លោកហ្វឺណាន់ដូបានសម្រេចចិត្តយកព្រះទុកជាទី​១បើទោះបីជាពួកគេមានការភ័យខ្លាចនិងមិនច្បាស់អំពីអនាគតក្តី។ ថ្ងៃនេះតើយើងអាចរៀនអ្វីខ្លះពីលោកហ្វឺណាន់ដូដែលនឹងជួយយើងឲ្យយកព្រះទុកជាទី១នៅក្នុងជីវិតផ្ទាល់របស់យើង?

វេជ្ជបណ្ឌិតហ្វឺណាន់ដូគឺជាគ្រូពេទ្យនៅទីក្រុងប្រាស៊ីលៀ ដែលជារដ្ឋធានីនៃប្រទេស​ប្រេស៊ីល។ រឿងរបស់យើងចាប់ផ្តើមពីពេលដែលលោកបានទស្សនាវីឌីអូមួយស្តីអំពីបេសកជនអាត់វេនទីស្ទមួយគ្រួសារនៅក្នុងប្រទេសម៉ុងហ្គោលី។ លោកក៏ស្រាប់តែចង់ធ្វើជាបេសកជននឹងគេដែរ ប៉ុន្តែការប្តេជ្ញាចិត្តរបស់លោកនៅក្នុងប្រទេសប្រេស៊ីលមិនអាចឲ្យគាត់ចេញ​ទៅ​បានទេ។ លោកបានពិភាក្សាគ្នាជាមួយភរិយារបស់លោក ហើយនាងបានយល់ព្រមបង្កើនប្រាក់ដង្វាយសទ្ធាដល់ព្រះវិហារសេវេនដេយ៍អាត់វេនទីស្ទមូលដ្ឋានរបស់ពួកគេ។ រឿងនេះគឺជាការពិបាកសម្រេចចិត្តនឹងធ្វើបានណាស់ ប៉ុន្តែមិនយូរប៉ុន្មានពួកគេក៏រកឃើញសេចក្តី​អំណរក្នុងការយកព្រះទុកជាទីមួយតាមរយៈដង្វាយសទ្ធា។ ៦ខែក្រោយមក លោកហ្វឺណាន់ដូ និងគ្រួសាររបស់លោកបានជុំគ្នាទស្សនា វីឌីអូ១ទៀតដែលផ្ញើមកពីប្រទេសម៉ុងហ្គោលី។ នៅក្នុង​វីឌីអូ បេសកជនបានថ្លែងអំណរគុណដល់គ្រួសាររបស់លោកដែលបានលះបង់ក្នុងការថ្វាយដង្វាយសទ្ធា។ លោកបានឃើញ​ព្រះ​វិហារ និងស្ទុឌីយោដែលបានកសាងចេញពីប្រាក់ដង្វាយសទ្ធារបស់​ពួកគេ។ លោកហ្វឺណាន់ដូ និងគ្រួសាររបស់លោកបានចាត់ទុកខ្លួនឯងថាជាបេសកជនតាមរយៈដង្វាយសទ្ធា ហើយបានប្តេជ្ញាចិត្តថានឹងបន្តកិច្ចការនេះតទៅទៀត។

អ្នកស្រីអែល្លិនជីវ៉ៃត៍បានសរសេរអំពីរឿងនេះថា «តើពេលវេលាដែលយើងគួរតែចាប់ផ្តើមបរិច្ចាគទ្រព្យសម្បត្តិមួយចំនួនរបស់យើងមិនទាន់មកដល់ទេឬអី? សូមព្រះជាម្ចាស់ជួយដល់លោកអ្នកដែលអាចធ្វើអ្វីមួយឥឡូវនេះដើម្បីវិនិយោគក្នុងធនាគារនៃស្ថានសួគ៌ផងចុះ។ យើងមិនសូមឲ្យលោកអ្នកឲ្យខ្ចីទេ ប៉ុន្តែសូមឲ្យលោកអ្នកថ្វាយនូវដង្វាយស្ម័គ្រពី​ចិត្ត​វិញ ដែលជាការបង្វិលថ្វាយនូវទ្រព្យសម្បត្តិដែលទ្រង់បានឲ្យលោកអ្នកខ្ចីនោះឯង។ ប្រសិនបើលោកអ្នកស្រឡាញ់ព្រះជាម្ចាស់យ៉ាងខ្លាំង និងស្រឡាញ់អ្នកជិតខាងដូចជាស្រឡាញ់ដល់ខ្លួនឯងមែន យើងជឿថា លោកអ្នកនឹងបង្ហាញនូវភស្តុតាងដ៏ច្បាស់នៅក្នុងការថ្វាយដង្វាយសទ្ធាសម្រាប់ឧបត្ថម្ភដល់កិច្ចការបេសកកម្មរបស់យើងមិនខាន។ មានព្រលឹងជាច្រើនកំពុងរង់ចាំ​ឲ្យបានសង្គ្រោះ។ សូមលោកអ្នកបានធ្វើជាអ្នកសហការជាមួយព្រះយេស៊ូវគ្រីស្ទក្នុងការសង្គ្រោះព្រលឹងទាំងឡាយដែលព្រះគ្រីស្ទពលីព្រះជន្មដើម្បីពួកគេនោះផង។ ព្រះអម្ចាស់ទ្រង់នឹងប្រទានពរលោកអ្នកក្នុងផលផ្លែនៃជីវិតរបស់លោកអ្នកដែលបានលើកតម្កើងសិរីល្អព្រះអង្គ។ សូមឲ្យព្រះវិញ្ញាណដដែលដែលបានបណ្តាលឲ្យមានព្រះគម្ពីរបានចូលមកគ្រប់គ្រងលើដួងចិត្តរបស់លោកអ្នក ដឹកនាំលោកអ្នកឲ្យស្រឡាញ់ព្រះបន្ទូលរបស់ព្រះអង្គ ដែលជាវិញ្ញាណនិងជីវិត​ផង។ សូមឲ្យព្រះបន្ទូលបានបើកភ្នែករបស់លោកអ្នកឲ្យរកឃើញមេរៀនស្តីអំពីព្រះវិញ្ញាណរបស់ព្រះ។ មូលហេតុដែលមានសាសនាក្រិន (គ្រីស្ទានមិនលូតលាស់) យ៉ាងច្រើនគឺដោយសារ​តែ​មនុស្សទាំងឡាយមិនព្រមអនុវត្តគោលការនៃការលះកាត់ចិត្តខ្លួនឯង និងការលះបង់ប្រយោជន៍ផ្ទាល់ខ្លួនក្នុងជីវិតរបស់ពួកគេនោះឯង»។ ដកស្រង់ពី Counsels on Stewardship, p.51។

លោកហ្វឺណាន់ដូនិងគ្រួសាររបស់គាត់បានយកព្រះទុកជាទី១។ សព្វថ្ងៃនេះសេចក្តីជំនឿរបស់លោកក៏បណ្តាលចិត្តយើងរាល់គ្នាដែរ។ ព្រះយេស៊ូវបានលះបង់អ្វីៗគ្រប់យ៉ាង​​ដើម្បី​ប្រោសលោះយើង ហើយសេចក្តីស្រឡាញ់របស់ទ្រង់ក៏ជំរុញយើងឲ្យយកនគររបស់ទ្រង់ទុកជាទី១ក្នុងជីវិតផ្ទាល់របស់យើងដែរ។ ខណៈដែលអ្នក​ជំនួយការប្រមូលប្រាក់ដង្វាយ១០ហូត១ និងសទ្ធា យើងក៏ត្រូវបានលើកទឹកចិត្តឲ្យយកព្រះទុកជាទី១ដែរ។ ​