តើលោកអ្នកនឹកចាំពីពេលដែលលោកអ្នកបានសម្រេចចិត្តយកព្រះទុកជាទី​១ បើទោះបីជាលោកអ្នកមានការភ័យខ្លាចនិងមិនច្បាស់អំពីអនាគតក្តីដែរឬទេ? ថ្ងៃនេះតើយើងអាចរៀនអ្វីបានខ្លះពីរឿងរបស់លោកអ្នក ដែលនឹងជួយយើងឲ្យយកព្រះទុកជាទី១នៅក្នុងជីវិតផ្ទាល់របស់យើង?

តើលោកអ្នកនៅចាំអំពីពេលដែលលោកអ្នកចាប់ផ្តើមស្រឡាញ់ព្រះយេស៊ូវជាលើកដំបូងដែរឬទេ? យើងម្នាក់ៗសុទ្ធតែមានដំណាក់កាលដំបូងដែលយើងមានអំណរដោយសារសេចក្តីស្រឡាញ់របស់ព្រះយេស៊ូវ។ គ្មានអ្វីដែលសំខាន់សម្រាប់លោកអ្នកជាងការដើរ​តាម​ព្រះយេស៊ូវ និងការទទួលស្គាល់ទ្រង់ថាជាមហាក្សត្រលើជីវិតរបស់លោកអ្នកឡើយ។

លោកអ្នកបានធ្វើការលះបង់គ្រប់យ៉ាងដើម្បីរក្សាថ្ងៃសប្បាតហ៍ឲ្យបរិសុទ្ធ។ លោកអ្នក​បានធ្វើរឿងដ៏ត្រឹមត្រូវ និងបានអានសៀវភៅដែលត្រឹមត្រូវ។ លោកអ្នកបានមើលវីឌីអូដែលត្រឹមត្រូវ និងបានផាត់ចោលនូវចម្រៀងដែលខុសឆ្គង។ លោកអ្នកបានជៀសវាងគេហទំព័រដែលមិនល្អ ហើយលោកអ្នកប្រាថ្នាចង់អធិដ្ឋាននិងពិភាក្សាជាមួយនឹងព្រះរបស់លោកអ្នក។

ជាអកុសល សកម្មភាពទាំងនេះមិនបានកើតឡើងបានយូរទេសម្រាប់លោកអ្នកនិងគ្រួសាររបស់លោកអ្នក។ សេចក្តីស្រឡាញ់ដំបូងរបស់លោកអ្នកប្រែជាស្រពាប់ស្រពោន ហើយសង្គ្រាមរវាងទោសកំហុសនិងព្រះគុណក៏បានលេចឡើងរហូតមកដល់សព្វថ្ងៃនេះ។ តើលោកអ្នកត្រូវធ្វើអ្វីខ្លះដើម្បីទទួលបាននូវសេចក្តីស្រឡាញ់ដំបូងដែលលោកអ្នកធ្លាប់មាននោះមកវិញ? មានរឿងមួយចំនួនដែលលោកអ្នកអាចធ្វើដើម្បីនាំលោកអ្នកត្រឡប់មករក​ផ្លូវ​ត្រឹមត្រូវឡើងវិញក្នុងរវាង៤០ថ្ងៃ ឬក៏តិចជាងនេះ ដូចជា ការថ្វាយពេលវេលា និងប្រាក់ដង្វាយ។ ទាំងនេះសុទ្ធតែជារបស់ដែលមានតម្លៃបំផុតរបស់លោកអ្នក ហើយក្រៅពីថ្វាយរបស់ទាំងនេះក្នុងនគររបស់ព្រះ គ្មានមធ្យោបាយណាទៀតដែលធ្វើឲ្យលោកអ្នកអាចថ្វាយចិត្តទាំងស្រុង​ដល់ព្រះយេស៊ូវបានឡើយ។ តទៅនេះគឺជារបៀបដែលព្រះយេស៊ូវបានថ្លែងប្រាប់៖ «កុំ​ឲ្យ​ប្រមូល​ទ្រព្យសម្បត្តិ ទុក​សំរាប់​ខ្លួន នៅ​ផែនដី ជា​កន្លែង​ដែល​មាន​កន្លាត និង​ច្រែះ​ស៊ី​បំផ្លាញ ហើយ​ចោរ​ទំលុះ​ប្លន់​នោះ​ឡើយ ត្រូវ​ប្រមូល​ទ្រព្យសម្បត្តិទុក​សំរាប់​ខ្លួននៅ​ឯ​ស្ថានសួគ៌​វិញដែល​​ ជា​កន្លែង​គ្មាន​កន្លាត ឬ​ច្រែះ​ស៊ី​បំផ្លាញ​ឡើយ ក៏​គ្មាន​ចោរ​ទំលុះ ឬ​ប្លន់​ផង ពី​ព្រោះ​សម្បត្តិ​ទ្រព្យ​របស់​​អ្នក​ស្ថិត​នៅ​កន្លែង​ណា នោះ​ចិត្ត​អ្នក​ក៏​នឹង​នៅ​កន្លែង​នោះ​ដែរ» (ម៉ាថាយ ៦៖១៩-២១)។ កុនហូលីវូតបានល្បួងពួកយើងជាច្រើនឲ្យធ្វើតាមចិត្តរបស់យើងជាមុន។ ម្ល៉ោះហើយបានជាជួនកាលធ្វើឲ្យយើងមានចិត្តស្ទាក់ស្ទើរ។ យើងគ្មានអារម្មណ៍ចង់ថ្វាយដង្វាយ១០ហូត១និងសទ្ធាឡើយលុះត្រាតែយើងអនុវត្តវាឲ្យបានខ្ជាប់ខ្ជួនប៉ុណ្ណោះ ពីព្រោះចិត្តរបស់យើងនឹងដក់ជាប់នៅក្នុងនគររបស់ព្រះបានប្រសិនបើនោះគឺជាកន្លែងដែលយើងវិនិយោគពេលវេលានិងលុយកាក់របស់យើង។

«សម្បត្តិ​ទ្រព្យ​របស់​អ្នក​ស្ថិត​នៅ​កន្លែង​ណា នោះ​ចិត្ត​អ្នក​ក៏​នឹង​នៅ​កន្លែង​នោះ​ដែរ»។

លោកអ្នកបានយកព្រះទុកជាទី១។ ថ្ងៃនេះសេចក្តីជំនឿរបស់លោកអ្នកក៏បណ្តាលចិត្តយើងរាល់គ្នាដែរ។ ព្រះយេស៊ូវបានលះបង់អ្វីៗគ្រប់យ៉ាងដើម្បីប្រោសលោះយើង ហើយសេចក្តីស្រឡាញ់របស់ទ្រង់ក៏ជំរុញយើងឲ្យយកនគររបស់ទ្រង់ទុកជាទី១ក្នុងជីវិតផ្ទាល់របស់យើងដែរ។ ខណៈដែល​អ្នក​ជំនួយការ ប្រមូលប្រាក់ដង្វាយ១០ហូត១ និងសទ្ធា យើងក៏ត្រូវបានលើកទឹកចិត្តឲ្យយកព្រះទុកជាទី១ដែរ។ ​