សូមអាន Ellen G. White, “The Controversy Ended,” pages 674-678, in The Great Controversy; “The Earth Made New,” pages 133-145; “Heaven Is a School,” pages 146-158; “It Will Not Be Long,” pages 159-166; “Heaven Can Begin Now,” pages 167-176; “The Music of Heaven,” pages 177-184; “A Call for Us to Be There,” pages 185-192, in Heaven។

«រាស្ត្រសំណល់របស់ព្រះនៅស្ថានសួគ៌ នឹងសិក្សាអំពីឈើឆ្កាងជារៀងរហូត។ ពួកគេក៏ច្រៀងអំពីសេចក្តីនេះផងដែរ។ ជាមួយនឹងសិរីល្អនៃព្រះគ្រីស្ទ​ដែលមាននៅក្នុងពួកគេនោះ​ រាស្ត្ររបស់ព្រះនឹងបានឃើញព្រះអង្គសង្គ្រោះ ដែលបានសុគតនៅលើឈើឆ្កាងជំនួសពួកគេ។​ រាស្ត្ររបស់ព្រះនឹងមិនភ្លេចថា អំណាចរបស់ទ្រង់បានបង្កើតភពទាំងអស់នោះឡើយ។ គ្មានអ្នកណាម្នាក់អាចរាប់ភពដែលព្រះយេស៊ូវ បានបង្កើតនោះបានឡើយ។​ ដ្បិតមានភពជាច្រើនរាប់មិនអស់។ ព្រះស្រឡាញ់ព្រះរាជបុត្រាទ្រង់លើសជាងអ្វីៗទាំងអស់។​ ព្រះយេស៊ូវគឺជាស្តេចនៃស្ថានសួគ៌។ ពួកទេវតាស្លាប៤ និងពួកទេវតាស្លាប៦បានថ្វាយបង្គំទ្រង់ដោយក្តីគោរពស្រឡាញ់។ ព្រះអម្ចាស់យេស៊ូវដដែលនេះហើយ ដែលបានលះបង់សិរីល្អទាំងអស់របស់ទ្រង់ ដើម្បីសង្គ្រោះពួកបាបជន។ ទ្រង់បានទទួលយកកំហុស និងសេចក្តីអាម៉ាស់របស់យើង។​ ទ្រង់បានរងទុក្ខនៅលើឈើឆ្កាង ខណៈដែលព្រះវរបិតាបានបែរព្រះភ័ក្ត្រចេញពីទ្រង់ទៅ។​ ព្រះយេស៊ូវបានរងនូវការទាំងនេះ ដោយសារតែការឈឺចាប់នៃផែនដីខូចបង់របស់យើងនេះបានធ្វើអោយព្រះទ័យរបស់ទ្រង់ខ្ទេចខ្ទាំ។ ការឈឺចាប់របស់យើងបានបញ្ចប់ជីវិតរបស់ទ្រង់នៅលើឈើឆ្កាង។ ព្រះយេស៊ូវបានបង្កើតភពទាំងអស់ដោយផ្ទាល់។​ ព្រះយេស៊ូវអង្គទ្រង់ផ្ទាល់បានកំណត់នូវអ្វីដែលត្រូវកើតឡើងចំពោះមនុស្សគ្រប់គ្នា។​ ព្រះយេស៊ូវនេះហើយ ដែលបានលះបង់នូវកិត្តិយស និងសិរីល្អរបស់ទ្រង់ចេញ។​ ទ្រង់បានរងនូវការស្លាប់ដោយវេទនាជាទីបំផុត។ ទ្រង់បានធ្វើការទាំងអស់នេះ ដោយសារតែទ្រង់ស្រឡាញ់ មនុស្សលោកខ្លាំងណាស់។ សេចក្តីស្រឡាញ់របស់ព្រះនឹងបំពេញចិត្តមនុស្សគ្រប់គ្នា នៅស្ថានសួគ៌ និងនៅផែនដីដោយការអស្ចារ្យ និងការសរសើរតម្កើង»។ ដកស្រង់ពី Ellen G. White, The Great Controversy, page 651, adapted។

«សង្គ្រាមពិភពលោករវាងព្រះ និងសាតាំងបានបញ្ចប់ទៅហើយ។ អំពើបាប និងពួកបាបជនក៏លែងមានតទៅទៀតដែរ។ ស្ថានសួគ៌ និងផែនដីបានស្អាតឡើងវិញ។ អ្វីៗគ្រប់យ៉ាងដែលព្រះបានបង្កើត នោះមានពេញទៅដោយសេចក្តីសុខសាន្តវិញ។ ជីវិត ពន្លឺ និងសេចក្តីអំណររបស់ព្រះបានហូរសាយភាយចេញពីទ្រង់ទៅកាន់របស់គ្រប់យ៉ាងដែលទ្រង់បានបង្កើតនោះ។ អ្វីៗទាំងអស់ដែលនៅក្នុងសិរីលំអរ និងសេចក្តីអំណរដ៏ល្អឥតខ្ចោះរបស់ពួកវា ចាប់ពីផ្នែកតូចៗបំផុតនៃកោសិការហូតដល់ភពធំជាងគេបំផុត នោះបានប្រកាសថា ព្រះគឺជាសេចក្តីស្រឡាញ់»។ ដកស្រង់ពី Ellen G. White, The Great Contro-versy, page 678, adapted។

ឆ្នេរសមុទ្រវ៉ៃឡាវឡាវ ប៊ីជ (Wailoaloa Beach) គឺជាកន្លែងទេសចរណ៍ដ៏ល្បីឈ្មោះមួយ នៅក្នុងទីក្រុងណេឌី (Nadi) នៃប្រទេសហ្វីជី ដែលមានផ្ទះសំណាក់ និងភោជនីយដ្ឋានតម្លៃសមរម្យ ជាពិសេសនោះ មានទាំងទៀម និងកន្លែងកំសាន្តនាពេលរាត្រីទៀតផង។ ប៉ុន្តែ នៅពេលដែលជំងឺកូវីដ១៩ បានរាតត្បាតនោះ ទៀមកាហ្វេតូចៗ កន្លែងលក់អាហារស្រាប់ និងភោជនីយដ្ឋានជាច្រើននៅតាមឆ្នេរសមុទ្រនេះត្រូវបានបិទ។ ព្រះវិហារសេវេនដេយអាត់វេនទីស្ទទាំង៣តំបន់បានឈ្លៀតឱកាសនេះ សហការណ៍ជាមួយនឹងរមនីយដ្ឋានបាំបូ៊ (Bamboo Report) ដើម្បីបើកក្លឹបសុខភាពប៊ីទូ (Bitu Wellness Bar) ទៀមលក់ទឹកផ្លែឈើ ដើម្បីសុខភាព និងកម្មវិធីសុខភាពផ្សេងៗទៀត ដូចជាការស្កេនជីវមាត្រដ៏ឥតគិតថ្លៃ កម្មវិធីហាត់ប្រាណ កម្មវិធីសម្រកទម្ងន់ និងការរៀបចំអាហារផ្ទាល់ខ្លួនជាដើម។ ពាក្យថា «ប៊ីទូ» យកមកពីភាសាតំបន់ដែលមានន័យថា «ឫស្សី (bamboo)»។ អ្នកស្រុកបានចាប់ផ្តើមឮតៗគ្នា អំពីទៀមនេះ រួចក៏នាំគ្នាបរិភោគទឹកផ្លែឈើសុខភាពនៅទីនោះជាប្រចាំ។

សមាជិកក្រុមជំនុំបានអធិស្ឋានសូមអោយទៀមនេះក្លាយទៅជាមជ្ឈមណ្ឌលមួយដ៏មានឥទ្ធិពល ដើម្បីលើកទឹកចិត្តប្រជាជនហ្វីជីអោយប្រកាន់យកនូវវិធីសាស្រ្ត ឆ្ពោះទៅរកសុខភាពល្អ នៅក្នុងស្រុកមួយដែលប្រជាជនកំពុងតែប្រឈមជាមួយនឹងជំងឺ ដោយសារតែការរបៀបរស់នៅរបស់ពួកគេ ជាពិសេសនោះ គឺជំងឺទឹកនោមផ្អែម។ ទៀមលក់ទឹកផ្លែឈើនេះ ត្រូវបានគាំទ្រ ដោយកម្មវិធី១០០០០ថូស (10000 Toes Campaign) នៃភូមិភាគអាស៊ីខាងត្បួង ដោយទទួលបានជំនួយពីប្រាក់តង្វាយនៅថ្ងៃសប្បាតហ៍ទី១៣ ឆ្នាំ២០១៩នោះ​ ក៏បានប្រកាសដែរថា ទៀមនេះនឹងជួយលើកកំពស់ខាងឯផ្នែកសុខភាពប្រឆាំង ទាស់នឹងគ្រឿងស្រវឹងផងដែរ។ ប៉ុន្តែ ក្រោយមក ជំងឺកូវីដ១៩បានផ្ទុះឡើងម្តងទៀតនៅក្នុងប្រទេសហ្វីជី ដោយសារហេតុនេះ រដ្ឋាភិបាលបានសេចក្តីប្រកាសអោយបិទវីស៊តបាំបូជាមួយនឹងទៀមលក់ផ្លែឈើនេះផងដែរ។ អតិថិជនបានទូរស័ព្ទមករមនីយដ្ឋានបាំបូជារៀងរាល់ថ្ងៃ ដើម្បីសួរនាំថា តើទៀមលក់ផ្លែឈើនេះនឹងបើកទ្វារវិញនៅពេលណា ហើយនៅកន្លែងណាដែរ។ ហេតុការណ៍ដែលកើតបន្ទាប់នោះ បានធ្វើអោយគ្រប់គ្នាភ្ញាក់ផ្អើលជាខ្លាំង។ ប្តីប្រពន្ធមួយគូដែលគ្រប់គ្រងរមណីយដ្ឋានអ៊ិចស្កេប ប៊ីជ (Beach Escape Resort) នៅជិតនោះ បានសង្កេតឃើញហ្វូងមនុស្សចេញចូលពីរមនីយដ្ឋានបាំបូជារៀងរាល់ ថ្ងៃ ពួកគាត់បានកត់សម្គាល់ផងដែរថា មានមនុស្សជាច្រើនបានចូលទៅលេងទៀមលក់ផ្លែឈើជាជាងចូលទៀមស្រា។ ពួកគាត់ក៏បានគត់សម្គាល់ទាំងពេញចិត្តផងដែរថា ចំនួននៃគ្រោះថ្នាក់ចរាចរណ៍នៅតាមផ្លូវ ពាក់ព័ន្ធនឹងការស្រវឹងនោះក៏អន់ថយផងដែរ។ ប្តីប្រពន្ធមួយគូនេះបានទាក់ទងជាមួយនឹងសមាជិក ក្រុមជំនុំដោយអនុញ្ញាតអោយពួកគេយកទៀមស្រា និងកន្លែងផ្សេងទៀតរបស់ពួកគាត់ធ្វើជាមជ្ឈមណ្ឌលសុខភាព។ ជាដំបូង សមាជិកក្រុមជំនុំបានបដិសេធនូវការផ្តល់ជូននេះ ដោយសារតែពួកគេមិនចង់លក់ ទឹកផ្លែឈើរួមគ្នាជាមួយនឹងគ្រឿងស្រវឹង ប៉ុន្តែ អ្នកគ្រប់គ្រងបី្តប្រពន្ធមួយគូនេះបានពន្យល់ថា ពួកគេលែងចង់លក់គ្រឿងស្រវឹងតទៅទៀតហើយ។ គ្រឿង​ស្រវឹង​ត្រូវ​បានយកចេញ ហើយ​ត្រូវ​បាន​ជំនួស​ដោយ​ម៉ាស៊ីន​ច្របាច់​ទឹក ម៉ាស៊ីន​ក្រឡុក ផ្លែឈើ បន្លែ និងយិនសិនវិញ។ ទៀមសុខភាពប៊ីទូបានបើកដំណើរការជាថ្មីម្តងទៀត។

សមាជិកក្រុមជំនុំបានសម្ដែងនូវការភ្ញាក់ផ្អើល ចំពោះការអស្ចារ្យដែលព្រះប្រទានដល់ពួកគេនេះ។ ទៀមលក់ទឹកផ្លែឈើមិនត្រឹមតែមានឥទ្ធិពលទៅលើរមនីយដ្ឋានបាំបូ ប៉ុណ្ណោះទេ ប៉ុន្តែ ទៀមនេះក៏បានផ្លាស់ប្តូរមនីយដ្ឋានអ៊ិចស្កេប ប៊ីជ អោយក្លាយទៅជាមជ្ឈមណ្ឌលដ៏មានឥទ្ធិពលដែលនឹងនាំមកនូវសេចក្តីសង្ឃឹម និងការព្យាបាលដល់សហគមន៍វិញ។