ខគម្ពីរហេព្រើរ ២៖១៣ បានបង្ហាញយើងអំពីព្រះបន្ទូលរបស់ព្រះយេស៊ូវ។ ព្រះយេស៊ូវបានមានបន្ទូលទៅកាន់ព្រះវរបិតារបស់ទ្រង់អំពីបងប្អូនប្រុសស្រីរបស់ទ្រង់យ៉ាងដូច្នេះថា៖ «មើល ទូលបង្គំ​ នេះ និង​ពួក​កូន​ចៅដែល​ព្រះ​បាន​ប្រទាន​មក​ទូលបង្គំ» (ហេព្រើរ ២៖១៣)។ លោកប៉ាទ្រីគ គ្រេយបានមានប្រសាសន៍ថា ខទាំងនេះបង្ហាញយើងថា ព្រះយេស៊ូវទ្រង់ការពារ និងយកព្រះទ័យទុកដាក់ចំពោះបងប្អូនប្រុសស្រីរបស់ទ្រង់។ ជនជាតិរ៉ូមមានច្បាប់មួយដែលអាចជួយអោយយើងយល់នូវគោលគំនិតអំពីព្រះយេស៊ូវនេះ។ ច្បាប់រ៉ូមមួយនេះត្រូវបានគេហៅថា «ធូធេឡា អ៊ីមភូបឺរឹម (tutela impuberum)» ជាភាសាឡាតាំង។ ច្បាប់នេះបានជួយការពារកូនៗសាសន៍រ៉ូមនៅពេលដែលឪពុករបស់ពួកគេបានស្លាប់ទៅដោយបានចែងថា៖ «គ្រូសាលារៀននឹងទទួលខុសត្រូវចំពោះក្មេងៗ និងថវិការបស់ក្មេងៗទាំងនោះរហូតដល់ពួកគេពេញវ័យ។ គ្រូសាលារៀននោះគឺជាបងប្រុសនៃកូនៗទាំងនោះ។ ច្បាប់រ៉ូមនេះបានបង្ហាញថា បងប្រុសមានតួនាទីថែរក្សាប្អូនៗប្រុសស្រីរបស់គាត់»។ ដកស្រង់ពី Godly Fear: The Letter to the Hebrews and Greco-Roman Critiques of Superstition [Atlanta: Society of Biblical Literature, 2003], page 126, adapted។ ច្បាប់រ៉ូមនេះអាចជួយពន្យល់អំពីមូលហេតុដែលលោកប៉ុលបានមានប្រសាសន៍ថា យើងគឺជាបងប្អូនប្រុសស្រីរបស់ព្រះយេស៊ូវ និងជាបុត្រាបុត្រីរបស់ទ្រង់ផងដែរ។​ ក្នុងនាមជាបងច្បងរបស់យើង ព្រះយេស៊ូវគឺជាគ្រូបង្រៀនរបស់យើង។ ទ្រង់ក៏ជាបុគ្គលម្នាក់ដែលការពារយើងផងដែរ។

«ព្រះយេស៊ូវបានយាងមកផែនដីនេះក្នុងសណ្ឋានជាមនុស្ស។ ទ្រង់បានក្លាយមកជាព្រះអង្គជំនួយដែលចូលទៅឯព្រះវរបិតាជំនួសយើង។ ព្រះយេស៊ូវបានធ្វើរឿងទាំងនេះ ដើម្បីបង្ហាញយើងអំពីសេចក្តីពិតនៃព្រះគម្ពីរដ៏សំខាន់មួយ។​ ក្នុងសង្គ្រាមពិភពលោករវាងព្រះ និងសាតាំង យើងអាចគោរពតាមបញ្ញត្តិទាំងអស់នៅក្នុងក្រឹត្យវិន័យរបស់ព្រះបាន ប្រសិនបើយើងបានផ្សារភ្ជាប់ខ្លួនយើងជាមួយនឹងព្រះវរបិតា ហើយនិងព្រះរាជបុត្រា»។ ដកស្រង់ពី Ellen G. White, Selected Messages, book 1, page 253, adapted។

«ក្នុងព្រះជន្ម និងមេរៀនរបស់ទ្រង់ ព្រះយេស៊ូវផ្តល់នូវគំរូដ៏ល្អឥតខ្ចោះមួយដល់យើង។ ទ្រង់បានប​ង្ហាញយើងអំពីរបៀបធ្វើកិច្ចការសម្រាប់ព្រះ និងមិនអាត្មានិយម។ ព្រះមិនបានរស់សម្រាប់អង្គទ្រង់នោះទេ។ ព្រះយេស៊ូវបានបង្កើតផែនដី និងទ្រទ្រង់អ្វីៗគ្រប់យ៉ាង។​ រឿងទាំងនេះបង្ហាញយើងថា ព្រះយេស៊ូវតែងតែធ្វើកិច្ចការជានិច្ច ដើម្បីជួយដល់មនុស្សដែលទ្រង់បានបង្កើត។ ‘ទ្រង់​ធ្វើ​ឲ្យ​ថ្ងៃ​របស់​ទ្រង់​រះ​ឡើងបំភ្លឺ​ទាំង​មនុស្ស​អាក្រក់ និង​មនុស្ស​ល្អ ហើយ​ទ្រង់​បង្អុរ​ឲ្យ​ភ្លៀង​ធ្លាក់​មកលើ​ទាំង​មនុស្ស​សុចរិត និង​មនុស្ស​ទុច្ចរិត​ផង’ (ម៉ាថាយ ៥៖៤៥)។ ព្រះបានប្រទានកិច្ចការនៃការទ្រទ្រង់ជីវិតនេះដល់ព្រះរាជបុត្រារបស់ទ្រង់។ ព្រះក៏បានធ្វើអោយព្រះយេស៊ូវក្លាយមកជាមេដឹកនាំរបស់យើងផងដែរ។ ព្រះយេស៊ូវបានបង្ហាញយើងអំពីរបៀបកុំអោយយើងអាត្មានិយមតាមរយៈចំណុចទាំងនេះ។ គំរូដ៏ល្អឥតខ្ចោះរបស់ព្រះបានបង្រៀនយើង អំពីរបៀបដែលយើងគួរតែបម្រើព្រះ និងបម្រើអ្នកដទៃ»។ ដកស្រង់ពី Ellen G. White, The Desire of Ages, page 649, adapted។