ៖ ​ព្រះជាម្ចាស់មានព្រះបន្ទូលថា «គ្រប់យ៉ាងទាំងអស់ដែលខ្ញុំ​មាន គឺជារបស់អ្នក»

នៅក្នុងរឿងប្រៀបប្រដូចនេះឪពុកសូមអង្វរករដល់កូនប្រុសច្បងតំណាងឲ្យការស្នើសុំអង្វរដល់ពួកផារីសុី។ «ឯរបស់អញទាំងប៉ុន្មានក៏ជារបស់ឯងដែរ»។ មិនមែនជាប្រាក់ខែទេតែជាអំណោយទៅវិញទេ។ ដូចជាកូនប្រុសដែលវង្វេងដែរអំណោយនេះដែលជាអំណោយដែលអ្នកមិនសក្តិសម​នឹងទទួលអាចទទួលបានជាអំណោយនៃសេចក្តីស្រឡាញ់មកពីព្រះវរបិតា​ដោយឥតគិតថ្លៃតែប៉ុណ្ណោះ។

ភាពសុចរិតរបស់ខ្លួននាំឲ្យមនុស្សយល់ខុសចំពោះព្រះជាម្ចាស់និងធ្វើឲ្យពួកគេប្រព្រឹត្តិមិនសមរម្យឬមិនល្អចំពោះអ្នកដទៃ។ កូនប្រុសច្បងដោយសារតែភាពអាត្មានិយមនិងការច្រណែនរបស់ខ្លួនគេនឹងចាំតែមើលទៅប្អូនហើយចាំតែរិះគន់រាល់សកម្មភាពហើយនិងចោទប្រកាន់ប្អូននូវការអ្វីដែលប្អូននោះបានប្រព្រឹត្តិខុស។ ដោយការធ្វើបែបនេះគេនឹងព្យាយាមធ្វើឲ្យឫកពារបស់ខ្លួនមើលទៅត្រឹមត្រូវដូច្នេះហើយធ្វើឲ្យអ្នកដទៃមើលមកខ្លួនឯងថាល្អ។ សព្វថ្ងៃនេះមានមនុស្សជាច្រើនកំពុងតែធ្វើដូចគ្នា។ ខណៈពេលដែលមានអ្នកលន់តួសារភាពទោសកំហុសថ្មីកំពុងតែខំព្យាយាមយកឈ្នះលើសេចក្តីល្បួងមនុស្សទាំងនេះដែលមានលក្ខណៈដូចជាកូនច្បងកំពុងតែមើលរង់ចាំរិះគន់និងផ្តន្ទាទោស។ ពួកគេអាចតាំងខ្លួនជាកូនព្រះជាម្ចាស់ប៉ុន្តែពួកគេធ្វើឫកដូចជាកូនចៅរបស់សាតាំងទៅវិញ។ ដោយការធ្វើអកប្បកិរិយាមិនល្អចំពោះមនុស្សទាំងនេះ ពួកអ្នកចោទប្រកាន់គេបានធ្វើខ្លួនមិនឲ្យព្រះជាម្ចាស់មិនអាចប្រទានពរពួកគេបាន។

មានមនុស្សជាច្រើន ឧស្សាហ៍ឆ្ងល់ថា «តើត្រូវឲ្យខ្ញុំយកអ្វីដើម្បីចូលទៅចំពោះព្រះយេហូវ៉ា ហើយក្រាបថ្វាយបង្គំនៅមុខព្រះដ៏ខ្ពស់ តើត្រូវឲ្យខ្ញុំយកតង្វាយដុតជាកូនគោអាយុ១ខួបដើម្បីចូលទៅចំពោះទ្រង់ឬ? តើព្រះយេហូវ៉ាទ្រង់នឹងសព្វព្រះហឫទ័យដោយចៀមទាំងពាន់ឫដោយប្រេងទាំងមុឺនទន្លេឬអី? ឱមនុស្សអើយព្រះបានបង្ហាញឲ្យឯងស្គាល់សេចក្តីដែលល្អតើព្រះយេហូវ៉ាសព្វព្រះហឫទ័យឲ្យឯងប្រព្រឹត្តិដូចម្តេចបើមិនមែនឲ្យប្រព្រឹត្តិដោយសុចរិតឲ្យស្រឡាញ់សេចក្តីសប្បុរសហើយឲ្យដើរជាមួយនឹងព្រះនៃខ្លួនដោយសុភាពរាបទាបប៉ុណ្ណោះ»។ មីកា៦ៈ៦-៨

​អំណានព្រះគម្ពីរពេលល្ងាច៖ ម៉ាកុស ១៥