សូមអាន Ellen G. White, Patriarchs and Prophets, pp. 376–378; also The Desire of Ages, pp. 236–243 ផងដែរ។

«ព្រះយេស៊ូវបានក្រោកឈរឡើងនៅចំពោះមុខបណ្តាជនប្រៀបដួចជាគ្រូបង្រៀនម្នាក់។ ទ្រង់បានពន្យល់នូវបទគម្ពីរសញ្ញាចាស់ដែលបានចែងអំពីព្រះអង្គទ្រង់ផ្ទាល់។ ទ្រង់បានមានបន្ទូលអំពីព្រះអង្គសង្គ្រោះ ដែលប្រៀបដូចជាមនុស្សម្នាក់ដែលនឹងយាងមកជួយសង្រ្គោះដល់មនុស្សដែលរងទុក្ខគ្រាំគ្រា។ ព្រះអង្គសង្គ្រោះនឹងប្រទាននូវសេរីភាពមកដល់ពួកឈ្លើយ ព្រមទាំងប្រោសអស់អ្នកដែលមានជំងឺគ្រាំគ្រា និងខ្វាក់ខ្វិនពិការអោយបានជាផង។ ទ្រង់នឹងបង្ហាញមនុស្សទាំងឡាយនៅនាលោកីយ៍នេះអោយបានយល់អំពីសេចក្ដីពិតរបស់ព្រះគម្ពីរ។ ជាការពិតណាស់ របៀបដែលព្រះយេស៊ូវទ្រង់បានបង្រៀននោះពិតជាគួរអោយស្ញប់ស្ញែងណាស់។ ពាក្យពេចន៍របស់ទ្រង់បានដក់ជាប់នៅក្នុងក្រអៅបេះដូងរបស់បណ្តាជន គ្រប់ៗគ្នាដោយអំណាចចេស្តាដែលពួកគេមិនធ្លាប់ឆ្លងកាត់ពីមុនមក។ ព្រះយេស៊ូវបានយាងមក ដើម្បីបំបែកនូវរនាំងទាំងឡាយរវាងព្រះជាម្ចាស់និងមនុស្សមានបាបចោលចេញ។ ប្រជាជនមានបទពិសោធន៍ដូចជាលោកម៉ូសេដែរ។ ពួកគេបានមើលឃើញនូវអ្វីដែលភ្នែកមនុស្សមិនអាចមើលឃើញ។ ព្រះវិញ្ញាណបរិសុទ្ធក៏បានប៉ះពាល់ចិត្តពួកគេ។ ពួកគេឆ្លើយតបទៅកាន់ព្រះយេស៊ូវដោយពាក្យថា អាម៉ែន ហើយក៏ពោលសរសើរតម្កើងដល់ព្រះជាម្ចាស់» ។ ដកស្រង់ពី Ellen G. White, The Desire of Ages, page 237, adapted។

ថ្ងៃនោះនឹងមកដល់ នៅពេលដែលព្រះជាម្ចាស់នឹងដាក់ទោសមនុស្សដែលចូលចិត្តធ្វើអំពើអាក្រក់។ នេះគឺជាថ្ងៃដែលព្រះនឹងបង្ហាញសេចក្តីខ្ញាល់យ៉ាងសហ័សប្រឆាំងនឹងអំពើបាប។ តើអ្នកណានឹងឈរនៅបានក្នុងគ្រាដែលព្រះជាម្ចាស់ទ្រង់យាងមកម្តងទៀត? មនុស្សបានមានចិត្តរឹងទាស់នឹងព្រះវិញ្ញាណរបស់ព្រះ។ ប៉ុន្តែ នៅថ្ងៃនោះ សេចក្តីខ្ញាល់របស់ព្រះនឹងបានចាក់ទំលុះចិត្តមនុស្សដែលបដិសេធមិនទទួល ស្គាល់សេចក្តីពិតអំពីព្រះយេស៊ូវ។ មិនយូរប៉ុន្មាន ព្រះនឹងដាក់ទោសមនុស្សមានបាបទាំងឡាយ។ តើគ្រូ គង្វាលក្លែងក្លាយនឹងអាចជួយការពារមនុស្សមានបាបបានដែរទេនៅថ្ងៃនោះ? តើព្រះនឹងលើកលែងទោស ចំពោះបុគ្គលដែលចូលចិត្តដើរតាមហ្វូងមនុស្សដែលមិនគោរពច្បាប់របស់ព្រះជាម្ចាស់ដែរឬ? តើវាជាការពេញនិយមសម្រាប់យើងទេ? វានឹងមានបញ្ហាទេប្រសិនបើមនុស្សជាច្រើនចូលចិត្តយើង? មនុស្សខ្លះធ្វើហាក់ដូចជាពួកគេមិនខ្វល់ពីអ្វីដែលនឹងកើតឡើងនៅពេលខាងមុខឡើយ។ ប៉ុន្តែ ពួកគេក៏ត្រូវតែគិតដោយ ប្រុងប្រយ័ត្នអំពីចម្លើយចំពោះបញ្ហាចោទទាំងនេះដែរ។ ពួកគេត្រូវសម្រេចចិត្តថាតើពួកគេជឿលើអ្វី? ដកស្រង់ ពី Ellen G. White, Faith and Works, p. 33, adapted។ ​

ជូលី អូវ៉ាលីពិតជារំភើបចិត្តយ៉ាងខ្លាំងនៅពេលដែលគាត់បានត្រឡប់មកពីចូលរូមនៅមហាសន្និបាតបេសកកម្មពិភពលោកដែលបានរៀបចំឡើងសម្រាប់សមាជិកក្រុមជំនុំនៅទូទាំងប្រទេសម៉ិកស៊ិកូ។ គាត់បានប្រាប់ប្រពន្ធរបស់គាត់ដែលមានឈ្មោះថា ម៉ារីយ៉ា ឌាស ដោយក្តីរំភើបអំពីអ្វីដែលគាត់បានរៀននៅឯមហាសន្និបាតព្រះគម្ពីរនោះ ក្នុងខែមករា ឆ្នាំ២០១៧។ លោកបានមានប្រសាសន៍ថា៖ «ឥឡូវនេះខ្ញុំចង់ដាំក្រុមជំនុំឡើង»។ ម៉ារីយ៉ាពេញចិត្តនឹងគំនិតនេះណាស់ នោះនាងក៏បាននិយាយថា៖ «តោះធ្វើ!»។ ប៉ុន្តែ តើយើងត្រូវចាប់ផ្តើមពីត្រង់ណាទៅ? ជូលីមានបំណងចង់ឈោងចាប់អ្នកជិតខាងថ្មីៗ នោះគាត់ក៏គិតថាវិធីដ៏ល្អ ដើម្បីចាប់ផ្តើមគំរោងនេះ គឺធ្វើតាមរយៈការបង្រៀនប្រជាជនអំពីគោលការសុខភាពជាចំបងរូមមានជាអាទិដូចជា៖ ខ្យល់អាកាស ការពិសាទឹក ពន្លឺព្រះអាទិត្យ និងការសម្រាកជាដើម។ ជូលី និងម៉ារីយ៉ាបានទទួលនូវការគាំទ្រពីសំណាក់ញូញាននៃប្រទេសម៉ិកស៊ិកភាគខាងជើង ដើម្បីធ្វើការជាអ្នកត្រួសត្រាយនៃបេសកកម្មស្ម័គ្រចិត្តជាសកល ហើយគ្រូគង្វាលប្រចាំព្រះវិហាររបស់ពួកគេក៏បានគាំទ្រផែនការនេះដែរ។ ប៉ុន្តែ សមាជិកក្រុមជំនុំខ្លះចងចាំថាការព្យាយាមក្នុងការដាំព្រះវិហារលើកមុនបានបរាជ័យរួចទៅហើយ។ មានម្នាក់បានលើកឡើងថា៖ «ផែនការនេះនឹងមិនដំណើរការទេ»។ អ្នកផ្សេងទៀតក៏បាននិយាយថា៖ «អ្នកនឹងមិនទទួលបានលទ្ធផលល្អដែរ»។ លោកជូលី និងអ្នកស្រីយ៉ូម៉ារីយ៉ា ព្រមទាំងកូនស្រីពេញក្រមុំពីរនាក់របស់ពួកគេបានពាក់អាវយឺតពណ៌បៃតងខ្ចីមានរំលេចដោយឈ្មោះ កម្មវិធីសុខភាពថា «ខ្ញុំចង់រស់នៅប្រកបដោយសុខភាព» ហើយបានចាប់ផ្តើមគោះទ្វារផ្ទះរបស់ប្រជាពលរដ្ឋផ្សេងៗ។ នៅតាមផ្ទះនីមួយៗ ពួកគេបានអញ្ជើញមនុស្សអោយមកចុះឈ្មោះ វគ្គសិក្សាសុខភាពតាមផ្ទះ និងថ្នាក់ចំអិនអាហារបែបសុខភាពនៅព្រះវិហារ។ ក្រុមគ្រួសារនេះបានធ្វើការយ៉ាងសស្រាក់សស្រាំអស់រយៈពេលបួនសប្តាហ៍ ហើយទីបំផុត ពួកគេក៏ចុះឈ្មោះបានមនុស្សដំបូងម្នាក់ដែលជាបុរសចំណាស់៦០ឆ្នាំដែលមានឈ្មោះថា រ៉ូហ្គេលី សម្រាប់ថ្នាក់ព្រះគម្ពីរ។ នៅពេលដែលសមាជិកក្រុមជំនុំបានឃើញពីភាពឧស្សាហ៍ព្យាយាមរបស់ក្រុមគ្រួសារនេះនិងបានដឹងថា លោករ៉ូហ្គេលី ដែលមានពាក់អាវយឺតពណ៌បៃតងខ្ចីបានចូលរួមសកម្មភាពជាមួយពួកគេក្នុងការធ្វើដំណើរពីផ្ទះមួយទៅកាន់ផ្ទះមួយ។ មិនយូរប៉ុន្មាន ក្រុមនេះបានកើនចំនួនឡើងដល់ទៅ១៥នាក់។ សមាជិកក្រុមជំនុំបានធ្វើការឥតឈប់ឈរអស់រយៈពេល៦ខែ។ ដោយមើលឃើញការរីកចម្រើននៃចំនួនមនុស្សបានចូលរួមសិក្សាព្រះគម្ពីរ នោះលោកជូលីបានសម្រេចចិត្តបង្កើតជាក្រុមតូចមួយ ដើម្បីជួបជុំគ្នានៅរសៀលថ្ងៃឈប់សម្រាក។ គាត់បានប្រកាសផែនការនេះទៅដល់ពួកជំនុំក្នុងខែកុម្ភះ ឆ្នាំ២០១៧ និងបានអញ្ជើញសមាជិកក្រុមជំនុំជាច្រើនអោយមកចូលរួមគំាទ្រផងដែរ។ ពួកជំនុំក៏បានយល់ព្រមក្នុងការបង្កើតជាក្រុមតូចនេះឡើង ហើយមានសមាជិក១០នាក់បានយល់ព្រមមកចូលរួមដែរ ។ លើសពីនេះទៅទៀតមានសមាជិកក្រុមជំនុំម្នាក់ដែល មានអាជីពជាអ្នកជួលកន្លែងសម្រាប់ធ្វើបុណ្យខួបកំណើត និងពិធីមង្គលការផ្សេងៗបានផ្តល់ជាកន្លែងប្រជុំសម្រាប់ក្រុមតូចនេះដោយឥតគិតថ្លៃ។ មានមនុស្ស២៥នាក់បានបង្ហាញខ្លួនចូលរួមសិក្សាព្រះគម្ពីរសម្រាប់កិច្ចប្រជុំលើកដំបូងរបស់ក្រុមតូចនេះ។ បីខែបន្ទាប់ពីត្រូវបានយល់ព្រមថា ជាក្រុមតូច រួចមកព្រះវិហារតំបន់ក៏បានទទួលស្គាល់វាថាជាសាខាថ្នាក់ថ្ងៃបរិសុទ្ធ។ ១៧ខែក្រោយមក ក្នុងខែកញ្ញាឆ្នាំ ២០១៨ វាបានក្លាយជាព្រះវិហារមួយ។ សព្វថ្ងៃនេះ ព្រះវិហារសេវេនដេយអាត់វេនទីស្ទពួតា ដិល សេឡូ (ទ្វារចូលឋានសួគ៌) មានសមាជិក៣៥នាក់ រួមទាំងមនុស្ស២៤នាក់ដែលបានទទួលបុណ្យជ្រមុជទឹកតាមរយៈថ្នាក់សុខភាពរបស់លោកជូលី និងអ្នកស្រីម៉ារីយ៉ា។ វត្តមានសមាជិកព្រះវិហារចូលរួមក្នុងថ្ងៃឈប់សម្រាកបានឈានដល់៥០នាក់ហើយ។ គំរោងសាងសង់អាគារព្រះវិហារក៏កំពុងតែដំណើរការហើយដែរ។ «គោលដៅរបស់យើងរាល់គ្នាគឺត្រូវបង្កើនក្រុមជំនុំថ្វាយព្រះ និងដឹកនាំមនុស្សជាច្រើនអោយបានចូលនគរព្រះ»។ នេះបើតាមសម្តីរបស់លោកជូលីដែលមានវ័យ៤៦ឆ្នាំ។ ​ ​