សូមអាន Ellen G. White, “In the Days of Queen Ester,” pages 598-606, in Patriarchs and Prophets។

«ព្រះនឹងប្រទានព្រះវិញ្ញាណបរិសុទ្ធដល់យើង ប្រសិនបើយើងទូលសូមដល់ទ្រង់។ ព្រះវិញ្ញាណ របស់ទ្រង់គឺជាសេចក្តីពិត។ ទ្រង់នឹងដឹកនាំយើង។ មនុស្សមួយចំនួនបានភ័យខ្លាចក្នុងការជឿទុកចិត្តទៅ លើព្រះ។ ពួកគេមានអារម្មណ៍ថា ការជឿទុកចិត្តព្រះប្រៀបដូចជាការរំពឹងចង់អោយព្រះធ្វើអ្វីមួយ ដែល ទ្រង់មិនបានសន្យាយ៉ាងដូច្នោះដែរ។ ពួកគេបានអធិស្ឋានទូលសូមអោយព្រះអម្ចាស់បង្រៀនរាស្ត្ររបស់ ទ្រង់។ ប៉ុន្តេ មនុស្សទាំងនេះបានភ័យខ្លាចក្នុងការជឿទុកចិត្តទៅលើសេចក្តីសន្យារបស់ព្រះ ឬយល់ឃើញ ថា ព្រះបានបង្រៀនពួកគេរួចរាល់ហើយ។ ដូច្នេះ យើងត្រូវតែចូលទៅឯព្រះជាមួយនឹងចិត្តដែលគ្មានអំនួត។ យើងក៏ត្រូវតែមានការប្តេជ្ញាចិត្តក្នុងការរៀនផងដែរ។ បន្ទាប់មក យើងនឹងអាចជឿថា ព្រះនឹងរក្សាសេចក្តី សន្យារបស់ទ្រង់ក្នុងការបង្រៀនយើង។ មិនត្រូវសង្ស័យចំពោះព្រះមួយវិនាទីណាឡើយ។ កាលណាលោក អ្នកសង្ស័យចំពោះព្រះនោះ លោកអ្នកនឹងខកខានក្នុងការបង្ហាញការគោរព និងអោយតម្លៃដល់ទ្រង់ជា មិនខាន។ លោកអ្នកត្រូវតែជឿថា ព្រះនឹងដឹកនាំលោកអ្នក។ នៅពេលនោះ ទ្រង់នឹងប្រទានពរដល់លោក អ្នក នៅពេលដែលលោកអ្នកធ្វើតាមសេចក្តីបង្គាប់របស់ទ្រង់។ ជាការពិតណាស់ យើងអាចនឹងមិនទុកចិត្ត ខ្លួនឯងថា មានការយល់ដឹងគ្រប់គ្រាន់សម្រាប់ការបង្រៀនរបស់ព្រះ។ ម្ល៉ោះហើយ យើងត្រូវតែអធិស្ឋាន ព្រមទាំងជឿថា ព្រះនឹងជួយអោយយល់អំពីការបង្រៀននេះ។ នៅពេលនោះ ព្រះវិញ្ញាណបរិសុទ្ធនឹងដឹកនាំ យើងអោយយល់អំពីផែនការរបស់ព្រះសម្រាប់យើង។ បន្ទាប់មក យើងនឹងអាចមើលឃើញនូវការដឹកនាំ និងព្រះពររបស់ព្រះនៅក្នុងជីវិតរបស់យើងជាក់ជាមិនខាន»។ ដកស្រង់ពី Ellen G. White, Manuscript Releases, volume 6, page 225។

«សេចក្តីជំនឿរបស់យើងនឹងលូតលាស់ឡើង នៅពេលដែលយើងប្រឆាំងទាស់នឹងការសង្ស័យ នៅពេលដែលព្រះប្រទានការសាកល្បងមួយដល់យើង។ បទពិសោធន៍ទាំងនេះនឹងជួយអោយសេចក្តីជំនឿរបស់យើងកាន់តែរឹងមាំឡើង។ បទពិសោធន៍ទាំងនេះមានតម្លៃចំពោះយើងលើសជាងគ្រឿងអលង្ការ ទៅទៀត»។ ដកស្រង់ពី Ellen G. White, Testimonies for the Church, volume 3, page 555, adapted។