News and Updates

សម្ពោធអគារសិក្សាថ្មីតាមរយៈការគាំទ្រពីមូលនិធិ David និង Marry Chowដោយលោក៖ សែ គឹមសេង | បេសកកម្មអាត់វេនទីស្ទកម្ពុជា ខេត្តកំពង់ធំ – បេសកកម្មអាត់វេនទីស្ទកម្ពុជាបានប្រារពពិធីសម្ពោធអគារសិក្សាថ្មីមួយខ្នងនៅថ្ងៃទី២៧ ខែវិច្ឆិកា ឆ្នាំ២០២៥ តាមរយៈការគាំទ្រពីមូលនិធិ David និង Marry Chow ស្ថិតនៅភូមិទួលចាន់ ឃុំតាំងក្រសាំង ស្រុកសន្ទុក ខេត្តកំពង់ធំ។ ក្នុងពិធីនោះមានវត្តមានជាគណអធិបតីពីថ្នាក់ដឹកនាំនៃបេសកកម្មអាត់វេនទីស្ទកម្ពុជា អ្នកតំណាងរដ្ឋាភិបាល អាជ្ញាធរមូលដ្ឋាន លោកគ្រូអ្នកគ្រូប្រចាំសាលា ឪពុកម្តាយសិស្សានុសិស្ស សិស្សានុសិស្ស អ្នកភូមិ និងភ្ញៀវកិត្តិយសជាច្រើននាក់ទៀតបានចូលរួមអបអរសាទរ។ប៉ាស្ទ័រ ហង្ស តារា នាយកបេសកកម្មអាត់វេនទីស្ទកម្ពុជា បានដឹកនាំការឧទ្ទិស និងថ្លែងអំណរគុណចំពោះមូលនិធិដែលបានគាំទ្រក្នុងការពង្រីកវិសាលភាពនៃសាលារៀននេះ បន្ទាប់ពីសាលាខ្វះបន្ទប់រៀនជាច្រើនឆ្នាំកន្លងហើយ។ មន្ត្រីតំណាងរដ្ឋាភិបាលបានកោតសរសើរចំពោះការបន្តអភិវឌ្ឍរបស់បេសកកម្មអាត់វេនទីស្ទកម្ពុជា ក្នុងវិស័យអប់រំតាមជនបទ និងបានលើកឡើងពីតម្លៃនៃកិច្ចសហប្រតិបត្តិការជាមួយសាលាអាត់វេនទីស្ទទួលចាន់នេះផ្ទាល់តែម្តង។ រីឯអាជ្ញាធរមូលដ្ឋានវិញក៏បានទទួលស្គាល់ចំពោះការអប់រំដែលប្រកបដោយគុណភាពរបស់សាលាថែមទៀតផងដែរ។អ្នកភូមិនៅជុំវិញសាលារៀននេះ បានសំដែងនូវការស្វាគមន៍ចំពោះសមិទ្ធផលថ្មី និងរីករាយដែលអាចមានកន្លែងបន្ថែមទៀតសម្រាប់អាចឲ្យកុមារៗបានចូលរៀនច្រើននាក់បន្ថែមទៀត។ ថ្នាក់ដឹកនាំនៃ បេសកកម្មអាត់វេនទីស្ទកម្ពុជា បានបញ្ជាក់ថា សាលានេះនឹងបន្តផ្តល់ទាំងការអប់រំទូទៅ និងការណែនាំខាងវិញ្ញាណ ក៏ដូចជាជួយសិស្សានុសិស្សឱ្យយល់ពីសេចក្តីស្រឡាញ់របស់ព្រះយេស៊ូវផងដែរ។បច្ចុប្បន្ននេះ សាលាអាត់វេនទីស្ទទួលចាន់មានគ្រូបង្រៀនចំនួន៦នាក់ កំពុងតែបម្រើការងារ និងមានសិស្សចំនួន១១៦នាក់ កំពុងតែរៀនចាប់ពីថ្នាក់មត្តេយ្យដល់ថ្នាក់ទី៥។ ជាមួយនឹងការបើកសម្ពោធអគារសិក្សាថ្មីនេះ សាលារំពឹងថានឹងទទួលបានសិស្សថ្មីៗមកចុះឈ្មោះចូលរៀនកើនឡើងថែមទៀតជាមិនខាន។ ជាពិសេសកូនៗនៃគ្រួសារជាច្រើនក្នុងសហគមន៍ដែលកំពុងតែស្វែងរកការសិក្សាអប់រំសម្រាប់កូនៗរបស់ពួកគេ។ បរិវេណសាលានៅតែបន្តផ្តោតលើការផ្តល់នូវការអប់រំប្រកបដោយគុណភាព ក៏មានរួមបញ្ចូលគុណតម្លៃរបស់គ្រីស្ទបរិស័ទទៅក្នុងការសិក្សាប្រចាំថ្ងៃដែលបង្កើតបរិយាកាសមួយជួយឲ្យមានការលូតលាស់ផ្នែកចំណេះដឹងទូទៅ និងការអភិវឌ្ឍបុគ្គលិកលក្ខណៈ ដើម្បីរៀបចំសិស្សានុសិស្សឱ្យក្លាយជាធនធានដ៏ល្អសម្រាប់អនាគតភ្លឺស្វាង។ថ្នាក់ដឹកនាំ បេសកកម្មអាត់វេនទីស្ទកម្ពុជា បានសម្តែងការដឹងគុណចំពោះមូលនិធិ David and Marry Chow ចំពោះសមិទ្ធផលនៃអគារសិក្សាថ្មីនេះដែលជួយបង្កើនបន្ទប់សិក្សាបន្ថែមដើម្បីពង្រឹងបេសកកម្មរបស់ខ្លួនក្នុងការបម្រើសហគមន៍ទាំងផ្នែកអប់រំចំណេះដឹងទូទៅ ផ្នែកសង្គម និងផ្នែកខាងវិញ្ញាណសម្រាប់អាណត្តិក្រោយៗជាបន្តទៀត។CAM Inaugurates New School Building Through Support of David and Marry Chow FoundationBy Kimseng Se | Cambodia Adventist MissionKAMPONG THOM PROVINCE, CAMBODIA — The Cambodia Adventist Mission (CAM) inaugurated a new school

  A Harvest of Blessings: Over 2,000 Baptizedand Seven Pastors Ordained in Cambodia By Kimseng Se | Cambodia Adventist Mission Under the leadership of Pastor Hang Dara, President of the Cambodia Adventist Mission (CAM), the year 2025 marks a historic season of blessing as more than 2,000 souls committed their lives to follow Jesus through baptism. This remarkable growth has inspired CAM to focus on raising and equipping strong spiritual leaders who will nurture, disciple, and guide the ever-expanding congregation.On November 1, 2025, CAM celebrated the ordination of seven pastors to the gospel ministry at the Battambang Urban Center of

ការងាររបស់ព្រះវិហារក្នុងខេត្តកំពង់ឆ្នាំងនៅតែបន្តរីកចម្រើនជាលំដាប់ ជាពិសេសក្នុងរយៈពេលពីរឆ្នាំចុងក្រោយនេះ ក្រោមការដឹកនាំប្រកបដោយការប្តេជ្ញាចិត្តខ្ពស់របស់អ្នកដឹកនាំក្រុមជំនុំ សមាជិកក្រុមជំនុំ និងបេសកកម្មអាត់វេនទីស្ទកម្ពុជា ដែលមានប៉ាស្ទ័រ ហង្ស តារា ជានាយក។ នៅឆ្នាំ២០២៥ មានសមាជិកថ្មីៗចំនួន៦៤នាក់ បានប្រកាសជាសាធារណៈទទួលយកព្រះយេស៊ូវជាព្រះអង្គសង្រ្គោះតាមរយៈពិធីបុណ្យជ្រមុជទឹក ដែលបង្ហាញពីការរីកចម្រើនខាងព្រលឹងវិញ្ញាណក្នុងខេត្តទាំងមូល។បន្ទាប់ពីការរីកចម្រើនជាបន្តបន្ទាប់កន្លងមកនេះ ព្រះជាម្ចាស់បានប្រទានពរដ៏ពិសេសមួយទៀតតាមរយៈលោក David Fam ស្ថាបនិកនៃវិទ្យាស្ថាន អេណន មានទីតាំងនៅប្រទេសម៉ាឡេស៊ី។ លោកបាន ផ្តល់នូវមូលនិធិសម្រាប់ការសាងសង់អគារព្រះវិហារថ្មីមួយ សម្រាប់ទីរួមខេត្តកំពង់ឆ្នាំង។ នៅព្រឹកថ្ងៃទី៦ ខែតុលា ឆ្នាំ២០២៥ ក្រុមជំនុំបានមកប្រមូលផ្តុំគ្នាដោយភាពរីករាយ និងអរព្រះគុណដល់ព្រះជាម្ចាស់សម្រាប់ពិធីបើកការដ្ឋានសាងសង់អគារព្រះវិហារថ្មី។ សមាជិកព្រះវិហារប្រមាណ៣០នាក់ បានចូលរួម ព្រមទាំងក្រុមការងាររបស់បេសកកម្មអាត់វេនទីស្ទកម្ពុជា ដែលដឹកនាំផ្ទាល់ដោយប៉ាស្ទ័រ ហង្ស តារា។ កម្មវិធីដ៏សោមនស្ស រីករាយនេះ បានបន្លឺសំឡេងកងរំពងដោយបទចម្រៀងសរសើរតម្កើង និងការដឹងគុណយ៉ាងស្មោះអស់ពីចិត្តចំពោះព្រះដែលទ្រង់បានឆ្លើយតបចំពោះការអធិស្ឋានដ៏យូររបស់ក្រុមជំនុំសម្រាប់ព្រះវិហារនេះ។ ប៉ាស្ទ័រ ហង្ស តារា មានប្រសាសន៍ថា៖ «ព្រះពរនេះ គឺជាលទ្ធផលចេញពីភាពស្មោះត្រង់ សាមគ្គីភាព និងការស្តាប់បង្គាប់របស់ក្រុមជំនុំចំពោះការត្រាស់ហៅរបស់ព្រះជាម្ចាស់។ ព្រះវិហារថ្មីនេះនឹងបម្រើជាកន្លែងសម្រាប់ ថ្វាយបង្គំ ប្រកបគ្នា និងបង្កើតសាវក ព្រមទាំងជួយពង្រឹងជំនឿរបស់សមាជិកក្រុមជំនុំ ក៏ដូចជាថែបំប៉នអ្នកដែលទើបតែទទួលបុណ្យជ្រមុជទឹកថ្មីផងដែរ»។អគារព្រះវិហារក្រុងកំពង់ឆ្នាំងនេះនឹងឈរជាសក្ខីភាពចំពោះភាពស្មោះត្រង់របស់ព្រះជាម្ចាស់ និងការលះបង់របស់ក្រុមជំនុំរបស់ទ្រង់ក្នុងការរួមចំណែក ដើម្បីជំរុញបេសកកម្មនៃដំណឹងល្អនៅប្រទេសកម្ពុជា។ New Church Building Marks Continued Growth of Adventist Work in Kampong Chhnang(By Kimseng Se | Cambodia Adventist Mission) The work of the Seventh-day Adventist Church in Kampong Chhnang Province continues to grow steadily, especially over the past two years under the committed leadership of local church members,

(By Kimseng Se | Cambodia Adventist Mission) More than 1,000 people were baptized following a nationwide evangelistic series in Cambodia, marking one of the second largest reaping events in the country’s Adventist history.The outreach focused the whole Cambodia which also included the Northeast, a region home to diverse ethnic communities including Kuy, Brao, Kreung, Tampuan, Phnong, Jarai, Lao, and Vietnamese minorities.Since the beginning of 2025, local workers and church members in Cambodia have a strong commitment to sharing the gospel with their relatives, friends, and neighbors. Guided by the leadership of Pastor Roger Caderma, president of the Southern Asia-Pacific Division

បេសកកម្មអាត់វេនទីស្ទកម្ពុជា បានឃើញពីឥទ្ធិពលនៃការផ្សាយដំណឹងល្អដែលដឹកនាំដោយអ្នកបម្រើការងារថ្វាយព្រះដោយស្ម័គ្រចិត្ត។ នេះជាវិធីសាស្រ្តមួយដែលលើកទឹកចិត្តដល់សមាជិកក្រុមជំនុំឱ្យចូលរួមចែកចាយសេចក្តីជំនឿរបស់ពួកគេ និងដឹកនាំអ្នកដទៃឱ្យទទួលយកព្រះយេស៊ូវគ្រីស្ទជាព្រះអង្គសង្គ្រោះសម្រាប់ពួកគេផ្ទាល់។ កម្មវិធីនេះជាផ្នែកមួយនៃគំនិតផ្តួចផ្តើមឲ្យមានការចូលរួមពីសមាជិកទាំងអស់។ បេសកកម្មអាត់វេនទីស្ទកម្ពុជា បានលើកទឹកចិត្តសមជិកគ្រប់រូបប្រើនូវរាល់ទេពកោសល្យដែលព្រះប្រទានឱ្យ ដើម្បីរួមចំណែកបំពេញកិច្ចការរបស់ព្រះវិហារនៅក្នុងសហគមន៍ និងក្រៅសហគមន៍ផងដែរ។ នៅតំបន់មួយចំនួននៃប្រទេសកម្ពុជា ដោយមិនមានគ្រូគង្វាលនោះអ្នកបម្រើការងារថ្វាយព្រះដោយស្ម័គ្រចិត្តចាំបាច់ត្រូវមានតួនាទីជាអ្នកដឹកនាំ។ អ្នកបម្រើការងារថ្វាយព្រះដោយស្ម័គ្រចិត្តទាំងនេះណែនាំសមាជិកក្រុមជំនុំក្នុងការថ្វាយបង្គំ និងការបម្រើ ដោយធានាថាកម្លាំងនៃក្រុមជំនុំរបស់ពួកគេបន្តដំណើរទៅមុខក្នុងកិច្ចបម្រើ ទោះបីជាធនធានមានកម្រិតក៏ដោយ។ លទ្ធផលនៃការខិតខំទាំងនេះគឺជាភស្តុតាងបង្ហាញយ៉ាងច្បាស់។ នៅឆ្នាំ២០២៥ មានបេក្ខជនចំនួន ២០នាក់បានធ្វើការសម្រេចចិត្តផ្លាស់ប្តូរជីវិតដើម្បីដើរតាមព្រះយេស៊ូវ ព្រមទាំងថ្វាយជីវិតរបស់ពួកគេដល់ព្រះជាម្ចាស់តាមរយៈកម្មវិធីផ្សាយដំណឹងល្អដែលដឹកនាំដោយអ្នកបម្រើការងារថ្វាយព្រះដោយស្ម័គ្រចិត្ត។ សមិទ្ធិផលនេះជាសក្ខីភាពមួយបង្ហាញពីការប្តេជ្ញាចិត្តជាសមូហភាពរបស់សមាជិកក្រុមជំនុំក្នុងការចែកចាយដំណឹងល្អ និងរៀបចំអ្នកដទៃសម្រាប់ការយាងមកវិញរបស់ព្រះគ្រីស្ទ។   មន្រ្តីបេសកកម្មអាត់វេនទីស្ទកម្ពុជា ម្នាក់បានលើកឡើងដថា៖ «សូមសរសើរតម្កើងព្រះជាម្ចាស់សម្រាប់កិច្ចខិតខំប្រឹងប្រែងរួមគ្នាក្នុងការហៅមនុស្សឱ្យងាកមករកទ្រង់នេះ»។ កម្មវិធីនេះនៅតែបន្តជំរុញទឹកចិត្តសមាជិកគ្រប់រូបឱ្យចូលរួមយ៉ាងសកម្មក្នុងការផ្សព្វផ្សាយដំណឹងល្អ ពង្រឹងក្រុមជំនុំ និងនាំមកនូវក្តីសង្ឃឹមដល់សហគមន៍របស់ពួកគេអទាំងមូល។ បេសកកម្មអាត់វេនទីស្ទកម្ពុជា នៅតែប្រកាន់ខ្ជាប់ក្នុងបេសកកម្មរបស់ខ្លួន ដោយជំរុញឱ្យសមាជិកទាំងអស់ ចូលរួមចំណែករបស់ពួកគេ ក្នុងការឈានទៅមុខសម្រាប់នគររបស់ព្រះ ស្របតាមមហាបញ្ជារបស់ព្រះយេស៊ូវ។ គម្ពីរម៉ាថាយ ២៨៖២៨-២៩ បានចែងថា៖ «ដូច្នេះ ចូរទៅបញ្ចុះបញ្ចូលឲ្យមានសិស្សនៅគ្រប់ទាំងសាសន៍ ព្រមទាំងធ្វើបុណ្យជ្រមុជទឹកឲ្យ ដោយនូវព្រះនាមព្រះវរបិតា ព្រះរាជបុត្រា និងព្រះវិញ្ញាណបរិសុទ្ធចុះ ហើយបង្រៀន ឲ្យគេកាន់តាមគ្រប់ទាំងសេចក្តី ដែលខ្ញុំបានបង្គាប់មកអ្នករាល់គ្នាផង ហើយមើល ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប។ អាម៉ែន។»Lay-Led Evangelism in Cambodia: Empowering Communities and Winning Souls for ChristThe Cambodia Adventist Mission (CAM) is witnessing the power of lay-led evangelism, a method that encourages church members to share their faith and invite others to accept Jesus Christ as their personal Savior. As part of the global Total Member