សូមអានខគម្ពីរហេព្រើរ ១១៖៣១ និងយ៉ូស្វេ ២៖៩-១១។ យើងបានអានអំពីនាងរ៉ាហាបនៅ ក្នុងខទាំងនេះ។ នាងរ៉ាហាបបានកើតនៅក្នុងចំណោមមនុស្សដែលមិនបានថ្វាយបង្គំដល់ព្រះ។ នាង រ៉ាហាបក៏ជាស្រីសំផឹងផងដែរ។ ជាស្រីសំផឹង នាងបានលក់ខ្លួនរបស់នាង ដើម្បីអោយបានប្រាក់។ ដូច្នេះ តើហេតុអ្វីបានជាស្តី្រនេះត្រូវបានរាប់នៅក្នុងបញ្ជីឈ្មោះវីរជនព្រះគម្ពីរយ៉ាងដូច្នេះ?

--------------------------------------------------------

ជាការពិតណាស់ នាងរ៉ាហាបគឺជាមនុស្សចុងក្រោយដែលយើងអាចឃើញនៅក្នុងបញ្ជីឈ្មោះ ក្នុងបទគម្ពីរហេព្រើរ ១១។ នាងរ៉ាហាបគឺជាម្នាក់នៅក្នុងចំណោមស្រី្ត២នាក់តែប៉ុណ្ណោះដែលលោកប៉ុល បានដាក់នៅក្នុងបញ្ជីឈ្មោះរបស់គាត់។ នាងរ៉ាហាបគឺជាមនុស្សទី១០នៅក្នុងបញ្ជី។ រីឯឈ្មោះ៩នាក់ទៀតមុនឈ្មោះរបស់នាងនោះ ត្រូវបានគេហៅជាពួកអយ្យកោនៃសាសន៍អ៊ីស្រាអែល។ បុរសទាំងនេះ ត្រូវបានគេហៅថា ជាមនុស្សបរិសុទ្ធ។ នៅពេលដែលក្រឡេកមកមើលនាងរ៉ាហាបវិញ យើងមានការភ្ញាក់ ផ្អើលដោយហេតុផល២យ៉ាង។ នាងគឺជាស្ត្រីម្នាក់។ ហើយនាងក៏ជាស្រីសំផឹងម្នាក់ ដូចដែលយើងបាន និយាយផងដែរ។

អ្វីដែលគួរអោយភ្ញាក់ផ្អើលអំពីនាងរ៉ាហាបជាងនេះទៅទៀតនោះគឺថា នាងនៅចំកណ្តាលនៃ បញ្ជីឈ្មោះនោះ។ លោកប៉ុលបានសរសេរបញ្ជីរបស់គាត់នៅក្នុងទម្រង់ដ៏ពិសេសមួយ។ នៅពេលណាដែលលោកប៉ុលបានបន្ថែមឈ្មោះថ្មីមួយទៅក្នុងបញ្ជីរបស់គាត់នោះ លោកប៉ុលតែងតែណែនាំអំពីបុគ្គល ថ្មីម្នាក់នោះ ដោយរៀបរាប់ប្រាប់យើងអំពីអ្វីដែលបុគ្គលបានធ្វើដោយសារសេចក្តីជំនឿ។ លោកប៉ុលបាន ចាប់ផ្តើមជាមួយនឹងរឿងរបស់លោកកាអ៊ីន និងលោកអេបិល រួចបានរៀបរាប់ប្រាប់យើងអំពីអ្វីដែលលោក អេបិលបានធ្វើដោយសារសេចក្តីជំនឿ។ បន្ទាប់មក លោកប៉ុលបានរៀបរាប់ប្រាប់យើងអំពីវីរបុរសនៃសេចក្តី ជំនឿបន្តបន្ទាប់ទៀតនៅក្នុងបញ្ជីរបស់គាត់ មានដូចជា៖ លោកហេណុក លោកណូអេ លោកអ័ប្រាហាំ លោកអ៊ីសាក លោកយ៉ាកុប លោកយ៉ូសែប និងលោកម៉ូសេ។ វីរបុរសនៃសេចក្តីជំនឿដ៏អង់អាចនៅក្នុង ប្រវត្តិសាស្ត្រព្រះគម្ពីរបន្ទាប់ទៀតនោះ គឺជាលោកយ៉ូស្វេ។ យើងអាចស្មានដឹងថា លោកនឹងមានប្រសាសន៍ មកកាន់យើងយ៉ាងដូច្នេះថា «ដោយសារសេចក្តីជំនឿ លោកយ៉ូស្វេបានដឹកនាំពួកបណ្តាជនចូលទៅក្នុងទឹក ដីសន្យា»។ ប៉ុន្តែ លោកប៉ុលបានរំលងលោកយ៉ូស្វេទៅឯសេចក្តីជំនឿរបស់នាងរ៉ាហាបតែម្តង។ បន្ទាប់មក លោកប៉ុលបានបន្ថែមទៀតថា «តើ​ត្រូវ​ឲ្យ​ខ្ញុំ​និយាយ​អ្វី​ទៀត?» (ហេព្រើរ ១១៖៣២)។ បន្ទាប់មក លោក ប៉ុលបានបន្ថែមឈ្មោះមួយចំនួនទៀត និងបានប្រាប់យើងអំពីអ្វីដែលបានកើតឡើងក្រោយមកនៅក្នុង ប្រវត្តិសាស្ត្រព្រះគម្ពីរ។ ប៉ុន្តែ លោកប៉ុលមិនបានផ្តល់ព័ត៌មានក្បោះក្បាយអំពីរឿងទាំងនេះនោះទេ។

ដូច្នេះ តើហេតុអ្វីបានជានាងរ៉ាហាបនៅក្នុងបញ្ជីឈ្មោះវីរបុរសព្រះគម្ពីរនេះដែរ? តើសកម្មភាព នៃសេចក្តីជំនឿរបស់នាងគឺជាអ្វី? នោះគឺថា នាងរ៉ាហាបបានឮ បានជឿ និងបានធ្វើតាមដោយមិនបានឃើញអ្វីដែលនាងជឿនោះទេ។ នាងមិនបានឃើញគ្រោះកាចទាំង១០ដែលព្រះបានដាក់លើស្រុកអេស៊ីព្ទ នោះទេ។ នាងមិនបានឃើញព្រះដឹកនាំរាស្ត្ររបស់ទ្រង់នៅលើដីស្ងួតកាន់សមុទ្រក្រហមនោះទេ។ នាង រ៉ាហាបក៏មិនបានឃើញទឹកចេញពីថ្មដា ឬនំប័ុងធ្លាក់ពីលើមេឃនោះដែរ។ ប៉ុន្តែ ទោះជាយ៉ាងនេះក្តី នាង រ៉ាហាបបានជឿទៅលើព្រះ។ នាងគឺជាគំរូដ៏ល្អមួយនៃសេចក្តីជំនឿសម្រាប់ពួកគ្រីស្ទានដែលលោកប៉ុល បានសរសេរនៅក្នុងកណ្ឌគម្ពីរហេព្រើរ។ ពួកគ្រីស្ទានទាំងនេះក៏មិនបានឮព្រះយេស៊ូវអធិប្បាយ ឬឃើញ ទ្រង់ធ្វើការអស្ចារ្យដោយផ្ទាល់នោះដែរ។ ប៉ុន្តែ ពួកគេបានជឿទៅលើព្រះយេស៊ូវ និងបានទទួលយកទ្រង់ ធ្វើជាព្រះអង្គសង្គ្រោះរបស់ពួកគេ។ នាងរ៉ាហាបក៏ជាគំរូដ៏ល្អមួយសម្រាប់យើងផងដែរ។ យើងក៏មិនបាន ឃើញព្រះយេស៊ូវធ្វើការអស្ចារ្យទាំងនេះនោះដែរ។ ប៉ុន្តែ ទោះជាយ៉ាងនេះក្តី ព្រះបានសូមអោយយើងជឿ ទៅលើព្រះយេស៊ូវ ដូចដែលនាងរ៉ាហាបបានជឿយ៉ាងដូច្នេះដែរ។