សូមអាន On the final cleansing of planet Earth from sin, read Ellen G. White, “The Controversy Ended,” in The Great Controversy, pp. 662-678។

«ពេលវេលានៅស្ថានសួគ៌នឹងកន្លងផុតទៅ។ នៅទីនោះពីមួយឆ្នាំទៅមួយឆ្នាំយើងនឹងឃើញនូវសេចក្ដីពិតដ៏អស្ចារ្យកាន់តែច្បាស់ទៅៗអំពីព្រះវរបិតា និងព្រះយេស៊ូវ។ ចំណេះដឹងរបស់យើងនឹង រីកចម្រើនឡើង។ សេចក្ដីស្រឡាញ់ ការគោរពប្រតិបត្តិចំពោះព្រះ ហើយនិងសុភមង្គលនឹងលូតលាស់ឡើងផងដែរ។ កាលណាមនុស្សជាតិបានរៀនអំពីព្រះកាន់តែច្រើន ពួកគេនឹងស្រឡាញ់ទ្រង់កាន់តែខ្លាំង។ ព្រះយេស៊ូវនឹងបង្ហាញយើងបន្ថែមទៀតអំពីសេចក្តីពិតដ៏អស្ចារ្យស្តីអំពីផែនការរបស់ព្រះវរបិតាដើម្បីជួយសង្គ្រោះយើងរាល់គ្នា។ ព្រះយេស៊ូវនឹងបង្ហាញយើងនូវអ្វីគ្រប់យ៉ាងដែលព្រះវរបិតាបានធ្វើដើម្បីយកជ័យជំនះលើសាតាំង។ នោះចិត្តរបស់យើងរាល់គ្នានឹងបានពោរពេញទៅដោយសេចក្តីស្រឡាញ់និងការគោរពចំពោះព្រះវរបិតាកាន់តែខ្លាំងឡើង។ យើងនឹងលេងពិណមាសថ្វាយព្រះដោយអំណរ។ សំឡេងជាច្រើន នឹងរួមប្រគុំគ្នាច្រៀងសរសើរតម្កើងដល់ព្រះ។ «នោះខ្ញុំក៏ឮគ្រប់ទាំងអស់ដែលមានជីវិតនៅស្ថានសួគ៌ នៅផែនដី នៅក្រោមដី ហើយនៅក្នុងសមុទ្រ និងគ្រប់ទាំងអស់ដែលនៅស្ថានទាំងនោះនិយាយថា សូមថ្វាយព្រះពរ កិត្តិនាម សិរីល្អ និងព្រះចេស្តាដល់ព្រះអង្គដែលគង់លើបល្ល័ង្ក ហើយដល់កូនចៀមនៅអស់កល្បជានិច្ចរៀងរាបតទៅ» (វិវរណៈ ៥៖១៣)។

មហាវិវាទដែលបានកើតឡើងជាសកលរវាងព្រះ និងសាតាំងបានឈានដល់ទីបញ្ចប់ហើយ។ អំពើបាបនិងមនុស្សមានបាបត្រូវបានបំផ្លាញ។ ផ្ទៃមេឃនិងផែនដីក៏បានស្អាតឡើងវិញដែរ។ សន្តិភាពនិងសេចក្តីអំណរកើតមានពោរពេញឡើងចំពោះមនុស្សគ្រប់គ្នា និងរបស់សព្វសារពើទាំងអស់ផង។ ព្រះ ជាម្ចាស់ទ្រង់ជាអ្នកដែលបង្កើតរាល់របស់សព្វសារពើ។ ទ្រង់បានផ្តល់ជីវិត សេចក្តីពិត និងសេចក្តីអំណរមកដល់របស់គ្រប់យ៉ាងដែលទ្រង់បានបង្កើតបានធ្វើ។ របស់សព្វសារពើចាប់ពីរូបធាតុតូចបំផុតដែលទ្រង់បានបង្កើតរហូតដល់ពិភពធំៗ គឺមានភាពគ្រប់លក្ខណ៍នៅតាមសភាពដ៏ស្រស់ត្រកាលរបស់វា។ ភាពស្រស់ស្អាតនៃរបស់សព្វសារពើបានសម្តែងថាព្រះវរបិតាជាព្រះនៃសេចក្ដីស្រឡាញ់»។ ដកស្រង់ពី Ellen G. White, The Great Controversy, page 678, adapted។ ​

លោកអ៊ីលីយ៉ា គុលទូកជាគ្រូគង្វាលនិងព្រឹទ្ធបុរសនៅសាកលវិទ្យាល័យអាត់វេនទីស្ទសាវស្គី នៃប្រទេសរុស្ស៊ី ។ លោក និងភរិយារបស់លោកបានបើកឡានទៅសំរាកវិស្សមកាលមួយនៅក្នុងតំបន់ដែលគេហៅថា សមុទ្រខ្មៅ។ ក្រោយពីបើកឡានចេញទៅបានប្រហែលជាដប់ម៉ោងរួចមករថយន្តរបស់លោកក៏ចាប់ផ្តើមមានបញ្ហាសំបកកង់ ឮសូរតែ ប៉ុប! ប៉ុប! ប៉ុប! អ៊ីលីយ៉ាមិនដឹងប្រាកដថា មានអ្វីខុសប្រក្រតីនោះទេ ។ ប៉ុប! ប៉ុប! ប៉ុប! គាត់បានឈប់ឡានហើយក៏ចេញទៅពិនិត្យមើល។ ដោយឈរឈ្ងោកមើលនៅពីលើកង់ឡាន លោកមើលមិនដឹងថា វាមានបញ្ហាអ្វីនោះឡើយ។ លោកក៏បានអធិស្ឋានជាមួយនឹងប្រពន្ធរបស់លោក។ លោកបានអធិស្ឋានថា៖ «ឱព្រះវរបិតាអើយ! យើងខ្ញុំកំពុងមានបញ្ហាជាមួយកង់ឡាន សូមទ្រង់ជួយយើងខ្ញុំផង»។ កាលបានអធិស្ឋានចប់សព្វគ្រប់ហើយ លោកអ៊ីលីយ៉ាក៏បានត្រឡប់មកកាន់ចង្កូតឡានវិញ ហើយក៏បើកបន្តទៅមុខទៀត។ សំឡេងក៏លាន់ឮកាន់តែខ្លាំងឡើងៗ ប៉ុប! ប៉ុប! ប៉ុប!។ អ៊ីលីយ៉ា និងភរិយារបស់លោកធ្វើដំណើរបានចម្ងាយដី១០០០គីឡូម៉ែត្រ។ មិនងាយនឹងទេ ប្រសិនបើពួកគេត្រឡប់ទៅផ្ទះវិញនោះ។ ពួកគេនៅសល់ចម្ងាយដី៤០០គីឡូម៉ែត្រទៀតទើបបានទៅដល់គោលដៅ។ ប៉ុប! ប៉ុប! ប៉ុប! អ៊ីលីយ៉ាបានអធិស្ឋានយ៉ាងស្ងៀមស្ងាត់។ ភ្លាមៗនោះលោកក៏បានឮសំឡេងបុរសម្នាក់និយាយថា៖ «សូមឈប់នៅហាងជួសជុលរថយន្តនោះទៅ ហើយចូលទៅរកជាងមេកានិចដែលនៅខាងក្នុង»។ ដោយការភ្ញាក់ផ្អើល លោកក៏បានមើលតាមបង្អួចរថយន្តហើយឃើញថាមានហាងជួសជុលរថយន្តមួយកន្លែងមែន។ លោកបានចតឡាន ហើយបានឃើញបុរសពីរនាក់កំពុងអង្គុយនិយាយគ្នាដូចជាគ្មានការងារធ្វើអ៊ីចឹង។ អ៊ីលីយ៉ាបានសួរថា៖ «តើអ្នកអាចជួយខ្ញុំបានទេ? រថយន្តរបស់ខ្ញុំកំពុងតែមានសំឡេងរំខាន»។ ជាងក៏បានត្រួតពិនិត្យរថយន្តនោះ។ ពួកគេបានបង្វិលកង់ឡានចុះឡើងៗ និងបានធ្វើសកម្មភាពផ្សេងៗទៀត ។ ជាចុងក្រោយជាងមេកានិកម្នាក់ក៏បាននិយាយថា៖ «អាចចូលឡានបាន ហើយអ្នកអាចទៅបានហើយ»។ អ៊ីលីយ៉ាក៏បាននិយាយថា៖ «អរគុណ តើខ្ញុំត្រូវជូនអ្នកប៉ុន្មានដែរ?» ជាងម្នាក់នោះបានមានប្រសាសន៍ថា៖ «៣ដុល្លារ»។ លោកអ៊ីលីយ៉ាក៏បានរកឃើញ៣ដុល្លារ និងសៀវភៅដំណឹងល្អតាមរយៈលោកយ៉ូហានខ្នាតតូចមួយក្បាល។ គាត់បានស៊កលុយនៅក្នុងសៀវភៅ ហើយក៏បានប្រគល់ទៅអោយជាង។ ដោយភាពភ្ញាក់ផ្អើលជាងម្នាក់បានសួរថា៖ «តើនេះជាអ្វី?» អ៊ីលីយ៉ាបាននិយាយថា៖ «ដំណឹងល្អ»។ ជាងកាន់តែមានការភ្ញាក់ផ្អើលឡើង។ តើអ្នកជាគ្រូគង្វាលមែនទេ? ជាងម្នាក់ទៀតបានសួរ។ អ៊ីលីយ៉ា ក៏បានងក់ក្បាល ។ ទឹកមុខរបស់ជាងនោះបានភ្លឺថ្លាឡើងដោយក្ដីអំណរ។ ពួកគេបានយកលុយ៣ដុល្លារ ចេញពីសៀវភៅហើយប្រគល់វាទៅអោយអ៊ីលីយ៉ាវិញ។ ជាងម្នាក់ក្នុងចំណោមពួកគេបានលើកសៀវភៅនេះឡើងហើយបាននិយាយថា៖ «ព្រះបានបញ្ជូនសៀវភៅនេះមកអោយពួកយើង»។ យើងទើបតែបាននិយាយអំពីព្រះនៅពេលដែលអ្នកបានមកដល់។ ​ ​