សូមអាន Ellen G. White, “Visions of Future Glory,” pages 727-733, in Prophets and Kings។

«ហើយ​ពួក​អ្នក​ដែល​ដេក​លក់​នៅ​ក្នុង​ធូលី​ដី និង​ភ្ញាក់​ឡើង​វិញ​ជា​ច្រើន គឺ​ខ្លះ​ឲ្យ​បាន​ជីវិត​រស់​នៅ​អស់កល្ប​ជានិច្ច និង​ខ្លះ​ឲ្យ​បាន​សេចក្តី​អាម៉ាស់​ខ្មាស ហើយ​ឲ្យ​បាន​ជា​ទី​ខ្ពើមឆ្អើម នៅ​អស់កល្ប​ជា និច្ច​វិញ» (ដានីយ៉ែល ១២៖២)។ គ្រប់គ្នាដែលបានស្លាប់ ដោយសារតែការជឿទៅលើសារនៃទេវតាទី៣ នោះ ពួកគេនឹងរស់ឡើងវិញ។ មនុស្សទាំងនេះនឹងក្រោកចេញពីផ្នូរជាមួយនឹងរូបកាយថ្មី ដែលពេញទៅ ដោយសិរីល្អ។ រូបកាយថ្មីនេះ មិនចេះស្លាប់ឡើយ។ ពួកអ្នកដែលបានរស់ពីស្លាប់ឡើងវិញនឹងស្តាប់សេចក្តី សន្យានៃក្តីសុខសាន្តរបស់ព្រះ។ ព្រះបានតាំងសេចក្តីសន្យានេះជាមួយនឹងអស់អ្នកណា ដែលបានគោរព បញ្ញត្តិរបស់ទ្រង់។ មួយក្រុមទៀតក៏បានរស់ពីស្លាប់ឡើងវិញ នៅគ្រានេះផងដែរ គឺថា៖ «នោះ​គ្រប់​ទាំង​ភ្នែក​នឹង​ឃើញ​ទ្រង់ ព្រម​ទាំង​ពួក​អ្នក​ដែល​ចាក់​ទ្រង់​ផង» (វិវរណៈ ១៖៧)។ ក្រុមនេះរួមមានទាំងមនុស្ស ដែលបានសើចចំអកដល់ព្រះយេស៊ូវ ខណៈដែលទ្រង់កំពុងព្យួរនៅលើឈើឆ្កាង។ ព្រះក៏នឹងដាស់មនុស្ស ដែលបានប្រឆាំងទាស់នឹងក្រឹត្យវិន័យ និងធ្វើបាបរាស្ត្ររបស់ទ្រង់ផងដែរ។ ព្រះនឹងប្រោសមនុស្សអាក្រក់ ទាំងនេះឡើង ដើម្បីអោយពួកគេអាចមើលព្រះយេស៊ូវនៅក្នុងសិរីល្អរបស់ទ្រង់។ ពួកគេនឹងបានឃើញព្រះប្រទានកិត្តិយសដល់មនុស្ស ដែលស្មោះត្រង់ និងគោរពតាមទ្រង់»។ ដកស្រង់ពី Ellen G. White, The Great Controversy, page 637, adapted។

«ព្រះគឺជាអ្នកដែលប្រទានជីវិត។ ក្នុងនាមជាអ្នកប្រទានជីវិតនេះ ព្រះអម្ចាស់នឹងប្រោសអ្នកដែលបានសង្គ្រោះពីស្លាប់ឡើងវិញ។ គ្រានេះត្រូវបានហៅថា ជាការរស់ឡើងវិញជាលើកទី១។ នៅគ្រា នោះ ព្រះនឹងផ្លុំត្រែ ហើយមនុស្សគ្រប់គ្នា ដែលបានស្លាប់នៅក្នុងព្រះយេស៊ូវនឹងរស់ពីស្លាប់ឡើងវិញ។ រហូតដល់គ្រានោះមកដល់ ព្រះនឹងរក្សាពួកបរិសុទ្ធ ដែលកំពុងដេកលក់នោះ អោយមានសុវត្ថិភាព។ ព្រះ នឹងការពារពួកបរិសុទ្ធរបស់ទ្រង់ ប្រៀបដូចជាត្បូងដ៏មានតម្លៃយ៉ាងដូច្នេះដែរ។ ព្រះបានជ្រាបអំពីឈ្មោះ នៃអ្នកបរិសុទ្ធរបស់ទ្រង់ម្នាក់ៗ។ នៅពេលដែលពួកគេរស់ឡើងវិញ ព្រះអង្គសង្គ្រោះក៏រស់នៅក្នុងចិត្តរបស់ ពួកគេដែរ។ ពួកគេនឹងបានបរិសុទ្ធ ដូចជាព្រះយេស៊ូវដែរ។ ដោយសារតែពួកគេបរិសុទ្ធនេះហើយ បាន ជាព្រះនឹងប្រោសពួកគេអោយរស់ពីស្លាប់ឡើងវិញ»។ ដកស្រង់ពី Ellen G. White Comments, The SDA Bible Commentary, volume 4, page 1143, adapted។

លោកអាន់តូនីយ៉ូ ម៉ាល់ដូណាដូ (Antonio Maldonado) មិន​ចេះ​ភាសា​អង់គ្លេស​ច្រើន​នោះទេ ម្ល៉ោះហើយ គាត់​បាន​ទៅ​រក​អ្នក​បក​ប្រែ​ម្នាក់ពីកន្លែង​ទទួល​ភ្ញៀវ​នៅឯសេតវិមាននៃសហរដ្ឋ​អាមេរិក​នៅក្នុង​ រដ្ឋធានី​វ៉ាស៊ីនតោន។ លោកអាន់តូនីយ៉ូ ដែលជាសមាជិកនៃគណៈប្រតិភូផ្នែករុករករ៉ែ មកទស្សនាពីប្រទេស ប៉េរូ បានសង្កេតឃើញ គេចាក់ស្រាវីស្គីដ៏ពេញនិយមមួយ ប៉ុន្តែ គាត់បានសុំទឹកបរិសុទ្ធមួយកែវពីអ្នករត់តុ វិញ ដើម្បីលើកជុលជាមួយប្រធានាធិបតី លីនដុន ប៊ី ចនសិន (Lyndon B. Johnson)។ គាត់​បានប្រើពាក្យយ៉ាងស្រទន់ទៅអ្នករត់តុនោះ តាមរយៈអ្នកបកប្រែ។ វាគឺជាសំណើដ៏ពិបាកមួយ។ ដ្បិតមនុស្ស ទាំងអស់គេកាន់កែវស្រាវីស្គី រីឯលោកអាន់តូនីយ៉ូមិនចង់សំដែងឡើយ។ គាត់មិនចង់ធ្វើអោយគណៈប្រតិភូ អាប់ឱនឡើយ ខណៈដែលពួកគេបញ្ចប់នូវកិច្ចចរចារពាណិជ្ជកម្មនៃសហរដ្ឋអាមេរិក។ ប៉ុន្តែ គាត់បានធ្វើ ការបេ្តជ្ញាចិត្តមួយ តាំងតែពីក្មេងមកថា គាត់មិនញុាំស្រាទៀតទេ បន្ទាប់ពីបានដឹងអំពីសភាពនៃការស្រវឹង របស់ខ្លួននៅក្នុងផ្ទះនៅឯប្រទេសប៉េរូ។ នៅឆ្នាំ១៩៦៣ ជាងពីឆ្នាំមុននោះ គាត់បានថ្វាយចិត្តរបស់គាត់ ដល់ព្រះយេស៊ូវ បន្ទាប់ពីគាត់បានឮនូវការផ្សាយតាមវិទ្យុសំឡេងនៃបទទំនាយមក។ ខណៈដែលលោកអាន់តូនីយ៉ូកំពុងតែនិយាយយ៉ាងស្រទន់ជាមួយនឹងអ្នករត់តុនៃសេតវិមាននោះ បុរសម្នាក់បានសម្លឹងមើល គាត់។ បុរសនោះបានសម្លឹងមើលអ្នករត់តុ ខណៈដែលគាត់យកទឹកមួយកែវជូនដល់លោកអាន់តូនីយ៉ូ។ នៅពេលដែលលោកអាត់តូនីយ៉ូចាប់យកកែវទឹកនោះ គាត់បានឮសំឡេងមួយនិយាយឡើង។ សំឡេង នោះបាននិយាយថា «អ្នករត់តុចាំមួយភ្លេត តើលោកខាងនេះបានស្នើសុំអ្វីដែរ?។ អ្នករត់តុនោះបានតប ទៅវិញថា «គាត់ម្នាក់នេះបានស្នើសុំទឹកបរិសុទ្ធមួយកែវជំនួសអោយស្រាវីស្គី។ លោកលីនដុនបានហុចកែវស្រាវីស្គីរបស់គាត់ទៅអោយអ្នករត់តុដែរ។ គាត់បានមានប្រសាសន៍ថា «ខ្ញុំសុំទឹកបរិសុទ្ធមួយកែវដែរ»។ បន្ទាប់ពីលើកកែវជុលគ្នារួចហើយ ប្រធានាធិបតីបានបានចូលទៅជិតលោកអាន់តូនីយ៉ូ គាត់បានខ្សឹប សួរលោកអាន់តូនីយ៉ូថា «ហេតុអ្វីបានជាអ្នកមិនញុំាំស្រាដូចអ្នកដទៃអ៊ីចឹង?»។ ដោយមានជំនួយពីអ្នក បកប្រែ លោកអាន់តូនីយ៉ូបានតបទៅវិញទាំងញញឹមថា «កាលពីខ្ញុំនៅក្មេង ខ្ញុំបានសន្យាថា ខ្ញុំនឹងមិនញុាំ ស្រាទៀតឡើយ ប៉ុន្មានឆ្នាំក្រោយមកទៀត ខ្ញុំបានស្បថបែបនេះម្តងទៀតជាមួយនឹងព្រះ មកទល់ថ្ងៃនេះ អ្វីគ្រប់យ៉ាងដំណើរការទៅយ៉ាងល្អប្រសើរ»។

ប្រធានាធិបតីបានចាប់ដៃគាត់ ហើយមានប្រសាសន៍ថា «ខ្ញុំក៏ជាមនុស្សគោរពពាក្យសម្បថដែរ សូមអោយព្រះប្រទានពរដល់អ្នកផងចុះ»។ ការសន្ទនានោះបានបញ្ចប់ដោយការចាប់ដៃគ្នាយ៉ាងមុឺងម៉ាត់។

នៅពេលដែលលោកអាន់តូនីយ៉ូដើរមកឯកន្លែងទទួលភ្ញៀវវិញ គាត់មានអារម្មណ៍ថា មានមនុស្ស ជាច្រើនបានសម្លឹងមកឯគាត់ទាំងចង់ដឹងចង់ឃើញ។ ទម្លាប់របស់គាត់មិនទទួលទានគ្រឿង​ស្រវឹង ដែល​ បាន​ពង្រឹង​ដោយ​ជំនឿ​របស់​គាត់នេះ បាន​ធ្វើ​អោយ​ប៉ះពាល់ចិត្តដល់មនុស្ស​មានអំណាចបំផុតនៅ​លើ ផែនដី។ ចិត្ត​របស់​គាត់​រីក​រាយជាខ្លាំង ​ដែល​គាត់​អាច​ធ្វើ​ជា​អ្នកទូតរបស់​ព្រះ​នៅ​ក្នុងសេតវិមាននោះ។