សូមអាន Ellen G. White, “The First Great Deception,” pages 531-550, in The Great Controversy។

«តើយ៉ាងណាទៅវិញ ប្រសិនបើព្រលឹងនៃមនុស្សស្លាប់បានទៅស្ថានសួគ៌ នៅពេលដែលពួកគេស្លាប់នោះ? បើអ៊ីចឹងមែន តើមនុស្សចង់រស់ដើម្បីអ្វី? ដើម្បីអោយយើងឆាប់បានទៅស្ថានសួគ៌ តើស្លាប់មិនប្រសើរជាងទេឬអី? មនុស្សជាច្រើនបានសម្លាប់ខ្លួន ដោយសារតែពួកគេជឿថា ពួកគេអាចទៅស្ថានសួគ៌មុន។ ចិត្តរបស់ពួកគេមានពេញទៅដោយបញ្ហា។ ពួកគេមានអារម្មណ៍ច្របូកច្របល់ និងសោកសៅ។ ម្ល៉ោះហើយ ពួកគេបានព្យាយាមយកវិធីងាយមកដោះស្រាយបញ្ហារបស់ពួកគេ។ ពួកគេបានគិតថា​ ស្លាប់ប្រសើរជាង នឹងឆាប់បានទៅស្ថានសួគ៌»។​ ដកស្រង់ពី Ellen G. White, The Great Controversy, page 539, adapted។

«មនុស្សដែលបានសង្គ្រោះ មិនបានទៅស្ថានសួគ៌ នៅពេលដែលពួកគេស្លាប់នោះឡើយ។ យ៉ាងណាមិញ មនុស្សអាក្រក់ក៏មិនបានទៅស្ថាននរក នៅពេលដែលពួកគេស្លាប់នោះដែរ។ ព្រះគម្ពីរមិនបានបង្រៀននូវគោលគំនិតខុសឆ្គងទាំងនេះទាល់តែសោះ។ ពួកបុរស និងស្ត្រីនៅក្នុងព្រះគម្ពីរមិនបានតាំងសេចក្តី សន្យាខុសឆ្គងទាំងនេះជាមួយនឹងយើងនោះទេ។ ព្រះយេស៊ូវ និងពួកសិស្សរបស់ទ្រង់ក៏មិនបានបង្រៀនអំពីគោលគំនិតខុសឆ្គងទាំងនេះដែរ។ ព្រះគម្ពីរបានបង្រៀនយើងថា មនុស្សស្លាប់គឺដេកនៅក្នុងផ្នូរ។​ ព្រះគម្ពីរបានបង្ហាញយើងថា មនុស្សស្លាប់នឹងដេកលក់ រហូតដល់ព្រះយេស៊ូវប្រោសពួកគេពីស្លាប់ឡើងវិញ នៅពេលដែលទ្រង់យាងមកជាលើកទី២»។ ដកស្រង់ពី Ellen G. White, The Great Controversy, pages 549, 550, adapted។

នាងស៊ីយ៉ាម៉ាឡា (Shyamala) បានបើកភ្នែកធំៗទាំងភ្ញាក់ផ្អើល ខណៈដែលនាងអានអក្សរសរសេរដោយដៃនៅក្នុងស្រោមសំបុត្រ ដែលមានមូលប្បទានប័ត្រតម្លៃ១០០.៥២ដុល្លារ។ សំបុត្រនោះ ផ្ញើមកពីឆ្នេរខាងកើតនៃសហរដ្ឋអាមេរិក ហើយមូលប្បទានប័ត្រត្រូវបានបញ្ជូនទៅកាន់បេសកកម្មសកល ដែលជាដៃជួរមុខនៃបេសកកម្មអាត់វេនទីស្ទ ដែលបេសកជនចាប់ផ្តើមក្រុមតូចថ្មីៗនៅក្នុងទឹកដីដែលមិនទាន់ទៅដល់។

សំបុត្រនោះបានសរសេរថា «ខ្ញុំបានភ្ជាប់នូវការបរិច្ចាគមួយជូនដល់បេសកកម្មសកល ដើម្បីជួយមនុស្សអោយរៀនអំពីសេចក្តីស្រឡាញ់របស់ព្រះ ខ្ញុំស្រឡាញ់ព្រះ ហើយខ្ញុំក៏កំពុងតែព្យាយាមជួយផ្សព្វផ្សាយដំណឹងល្អនៅក្នុងសង្កាត់របស់ខ្ញុំផងដែរ»។ ផ្នែកបន្ទាប់នៃកំណត់ត្រាដែលបានធ្វើអោយនាងស៊ីយ៉ាម៉ាឡាកាន់តែភ្ញាក់ផ្អើលនោះ គឺជាវិធីនៃការស្វែករកប្រាក់របស់ម្ចាស់ជំនួយ។ អ្នកសរសេរបានពន្យល់ ថា មានកាក់ដែលនាងបានរកឃើញនៅតាមផ្លូវនៅក្នុង១១០.៥២ដុល្លារ។ ពេល​កាក់​របស់​នាង​ពេញ​ហើយ នាង​ក៏​យក​ប្រាក់​ទាំង​នោះ​មក​ផ្ញើ​ជូន​ទៅ​វិញ។ នៅពេលដែលកាក់ពេញកូនជ្រូករបស់នាងហើយ នាងបានយកប្រាក់នោះទៅដូរ​ រួចបានបរិច្ចាគ។ នាងបានសរសេរថា​ «ប្រាក់នេះគឺជាអំណោយដែលខ្ញុំបានប្រមូលសម្រាប់ព្រះយេស៊ូវ ខ្ញុំសង្ឃឹមថា អំណោយនេះនឹងផ្តល់ស្នាមញញឹមដល់អ្នកណាម្នាក់ ខណៈដែលអ្នកបានចែករំលែកសេចក្តីស្រឡាញរបស់ព្រះជាមួយនឹងគេ»។ សំបុត្រដ៏គួរឱ្យភ្ញាក់ផ្អើលមួយទៀតបានមកដល់ការិយាល័យនៃបេសកកម្មសកលនៅឯថ្នាក់កំពូល កាលពីប៉ុន្មានសប្តាហ៍មុននេះ។ សំបុត្រនោះមក ពីឆ្នេរខាងលិចនៃសហរដ្ឋអាមេរិក មិនបានសរសេរអ្វីឡើយ ប៉ុន្តែ មូលប្បទានប័ត្រចំនួន១៦៥ដុល្លារបានបកស្រាយជំនួសវិញ។ មូលប្បទានប័ត្រនេះបានធ្វើឡើង ដោយពន្ធនាគារជំនួសអោយអ្នកទោសម្នាក់។ ទម្រាំតែរកបានអំណោយនៃប្រាក់៥៥ដុល្លារនេះ អ្នកទោសដែលជាម្ចាស់ជំនួយម្នាក់នោះ បានធ្វើយ៉ាង ហោចណាស់អស់រយៈពេល៣ខែ។ ​នាងស៊ីយ៉ាម៉ាឡាបាននិយាយថា «នេះមិនមែនជាប្រាក់ជំនួយដំបូងរបស់គាត់នោះឡើយ»។ ស្រោមសំបុត្រទី៣ត្រូវបានបើក ដោយនាងនីមហ្វា (Nimfa) ដែលជាអ្នកគ្រប់គ្រងផ្នែកនាយកដ្ឋានចាត់ចែងប្រាក់ជំនួយនៅឯបេសកកម្មសកល។ សំបុត្រនេះមកពីបុរសម្នាក់ដែល​បាន​ទូរស័ព្ទ​ទៅ​លេខការិយាល័យ​របស់​បេសកកម្ម​សកល ​កាលពី​ប៉ុន្មាន​ថ្ងៃមុន ដើម្បី​សួរនាំ​ថា តើបេសកកម្ម​សកល​បានទទួល​អំណោយ​ដែល​បាន​បញ្ជូន​ទៅតាម​គេហទំព័រនៃបេសកកម្មសកល​ហើយឬនៅ។ នាង នីមហ្វាបានដឹងថា ធនាគារនៃម្ចាស់ជំនួសថ្មីនេះមានបញ្ហា មិនអាចដកប្រាក់បាន។ នៅពេលទូរស័ព្ទសុំជំនួស ដើម្បីបរិច្ចាគនោះ នាងបានស្នើជាមូលប្បទានប័ត្រ ឬផ្ទេរប្រាក់តាមគណនេយ្យផ្សេងក៏បាន។ ពីរបីថ្ងៃក្រោយមក មូលប្បទានប័ត្រចំនួន៧០០០០ដុល្លារបានមកដល់ការិយាល័យរបស់បេសកកម្មសកល។ ប្រាក់បរិច្ចាគ នេះបានមកពីការលក់របស់អចលនទ្រព្យមួយចំណែក។ នាងនីមហ្វាបាននិយាយថា​ «បុរសម្នាក់ នេះបានសន្យានឹងព្រះថា ប្រសិនបើគាត់លក់របស់អចលនទ្រព្យរបស់គាត់ដាច់នោះ គាត់នឹងប្រគល់ប្រាក់ចំណូលទាំងអស់ដល់មិសិន»។

ទីបន្ទាល់អំពីភាពស្មោះត្រង់របស់ម្ចាស់ជំនួយ ចំពោះបេសកកម្មរបស់ព្រះនោះបានប៉ះពាល់ចិត្ត របស់នាងស៊ីយ៉ាម៉ាឡា នាងនីមហ្វា និងអ្នកដទៃទៀតដែលធ្វើការនៅឯបេសកកម្មសកលជាខ្លាំង។ មិនថាម្ចាស់ជំនួយបរិច្ចាគ១ដុល្លារ ឬបរិច្ចាគ៧០០០០នោះទេ ប្រាក់មួយកាក់ៗសុទ្ធតែចូលទៅក្នុងព័ន្ធកិច្ចជួរមុខទាំងអស់។ នាងនីមហ្វាបាននិយាយទៀតថា «ប្រាក់មួយកាក់ៗ ដែលយើងបានទទួលនោះ មិនមែនជាប្រាក់ធម្មតានោះទេ។ ពិសេសនោះ នៅពេលដែលយើងទទួលបានការបរិច្ចាគ និងនៅពេលដែលយើងដឹងពីរបៀបស្វែងរកប្រាក់ ឬដឹងអំពីមូលហេតុដែលម្ចាស់ជំនួយសុខចិត្តផ្ញើមកយើងនោះ យើងតែងតែរំលឹកខ្លួនយើងថា ប្រាក់ទាំងនោះពិសិដ្ឋជាទីបំផុត វាគឺជាប្រាក់របស់ព្រះអម្ចាស់ ប្រាក់ទាំងអស់ត្រូវបានបញ្ជូនទៅជួយបញ្ចប់ព័ន្ធកិច្ចរបស់ព្រះ ដើម្បីអោយព្រះយេស៊ូវអាចឆាប់យាងមក»។