នៅក្នុងឆ្នាំ ៥៤៨/៥៤៧ មុនគ្រិស្តសករាជ ព្រះបានប្រទានសុបិនមួយទៀតដល់លោកដានីយ៉ែល។ យើងអាចអានបានអំពីសុបិននោះនៅក្នុងបទគម្ពីរដានីយ៉ែល ៨។ សុបិននេះជាទីសំគាល់បន្ថែមអំពីកិច្ចការ របស់ព្រះជាចៅក្រមនៅក្នុងបទគម្ពីរដានីយ៉ែល ៧។ យើងនឹងចងចាំថា សុបិននៅក្នុងបទគម្ពីរដានីយ៉ែល ២ និងដានីយ៉ែល ៧​ បានចាប់ផ្តើមដោយបាប៊ីឡូន។ ប៉ុន្តែ សុបិននៅក្នុងបទគម្ពីរដានីយ៉ែល ៨ បានដក បាប៊ីឡូនចេញ ហើយចាប់ផ្តើមជាមួយនឹងមេឌី-ពើស៊ីវិញ។ នៅក្នុងឆ្នាំនេះ (៥៤៨/៥៤៧ មុនគ្រិស្តសករាជ) បាប៊ីឡូនបានបាត់បង់អំណាចរួចទៅហើយ។ សាសន៍ពើស៊ីរៀបនឹងជំនួសបាប៊ីឡូនដោយសាសន៍នេះបាន ក្លាយជាអាណាចក្រដ៏មានអំណាចបំផុតនៅលើផែនដី។ យើងនឹងបានឃើញសុបិននៅក្នុងបទគម្ពីរដានីយ៉ែល ៨ បង្ហាញនូវទីសំគាល់ដូចជាបានចែងនៅក្នុងបទគម្ពីរដានីយ៉ែល ៧ ផងដែរ។ ប្រាកដណាស់ រូបស័ព្ទទាំង ឡាយបានប្រែប្រួលនៅក្នុងបទគម្ពីរដានីយ៉ែល ៨។ នោះគឺដោយសារតែបទគម្ពីរដានីយ៉ែល ៨ បានបង្ហាញ ប្រាប់យើងថា ព្រះទ្រង់នឹងសំអាតរោងឧបោសថនៅស្ថានសួគ៌ចេញពីអំពើបាប។ ដូចនេះ បទគម្ពីរដានីយ៉ែល ៨ បានពិពណ៌នាអំពីព្រឹត្តិការណ៍ដែលបានកើតឡើងនៅក្នុងរោងឧបោសថនៃព្រះនៅឯស្ថានសួគ៌នាគ្រា ចុងក្រោយ។ ប៉ុន្តែ បទគម្ពីរដានីយ៉ែល ៧ បានបង្ហាញប្រាប់យើងអំពីទីវិនិច្ឆ័យនៃស្ថានសួគ៌។ បទគម្ពីរនោះ ក៏បានបង្ហាញប្រាប់យើងអំពីការទទួលរាជ្យនៃកូនមនុស្សផងដែរ។ បទគម្ពីរដានីយ៉ែល ៨ បានបង្ហាញប្រាប់ ថា ព្រះទ្រង់នឹងធ្វើអោយរោងឧបោសថនៅស្ថានសួគ៌បានស្អាត។ ដូច្នេះ យើងឃើញថាកិច្ចការរបស់ព្រះក្នុងការសំអាតរោងឧបោសថនៃស្ថានសួគ៌នៅក្នុងបទគម្ពីរដានីយ៉ែល ៨ មានទំនាក់ទំនងទៅនឹងកិច្ចការ របស់ព្រះជាចៅក្រម នៅក្នុងបទគម្ពីរដានីយ៉ែល ៧។