«ចូរ​យក​ព្រះយេហូវ៉ា​ជា​សេចក្តី​អំណរ​របស់​អ្នក នោះ​ទ្រង់​នឹង​ប្រទាន​ឲ្យ​អ្នក​បាន​ដូច​បំណង​ចិត្ត» (ទំនុកដំកើង ៣៧៖៤)។

ខគម្ពីរទំនុកដំកើង ៣៧៖៤ គឺជាសេចក្តីសន្យាដ៏អស្ចារ្យមួយ។ សូមស្រមៃថា លោកអ្នកតែងតែទទួលបាននូវអ្វីៗដែលលោកអ្នកចង់បានជានិច្ច។​ ការទទួលបាននូវអ្វីៗដែលលោកអ្នកដែលចង់បាន នោះ មានអាថ៌កំបាំងមួយ គឺថា លោកអ្នកត្រូវតែយកព្រះយេហូវ៉ាជាសេចក្តីអំណររបស់លោកអ្នក។ តើការដែលយកព្រះយេហូវ៉ាជាសេចក្តីអំណររបស់អ្នក និងការដែលមានសេចក្តីអំណរក្នុងការបម្រើទ្រង់នោះ មានន័យយ៉ាងណាដែរ?

សូមអានខគម្ពីរទំនុកដំកើង ៣៧៖១-១១។ ហេតុផលដែលនាំអោយស្តេចដាវីឌសរសេរបទគម្ពីរទំនុកដំកើង ៣៧ នេះ ក៏ជារឿងគួរអោយភ្ញាក់ផ្អើលផងដែរ។ ស្តេចដាវីឌបានសរសេរអំពីការដែលនៅជុំវិញមនុស្សបានធ្វើកិច្ចការទាស់នឹងព្រះ ហើយទាស់នឹងទ្រង់។ យើងអាចនឹងខឹង នៅពេលដែល មនុស្សធ្វើកិច្ចការទាស់នឹងយើងនោះ។ ឬមួយ យើងប្រហែលជាចង់បង្ហាញថា យើងគឺជាអ្នកត្រូវ ហើយ ពួកគេគឺជាអ្នកខុស ក៏ថាបាន។ ប៉ុន្តែ ស្តេចដាវីឌបានផ្តល់ឱវាទខុសគ្នាពីនេះដល់យើង។

សូមអានខខាងក្រោម។ តើស្តេចដាវីឌបានចេញបង្គាប់អោយរាស្ត្ររបស់ព្រះធ្វើអ្វីខ្លះ នៅក្នុងខនីមួយៗ?

ទំនុកដំកើង ៣៧៖១ -----------------------------------------

ទំនុកដំកើង ៣៧៖៥ -----------------------------------------

ទំនុកដំកើង ៣៧៖៧ -----------------------------------------

ទំនុកដំកើង ៣៧៖៨ -----------------------------------------

ឥឡូវនេះ សូមអានខគម្ពីរទំនុកដំកើង ៣៧៖៤ ម្តងទៀត។ តើខដែលលោកអ្នកទើបតែបានអានខាងលើអម្បាញ់មិញនេះបានជួយអោយលោកអ្នកយល់អំពីអត្ថន័យដែលស្តេចដាវីឌចង់បង្ហាញយ៉ាង ដូចម្តេចដែរ នៅពេលដែលទ្រង់មានបន្ទូលថា «ចូរយកព្រះយេហូវ៉ាជាសេចក្តីអំណររបស់អ្នក» នោះ (ទំនុក-ដំកើង ៣៧៖៤)?

ពីសប្តាហ៍មុនពិធីបុណ្យជ្រមុជទឹករបស់ឪពុក គាត់បានខឹងយ៉ាងខ្លាំង បន្ទាប់ពីភ្ញៀវបានចាក ចេញពីផ្ទះ ក្រោយពីការសិក្សាព្រះគម្ពីរនៃក្រុមតូចនៅក្នុងទីក្រុងម៉ាណូសនៃប្រទេសប្រេស៊ីលនាពេលល្ងាចថ្ងៃសុក្ររួចមក។ ឪពុកបានប្រកាសថា គាត់នឹងគេងនៅក្នុងបន្ទប់ទទួលភ្ញៀវ។ យប់នោះងងឹតជាង សព្វដង។ អ្នកជិតខាងបានបិទភ្លើងអស់ ធ្វើអោយផ្ទះ និងផ្លូវងងឹតសូន្យឈឹង។ ប្រហែលជាម៉ោង១ព្រឹក ជូនាបានភ្ញាក់ពីដំណេក ដោយសារតែសំឡេងមួយបានស្រែកឡើងថា ឪពុកនឹងមិនជ្រមុជទឹកឡើយ។ ជូនាបានភ័យខ្លាចជាខ្លាំង ហើយគាត់ក៏មិនដឹងថា ត្រូវធ្វើយ៉ាងដូចម្តេចដែរ។ គាត់បានសម្ងំនៅក្នុងបន្ទប់ របស់គាត់ ដើម្បីឃ្លាំមើលថា នឹងមានអ្វីកើតឡើង។​ សំឡេងនោះបានស្រែកឡើងម្តងទៀតថា ឪពុកនឹង មិនជ្រមុជទឹកឡើយ។ ជូនាបានឃ្លាំមើលបន្តទៀត។ គាត់បានឮសំឡេងមនុស្សម្នាក់ដើរចូលមកក្នុង បន្ទាប់របស់គាត់។ ឪពុកបាននិយាយថា «កូនអើយ តោះអធិស្ឋានជាមួយនឹងប៉ា អារក្សបានវាយប្រហារ ប៉ាម្តងទៀតហើយ។ សំឡេងមួយទៀតបាននិយាយឡើង។ «តើអ្នកទាំង២កំពុងតែធ្វើអ្វី?» នោះគឺជា សំឡេងរបស់ម្តាយ។​ នៅពេលដែលនាងបានឮសំឡេងស្រែកចេញពីបន្ទប់ទទួលភ្ញៀវនោះ នាងបាន បន្ទន់ចុះ ហើយចាប់ផ្តើមអធិស្ឋាន។ ឥឡូវនេះ ម្តាយបានបបួលឪពុក និងជូនាអោយចូលរួមអធិស្ឋានជា មួយនឹងនាង ដើម្បីសូមអោយព្រះយេស៊ូវបណ្តេញពួកវិញ្ញាណអាក្រក់ចេញ។

បន្ទាប់ពីអធិស្ឋានប៉ុន្មាននាទីរួចមក ម្តាយបានណែនាំអោយពួកគេដើរចេញទៅក្រៅផ្ទះ ដើម្បី អោយបានឃើញគ្នាទៅវិញទៅមក នៅក្រោមពន្លឺព្រះច័ន្ទដ៏ស្រអាប់មួយ។ នៅខាងក្រៅផ្ទះ ឪពុកបាន និយាយថា គាត់ស្រេកទឹកខ្លាំងណាស់។ ជូនាបានស្ម័គ្រចិត្តដើរចូលទៅខាងក្នុង ដើម្បីទៅយកទឹកមួយ កែវជូនឪពុក។ គាត់បានឃើញដុំខ្មៅដ៏អាថ៌កំបាំងមួយនៅលើឥដ្ឋ។ គាត់បានហៅម្តាយមក ហើយចង្អុល ទៅឯដុំខ្មៅនោះសួរថា «នោះអីគេ ម៉ាក់?»។ ម្តាយបានផ្ចង់មើលទៅឯឥដ្ឋ។​ នាងបាននិយាយ «អាហ្នឹង សក់តើកូន»។ ជូនា និងម្តាយបានចេញមកពិនិត្យមើលឪពុកនៅឯខាងក្រៅវិញ។ សក់មួយដុំបានបាត់ពីលើក្បាលរបស់ឪពុក។ មើលទៅហាក់ដូចជាមានអ្នកណាម្នាក់ច្រឡំដៃយកកន្ត្រៃមួយគូមកកាត់សក់ របស់គាត់អ៊ីចឹង។ ឪពុកបានស្ទាបក្បាលរបស់គាត់ ទាំងក្រវីក្បាល។ គាត់បាននិយាយថា «មើលទៅ ខ្ញុំ ត្រូវកោសក់ហើយ ក្បាលត្រងោលល្អជាង»។

នៅពេលព្រះអាទិត្យបានរះនៅព្រឹកថ្ងៃសប្បាតហ៍បន្ទាប់នោះ ឪពុកមានអារម្មណ៍ថា នឿយហត់ ជាខ្លាំង ដោយត្រូវគេវាយអ៊ីចឹង បន្ទាប់ពីពួកវិញ្ញាណបានវាយប្រហារ ដោយពួកវិញ្ញាណអាក្រក់រួចមក។​ គាត់បានសម្រេចចិត្តអធិស្ឋាននៅផ្ទះជាជាងទៅឯព្រះវិហារ។ បន្ទាប់ពីជូនា និងម្តាយបានចាកចេញពីផ្ទះ គាត់បានអធិស្ឋានថា​«ឱព្រះយេស៊ូវអើយ សូមទ្រង់ជួយកុំអោយពួកវាយករូបកាយរបស់ទូលបង្គំឡើយ សូមទ្រង់គង់ជាមួយនឹងទូលបង្គំផង ដ្បិតទូលបង្គំមិនចង់អោយពួកវាមកសណ្ឋិតនៅក្នុងទូលបង្គំទៀត ឡើយ»។ គាត់បានបើកព្រះគម្ពីររបស់គាត់ រួចអានខគម្ពីរទំនុកដំកើង ៣៧៖៥ ដែលបានចែងថា «ចូរទុក ដាក់​ផ្លូវ​អ្នក​នឹង​ព្រះយេហូវ៉ា​ចុះ ថែម​ទាំង​ទុក​ចិត្ត​ដល់​ទ្រង់​ផង»។ ឪពុកបានយល់ឃើញថា ព្រះយេស៊ូវកំពុងតែមានបន្ទូលប្រាប់គាត់ថា កុំអោយខ្លាចឡើយ។ ព្រះយេស៊ូវនឹងនាំគាត់ទៅឯពិធីបុណ្យជ្រមុជទឹករបស់គាត់។ ជាការពិតណាស់​ ពួកវិញ្ញាណអាក្រក់លែងមកសណ្ឋិតលើគាត់តាំងតែពីយប់ថ្ងៃសុក្រនោះ រហូត មក។ ប៉ុន្តែ គាត់នៅតែឮសំឡេងពួកវា។

សេចក្តីអំពាវនាវ៖ប្រសិនបើលោកអ្នកមានឱកាសក្នុងការធ្វើអោយមានការផ្លាស់ប្តូរដ៏ធំមួយនៅក្នុងជីវិតរបស់អ្នកណាម្នាក់នោះ តើលោកអ្នកនឹងទទួលយកឱកាសនេះ ឬអោយឱកាសនេះ របូតទៅ? ឱកាសដ៏កម្រនេះមិនងាយនឹងកើតឡើងជារៀងរាល់ថ្ងៃនោះទេ ប៉ុន្តែ ឱកាសនេះទាម ទារនូវការឆ្លើយតបពីពួកជំនុំរបស់ព្រះ។ នៅពេលដែលលោកអ្នកថ្វាយតង្វាយនៃឱកាសដ៏កម្រ របស់លោកអ្នកនោះ មានន័យថា លោកអ្នកបានចូលរួមនៅក្នុង​ប្រាក់ឧបត្ថម្ភ ដែលអោយថ្នាក់ ដឹកនាំកំពូលឆ្លើយតបយ៉ាងឆាប់រហ័សចំពោះគម្រោងដែលចាំបាច់ និងបន្ទាន់បំផុត។

ដូច្នេះ ចូរយើងក្តាប់ពេលវេលានេះអោយជាប់។ ចូរយើងពន្លឿនកិច្ចការនៃការផ្សាយដំណឹងល្អ តាមរយៈការថ្វាយ ដោយចិត្តសប្បុរសចុះ។ សូមសរសេរនៅលើស្រោមសំបុត្រនៃតង្វាយ១០ ហូត១របស់លោកអ្នកថា «ប្រាក់ឧបត្ថម្ភសម្រាប់ឱកាសដ៏កម្រ»។ ជាមួយនឹងការគាំទ្ររបស់ លោកអ្នក ព្រះវិហារនឹងអាចឆ្លើយតបទៅនឹងឱកាសថ្មីៗ ដែលនឹងបង្កើតឥទ្ធិពលនៃបេសកកម្ម របស់ព្រះនៅទូទាំងពិភពលោក។

ឱព្រះអម្ចាស់អើយ ទូលបង្គំដឹងថា ទ្រង់សព្វព្រះទ័យនឹងអ្នកដែលថ្វាយដោយក្តីអំណរ។ សូមទ្រង់ជួយជំរុញទូលបង្គំអោយឆ្លើយតបភ្លាមៗទៅនឹងសេចក្តីអំពាវនាវ របស់ទ្រង់អោយថ្វាយដោយចិត្តសប្បុរសដល់ព័ន្ធកិច្ចរបស់ទ្រង់បន្ថែមទៀតផង។ ​