Blog – Page 2 – Cambodia Adventist Mission

មរតកនៃសេចក្តីជំនឿ [English Below] ការបន្សល់ទុកនូវមរតកនៃសេចក្តីជំនឿដល់អ្នកជំនាន់ក្រោយ គឺជារឿងដ៏សំខាន់បំផុត។ ព្រះគម្ពីរបានកត់ត្រាអំពីគំរូនៃបុគ្គលឆ្នើមៗមួយចំនួនដែលបានបន្សល់ទុកមរតកនៃសេចក្តីជំនឿសម្រាប់យើងរាល់គ្នា។ តួយ៉ាងដូចជា លោកអ័ប្រាហាំជាដើម ដែលបានបន្សល់ទុកនូវមរតកនៃសេចក្តីជំនឿតរហូតមកដល់ពួកយើងនាសម័យបច្ចុប្បន្ននេះ។ សេចក្តីជំនឿ គឺជាគ្រឹះដ៏សំខាន់បំផុតដើម្បីឱ្យឈានទៅរកជីវិតអស់កល្ប និងជាទីបន្ទាល់រស់សម្រាប់ផ្សាយដំណឹងល្អដល់គ្រប់ទីកន្លែងផងដែរ។ ប្រសិនបើគ្មានមរតកនៃសេចក្តីជំនឿនេះទេ នោះអ្វីៗពិតជាមិនអាចចំរើនលូតលាស់ និងរីកសុះសាយទៅមុខសម្រាប់មនុស្សជំនាន់ក្រោយជាបន្តបន្ទាប់ទៀតបាននោះទេ។ នៅខេត្តកំពង់ឆ្នាំង ជាតំបន់មួយដែលមានឧបសគ្គជាច្រើនក្នុងការរីកលូតលាស់សម្រាប់ពួកជំនុំ។ ប៉ុន្តែ តាមរយៈព្រះពរដ៏អស្ចារ្យរបស់ព្រះជាម្ចាស់ និងក្រោមការផ្តួចផ្តើមគំនិតផ្សាយដំណឹងល្អរបស់ប៉ាស្ទ័រ ហង្ស តារា ជានាយកមិស្សិនកម្ពុជា នោះអ្វីៗបានផ្លាស់ប្តូរគួរឱ្យកត់សម្គាល់។ កាលពីថ្ងៃទី១១-១៣ ខែឧសភា ឆ្នាំ២០២៣ លោកបានចុះទៅជាមួយក្រុមការងារ ដើម្បីអធិស្ឋានសុំអំណាចពីព្រះក្នុងការរៀបចំផែនការសម្រាប់តំបន់នេះ។ ពេលចុះទៅផ្ទាល់នោះ លោកបាននាំប្រធាននាយកដ្ឋានមួយចំនួនទៅជាមួយដែរដូចជា៖ នាយកដ្ឋានបោះពុម្ពផ្សាយ នាយកដ្ឋានសុខភាព នាយកដ្ឋានស្រ្តី និងគ្រួសារ នាយកដ្ឋានកុមារ និងនាយកដ្ឋានយុវជន ដើម្បីជួយជ្រោមជ្រែងដល់អ្នកដឹកនាំនៅទីនោះ ក៏ដូចជារៀបចំគម្រោងក្នុងការបំពេញពន្ធកិច្ចថ្វាយព្រះជាម្ចាស់។ គួររំឭកថា លោកគ្រូ ពេជ្រ ចន្ថា ត្រូវបានព្រះត្រាស់ហៅឱ្យបម្រើការងារនៅទីនោះក្នុងនាមជាប៉ាស្ទ័រ។ ហើយនេះគឺជាប្រវត្តិសាស្រ្តទីមួយដែលនាយកដ្ឋានបានសហការគ្នាយ៉ាងល្អទៅតាមផ្នែកនីមួយៗរៀងៗខ្លួនក្នុងការជួយដល់ថ្នាក់ដឹកនាំខេត្តកំពង់ឆ្នាំងផ្ទាល់ក្រោមការណែនាំរបស់នាយកមិស្សិនកម្ពុជា។ ក្នុងនេះក៏មានការចូលរួមសម្របសម្រួលពីប៉ាស្ទ័រ ម៉ៅ រឿន ដែលលោកមានចំណែកក្នុងការទទួលបន្ទុកផ្នែកការផ្សាយដំណឹងល្អតាមក្រុមតូចនៅទូទាំងប្រទេស។ លទ្ធផលក៏មានកម្មវិធីផ្សាយដំណឹងល្អមួយបានរៀបចំឡើងដូចបានគ្រោងទុកតាំងពីដើមឆ្នាំមកស្រាប់ដោយទទួលបានបេក្ខជនចំនួន២០នាក់ទទួលបុណ្យជ្រមុជទឹក។ ការចំណាយសម្រាប់កម្មវិធីផ្សាយដំណឹងល្អនេះត្រូវបានជួយជ្រោមជ្រែងដោយនាយកមិស្សិន រួមជាមួយអ្នកគ្រូ ប៊ុន សុខម ប្រធាននាយកដ្ឋានបោះពុម្ពផ្សាយ និងនាយកដ្ឋានសុខភាព។ ព្រះទ្រង់ក៏ប្រទានពរទាំងគំនិតប្រាជ្ញា ទាំងផលផ្លែ ទាំងយុត្តិសាស្រ្ត និងថវិការសម្រាប់កម្មវិធីទាំងមូល នៅពេលណាយើងមានការរួមគ្នារវាងថ្នាក់ដឹកនាំតំបន់ជាមួយរដ្ឋបាលមិស្សិន ក៏ដូចជាមួយនឹងនាយកដ្ឋាននានា។ នេះជាទីបន្ទាល់សម្រាប់គ្រប់គ្នា លោកគ្រូ ពេជ្រ ចន្ថា តែងតែមានការព្រួយបារម្ភថា តើត្រូវធ្វើយ៉ាងណាដើម្បីនាំមនុស្សមកថ្វាយព្រះ។ ប៉ុន្តែ ក្រោមការសហការគ្នា និងភាពស្មោះត្រង់ នោះព្រះបានប្រទានពរយ៉ាងអស្ចារ្យដែលបង្ហាញថា សម្រាប់ព្រះ គឺគ្មានអ្វីអាចមករារាំងទ្រង់បានឡើយ។ ដ្បិតគម្ពីរលូកា ១៦៖១០ ចែងថា៖ «អ្នកណាដែលស្មោះត្រង់ក្នុងការតូចបំផុត នោះក៏ឈ្មោះថា ស្មោះត្រង់ក្នុងការធំ ហើយអ្នកណាដែលទុច្ចរិតក្នុងការតូចបំផុត នោះក៏ឈ្មោះថាទុច្ចរិតក្នុងការដ៏ធំដែរ»។ ដូច្នេះ ដរាបណាយើងបម្រើព្រះដោយភាពស្មោះត្រង់ ទោះបីជាការតូចបំផុតក្តី នោះទ្រង់នឹងប្រទានពរឱ្យមានមរតកនៃសេចក្តីជំនឿនេះ ទុកដូចជាគ្រាប់ពូជនៃដំណឹងល្អដល់អ្នកជំនាន់ក្រោយៗជាបន្តទៀត ប្រយោជន៍ឱ្យផលផ្លែនៃដំណឹងល្អបានរីកចម្រើនបន្តទៅមុខឥតឈប់ឈរ។ Inheritance of FaithThe most essential thing is to leave a faith legacy to the future generation. The Bible has instances of outstanding people who left a legacy of faith for us to follow. Like Abraham, who left us a legacy of faith today.Faith is the most crucial foundation for everlasting life and a living witness for conversion throughout all of humanity. Without this legacy of faith, the next generation would not have been able to succeed.Kampong Chhnang is a challenging setting for the church to grow within. Things have changed tremendously, thanks to God's wonderful blessing and the evangelistic initiative of Pastor Hang Dara, president of Cambodia Adventist Mission. On May 11-13, 2023, he travelled with the team to pray for God's guidance in this area. During his visit, he took with him the directors of several departments, such as the Publishing Department, the Health Department, the Women and Family Department, the Children and Youth Department, and the Department of Children and Youth, to support the leaders there and to set plans for God's work.It should be pointed out that Mr. Pich Chantha was called by God to serve as a pastor there. And this is the first time that the departments have worked together to assist the leadership of Kampong Chhnang under the supervision of the president of CAM. Pastor Mao Roeun, who was in charge of small-group evangelism throughout the country, coordinated the effort. As a result, an evangelistic program was organized as plan laid from the beginning of the year, and 20 candidates were baptized.The director, Mrs. Bun Sokhom, Director of Publishing, and the Health Department all contribute to the cost of this evangelistic program. God blesses with the wisdom, the outcome, the strategies, and the budget for the entire program when the local leaders and the mission administration, as well as the departments, work together.This is a testimony for everyone, Mr. Pich Chantha is always concerned about how to bring people to God. But, because of their collaboration and dedication to God, God has bestowed enormous blessings, demonstrating that nothing is impossible for God. uke 16:10 “Whoever can be trusted with very little can also be trusted with much, and whoever is dishonest with very little will also be dishonest with much.”Therefore, as long as we serve God faithfully, even in the tiniest way, He will bless this inheritance of faith, like the seed of the gospel, for generations to come, enabling the fruits of the gospel to flourish and multiply.

មរតកនៃសេចក្តីជំនឿ

The Work of Small Groups Evangelism

គ្រាប់ពូជដំណឹងល្អតាមរយៈកិច្ចការនៃក្រុមតូច លទ្ធផលនៃកិច្ចការផ្សាយដំណឹងល្អតាមរយៈក្រុមតូច គឺជាព្រះពរសម្រាប់មិស្សិនកម្ពុជា។ ជាក់ស្តែងនៅក្នុងអំឡុងខែវិច្ឆិកា ឆ្នាំ២០២២នេះ នៅទូទាំងមិស្សិនកម្ពុជាមានការប្រារពពិធីចម្រូតនៃការងារក្រុមតូចៗនៅតាមតំបន់នានា។ ជាលទ្ធផលយ៉ាងហោចណាស់មកដល់ពេលនេះយើងទទួលបានបងប្អូនចំនួនប្រមាណជាង២៤០នាក់បានសំរេចចិត្តទទួលព្រះយេស៊ូវជាព្រះអង្គសង្រ្គោះតាមរយៈពិធីបុណ្យជ្រមុជទឹក។ យើងខ្ញុំតំណាងឱ្យមិស្សិនកម្ពុជា សូមសំដែងនូវការកោតសរសើរ និងសូមថ្លែងអំណរគុណដល់ប៉ាស្ទ័រ អ្នកដាំក្រុមជំនុំ ប្រធានតំបន់ ប្រធានព្រះវិហារ លោកគ្រូ អ្នកគ្រូ សមាជិកក្រុមជំនុំ និងលោកអ្នកបងប្អូនដែលបានចូលរួមចំណែកសម្រាប់កិច្ចការបម្រើព្រះជាម្ចាស់នៃយើងយ៉ាងអស់ពីកំលាំងកាយចិត្តក្នុងការចេញទៅផ្សាយដំណឹងល្អ។ គួឱ្យកត់សម្គាល់ផងដែរថា កិច្ចការនៃការផ្សាយដំណឹងល្អតាមរយៈក្រុមតូចនេះ បានផ្តួចផ្តើមគំនិតមកពីថ្នាក់ញូញានថ្មីរបស់យើង។ លទ្ធផលបង្ហាញថា យុទ្ធសាស្ត្រនេះយើងអាចទទួលបាននូវព្រះពរជាទីគាប់ចិត្តដោយបានឃើញគ្រាប់ពូជនៃដំណឹងល្អបានចាក់ឫស្ស និងដុះជាពន្លកឡើងនៅក្នុងជីវិតរបស់បងប្អូនជាច្រើននាក់ដែលទើបតែបានទទួលបុណ្យជ្រមុជទឹកនាពេលថ្មីៗកន្លងមកនេះ។ ដោយឡែកមិស្សិនកម្ពុជាក៏បានយកចិត្តទុកដាក់ចំពោះបងប្អូនជនជាតិភាគតិចនៅភូមិភាគឥ្ឍសានដែលដំណឹងល្អមិនបានទាន់បានចូលទៅដល់ទូលំទូលាយនៅឡើយ។ តាមរយៈកិច្ចការនៃការផ្សាយដំណឹងល្អតាមក្រុមតូចនេះ នោះមានបងប្អូននៅតំបន់ភូមិភាគឥ្ឍសានចំនួនជាង៥០នាក់បានទទួលបុណ្យជ្រមុជទឹក ក្នុងការប្តេចជ្ញាចិត្តដើម្បីដើរតាមព្រះយេស៊ូវនៅក្នុងជីវិតរបស់ពួកគេផងដែរ។ The Work of Small Groups Evangelism The outcomes of Small Groups Evangelism have been a blessing to the Cambodia Adventist Mission. In fact, throughout Cambodia in November 2022, … Continued

Special Visit from SSD and SEUM

នៅថ្ងៃទី១៣ ខែកញ្ញា ឆ្នាំ២០២២ មន្ត្រី និងបុគ្គលិកមិសិនអាត់វេនទីស្ទកម្ពុជាមានកិត្តិយសក្នុងការចេញដំណើរទៅទទួលស្វាគមន៍ប៉ាស្ទ័រ រ៉ូជ័រ ខាឌឺរម៉ា ប្រធានភូមិភាគអាស៊ីប៉ាស៊ីហ្វិកខាងត្បូង(SSD) និងភរិយារបស់លោកនៅឯអាកាសយានដ្ឋានអន្តរជាតិភ្នំពេញ។ គោលបំណងនៃដំណើរទស្សនកិច្ចនេះដោយប៉ាស្ទ័រ ខាឌឺរម៉ា គឺដើម្បីចូលរួមសិក្ខាសាលាស្តីអំពីកិច្ចការងារបោះពុម្ភសៀវភៅក្រោមថ្នាក់ភូមិភាគ(SSD) និង ញូរញៀននៅខេត្តសៀមរាបប្រទេសកម្ពុជាចាប់ពីថ្ងៃទី១៣-១៨ ខែកញ្ញា ឆ្នាំ២០២២។ ទោះបីជាស្ថិតក្នុងពេលដ៏មមាញឹកនៃកិច្ចប្រជុំនេះក៏ដោយ នាថ្ងៃទី១៥ ខែកញ្ញា ឆ្នាំ២០២២ ប៉ាស្ទ័រ រ៉ូជ័រ ខាឌឺរម៉ា បានឆ្លៀតពេលជាមួយនឹងប្រធានថ្នាក់ញូរញៀន(SEUM) ប៉ាស្ទ័រ សុមឆៃ ឈូនជិត ក្នុងការរួមដំណើរទៅទស្សនកិច្ចនៅមជ្ឈមណ្ឌល COI នៅខេត្តបាត់ដំបង។ ប៉ាស្ទ័រ ស្ស៊ីន យ៉ុង ឈុន ដែលជានាយកមជ្ឈមណ្ឌលមជ្ឈមណ្ឌល COI បានដឹកនាំដំណើរទស្សនកិច្ច និងការណែនាំដល់ភ្ញៀវពិសេសរបស់យើងអំពីអគារ បុគ្គលិក និងការងារដែលកំពុងតែដំំណើរការនាពេលបច្ចុប្បន្ននេះ ដូចជា៖ ភោជនីយដ្ឋានបួស សាលាភាសា សាលាតន្ត្រី កន្លែងហាត់ប្រាណកាយសម្បទា សុខភាព និងឱកាសការងារដែលផ្តល់ជូនសិស្សានុសិស្សសម្រាប់កម្មវិធីក្រៅម៉ោង និងអាហារូបករណ៍របស់ពួកគេ។ លោកប្រធានថ្នាក់ដឹកនាំទាំងពីររូបមានសេចក្តីអំណររីករាយនឹងការងារដែលកំពុងតែដំណើរការទៅមុខជាបន្តក្រោយពេលដែលការឆ្លងរីករាលដាលនៃជំងឺ កូវីដ១៩ ត្រូវបានអន់ថយទៅ ហើយលោកទាំងពីរក៏បានសម្តែងការកើតសរសើរចំពោះការប្តេជ្ញាចិត្តដ៏ស្មោះត្រង់ និងកិច្ចខិតខំប្រឹងប្រែងទៅកាន់បុគ្គលិកការងារទាំងអស់ក្រោមការដឹកនាំរបស់ប៉ាស្ទ័រ ស្ស៊ីន យ៉ុង … Continued

Policy

WHO WE ARE? We are the Cambodia Adventist Mission. Our website address is: https://adventistsarawak.org. COMMENTS When visitors leave comments on the site we don’t collect any data or visitor’s IP address and browser user agent string to help spam detection shown in the comments form. MEDIA We use only mages on our website…

សិក្ខាសាលាអំពីការថែរក្សាព្រទ្យសម្បត្តិរបស់ព្រះ

កាលពីថ្ងៃទី៣ ខែកញ្ញា ឆ្នាំ២០២២ មានកម្មវិធីសិក្ខាសាលាអំពីការថែរក្សាព្រទ្យសម្បត្តិរបស់ព្រះត្រូវបានរៀបចំឡើងនៅព្រះវិហារសេវេនដេយ៍អាត់វេនទីស្ទក្រុងបាត់ដំបង ដែលមានអ្នកចូលរួមចំនួនប្រមាណជា៥០នាក់មកពីទូទាំងខេត្តបាត់ដំបង។ដោយមានការសហការជាប៉ាស្ទ័រប្រចាំខេត្តបាត់ដំបងគឺ លោក ម៉ែន ម៉ាក់ណា ជាមួយនិងប៉ាស្ទ័រ លឹម ផេង ជាប្រធាននាយកដ្ឋានសាប្បាតហ៍ស្គូល នាយកដ្ឋានថែរក្សារទ្រព្យសម្បត្តិរបស់ព្រះ និងនាយកដ្ឋានផ្សាយដំណឹងល្អ ប្រចាំនៅញូញានថ្មី (SEUM) បានរៀបចំថ្នាក់សិក្ខាសាលាមួយនេះឡើងក្នុងគោលបំណងលើកទឹកចិត្តដល់ក្រុមជំនុំក្នុងការរៀបចំផែនការឱ្យបានត្រឹមត្រូវសម្រាប់ថ្វាយដង្វាយសទ្ធាថ្វាយព្រះជាម្ចាស់។បន្ទាប់ពីបានបញ្ចប់វគ្គសិក្ខាសាលានេះរួចមក សិក្ខាកាមមួយចំនួនបានបង្ហើបប្រាប់ប៉ាស្ទ័រប្រចាំខេត្តបាត់ដំបងថា៖ ពួកគេសប្បាយរីករាយដោយបានរៀននូវមេរៀនថ្មីៗ ជាពិសេសបានដឹង និងបានយល់អំពីរបៀបរៀបចំគម្រោងក្នុងការដាក់ដង្វាយថ្វាយដល់ព្រះឱ្យបានត្រឹមត្រូវ និងទៀងទាត់ថែមទៀតផង។A seminar on stewardship was held in the Battambang Seventh-day Adventist Church on September 3, 2022, and around 50 people from the entire province of Battambang participated.Director of Sabbath School, Stewardship, and Personal Ministry…

សិក្ខាសាលាផ្នែកស្ត្រី

កាលថ្ងៃទី២-៣ ខែកញ្ញា ឆ្នាំ២០២២ កន្លងទៅនេះ នាយកដ្ឋានស្រ្តីនិងគ្រួសាររបស់មិសិនកម្ពុជាដែលបានដឹកនាំដោយអ្នកគ្រូប្រាក់ ច័ន្ទសុភ័ក្រ្ត បានរៀបចំកម្មវិធីបណ្តុះបណ្តាលផ្នែកគ្រួសារ និងស្រ្តី ដែលមានប្រធានបទស្តីអំពី ភាពជាអ្នកដឹកនាំ តួនាទីនិងទំនួលខុសត្រូវរបស់ប្រធាននាយកដ្ឋានស្រ្តី និងគ្រួសារ។បន្ថែមពីនេះផងដែរ ក៏មានការចែកចាយពិភាក្សាពីបទពិសោធន៍ និងបញ្ហាដែលស្រ្តី និងគ្រួសារបានជួបប្រទះនៅតាមតំបន់នីមួយៗ។ វគ្គបណ្តុះបណ្តាលនេះគឺបានបង្រៀនដោយប្រធាននាយកដ្ឋានស្ត្រី និងគ្រួសារដែលបានអញ្ញើញមកពីយូញ្ញានប្រទេសថៃគឺ អ្នកស្រី ភួងម៉ាឡា។នៅក្នុងនោះដែរក៏មានការចូលរួមសិក្សាពីប្រធាននាយកដ្ឋានស្ត្រីនិងគ្រួសារប្រចាំតំបន់តាមខេត្តផ្សេងៗមួយចំនួនក៏ដូចជានៅក្នុងតំបន់ភ្នំពេញដែលមានចំនួន ៤០នាក់។ វគ្គបណ្តុះបណ្តាលនេះបានបញ្ចប់ទៅដោយសេចក្តីអំណរ និងព្រះពរមកពីព្រះ ដោយប្រធានស្រ្តីតាមតំបន់នីមួយៗបានទទួលយក និងយល់ដឹងបន្ថែមពីតួនាទី និងទំនូលខុសត្រូវរបស់គាត់ និងវិធីសាស្រ្តក្នុងការជួយក្នុងព័ន្ធកិច្ចបម្រើព្រះតាមតំបន់រៀងៗខ្លួន។Taking place on September 1-2, 2022, the Family and Women Training Program on Leadership, Roles, and Responsibilities was arranged by the Department of Women and Family of the Cambodia Adventist…

កម្មវិធីបំបួសប៉ាស្ទ័រ

កម្មវិធីបំបួសប៉ាស្ទ័រប៉ាស្ទ័រចំនួន៥នាក់បានទទួលពិធីបំបួសនៅថ្ងៃទី០៦ ខែសីហា ឆ្នាំ២០២២ ដោយលោកប៉ាស្ទ័រ Wandell Mandolang SSD Executive Secretary, Pr. Rudi Situmorang SSD Ministerial Association, Pr. Nipitpon SEUM Ministerial Association។ កម្មវិធីនេះបានប្រារព្ធធ្វើឡើងនៅឯមណ្ឌលហ្វឹកហ្វឺនព្រះគម្ពីរភ្នំពេញ ក្រោមការរៀបចំដោយប៉ា្ទស័រ ហង្ស តារា ជានាយកបេសកកម្មអាត់វេនទីស្ទកម្ពុជា។ នៅក្នុងកម្មវិធីដ៏ពិសិទ្ធនេះ ក៏មានការអញ្ជើញចូលរួមពីសំណាក់ក្រុមជំនុំព្រះវិហារនៅតំបន់ភ្នំពេញទាំងមូល ប្រធានតំបន់ ប៉ាស្ទ័រ ព្រមទាំងភរិយានៅទូទាំងប្រទេសផងដែរ។ប៉ាស្ទ័រដែលបានបំបួសរួចហើយរហូតមកដល់ពេលបច្ចុប្បន្ននេះមានចំនួន១០នាក់ ដែលបេសកកម្មអាត់វេនទីស្ទកម្ពុជាបានធ្វើពិធីបំបួសឱ្យ។ ពេលនេះបេសកកម្មអាត់វេនទីស្ទកម្ពុជាមានចំនួនប៉ាស្ទ័រដែលបំបួសរួចបន្ថែមទៀតក្នុងការចេញទៅបំពេញការងារផ្សាយដំណឹងល្អដល់មនុស្សគ្រប់គ្នា ក៏ដូចជាប្រារព្ធពិធីនានា បានទាំងអស់នៅក្នុងពួកជំនុំផងដែរ។Pastor Wandell Mandolang SSD Executive Secretary, Pr. Rudi Situmorang SSD Ministerial Association, and Pr. Nipitpon SEUM Ministerial Association ordained five pastors on…

ក្តីសង្ឃឹមចុងក្រោយ

ក្តីសង្ឃឹមចុងក្រោយ នៅព្រឹកថ្ងៃទី២៥ ខែសីហា ឆ្នាំ២០២២ ការិយាល័យបេសកកម្មសេវេនដេយ៍អាត់វេនទីស្ទកម្ពុជាបានធ្វើពិធីអធិដ្ឋានថ្វាយសៀវភៅចំនួន១៥០០ក្បាលដែលមានចំណងជើងថា៖ «ក្តីសង្ឃឹមចុងក្រោយ»។ ការរៀបចំធ្វើពិធីដ៏ពិសិទ្ធនេះឡើង គឺក្នុងគោលបំណងសុំឱ្យព្រះបានគង់នៅជាមួយនឹងសារដ៏សំខាន់ៗទាំងឡាយដែលមាននៅក្នុងមេរៀនទាំងប្រាំមួយនៅក្នុងសៀវភៅនេះ។ មេរៀនទាំងប្រាំមួយនេះរួមមាន៖ ទី១- ទ្រឹស្តីធំៗទាំងបី ទី២-ទេវតាមនុស្ស ទី៣-ចូរកោតខ្លាចដល់ព្រះ ទី៤-ពេលវេលានៃការជំនុំជម្រះរបស់ព្រះអង្គ ទី៥-ក្នុងរវាង៦ថ្ងៃ និងទី៦-បាប៊ីឡូនបានរលំហើយ។តាមរយៈអំណាចរបស់ព្រះជាម្ចាស់ សៀវភៅនេះនឹងជួយឱ្យមនុស្សគ្រប់គ្នាបានយល់អំពីសេចក្តីពិតសម្រាប់ពេលបច្ចុប្បន្ននេះ។ សេចក្តីពិតបច្ចុប្បន្ន គឺជាសាររបស់ព្រះដែលទ្រង់ចង់ប្រកាសប្រាប់មនុស្សគ្រប់គ្នាឱ្យបានដឹង និងទទួលយកនៅពេលឥឡូវនេះជាបន្ទាន់។ ពួកជំនុំនៃព្រះវិហារសេវេនដេយ៍អាត់វេនទីស្ទ ក៏កំពុងតែផ្តោតយ៉ាងសំខាន់ចំពោះសារនេះជាខ្លាំងផងដែរនៅសម័យចុងក្រោយនេះ ព្រមទាំងប្រកាសប្រាប់គ្រប់គ្នាឱ្យទទួលយកការត្រាស់ហៅរបស់ព្រះជាម្ចាស់មុនដែលហួសពេល។The Final Hope DedicationThe Cambodia Adventist Mission hosted a dedication ceremony for 1,500 booklets titled “The Final Hope” on August 25, 2022. The goal of this secret rite is to ask God to … Continued

ចុះជួបសំណេះសំណាល

កាលពីថ្ងៃទី១៧ ខែឧសភា ឆ្នាំ២០២២ កន្លងទៅនេះក្រុមការងារពីថ្នាក់មិសិនកម្ពុជាដែលដឹកនាំដោយ ប៉ាស្ទ័រ ហង្ស តារា បានចុះជួបសំណេះសំណាលជាមួយលោកគ្រូ អ្នកគ្រូ និងបុគ្គលិកនៃសាលារីស្តរវ័ន ដែលមានទីតាំងស្ថិតនៅភូមិតាប្រុក ឃុំឈូកខ្សាច់ ស្រុកបារាយណ៍ ខេត្តកំពុងធំ។ សាលារៀនរីស្តរវ័នមានបង្រៀនចាប់ពីថ្នាក់មត្តេយ្យសិក្សា រហូតដល់ថ្នាក់មធ្យមសិក្សា (ថ្នាក់ទី១២)។ បច្ចុប្បន្ននេះមានសិស្សានុសិស្សចំនួន១៨៥នាក់ ដែលបានមករៀនរយៈពេល៦ម៉ោងកន្លះក្នុងមួយថ្ងៃៗ ចាប់ពីថ្ងៃច័ន្ទរហូតដល់ថ្ងៃសុក្ររាងរាល់សប្តាហ៍។ ដោយបានឃើញការខិតខំប្រឹងប្រែង ព្រមទាំងភាពជោគជ័យរបស់សាលា នោះថ្នាក់ដឹកនាំរបស់មិសិនកម្ពុជាដែលដឹកនាំដោយ ប៉ាស្ទ័រ ហង្ស តារា បានចុះទៅជួបសំណេះសំណាលក្នុងគោលបំណងសួរសុកទុក្ខ និងស្វែងយល់អំពីកិច្ចការរបស់សាលាផងដែរ។ សាលារីស្តរវ័នជាចំណែកមួយដ៏សំខាន់ក្នុងការជួយដល់សហគមន៍ ជាពិសេសជួយផ្តល់នូវការអប់រំដល់ ប្អូនៗសិស្សានុសិស្សដែលជាទំពាំងស្នងឫស្សីសម្រាប់សង្គម និងប្រទេសជាតិនៅពេលអនាគត។ នៅចុងបញ្ចប់នៃការជួបសំណេះសំណាលនេះ ក្រុមការងារពីថ្នាក់មិសិនកម្ពុជាបានអធិស្ឋានជូនដល់លោកគ្រូ អ្នកគ្រូ បុគ្គលិក ព្រមទាំងសិស្សានុសិស្សគ្រប់គ្នាអោយទទួលបាននូវព្រះពរពីព្រះជាម្ចាស់ ដើម្បីបន្តចូលរួមជាចំណែកក្នុងការអភិវឌ្ឈន៍សង្គម ក៏ដូចជាការផ្សាយដំណឹងល្អផងដែរ។

ការងារសាងសង់សាលារៀន

កាលពីថ្ងៃទី១៧ ខែឧសភា ឆ្នាំ២០២២ កន្លងទៅនេះក្រុមការងារពីថ្នាក់មិសិនកម្ពុជាដែលដឹកនាំដោយ ប៉ាស្ទ័រ ហង្ស តារា បានចុះទៅពនិត្យមើលនូវការងារសាងសង់សាលារៀនមួយខ្នងមានបីបន្ទប់ដែលស្ថិតនៅភូមិទួលចាន់ ឃុំតាំងក្រសាំង ស្រុកសន្ទុក ខេត្តកំពង់ធំ។ សាលារៀននេះបានបញ្ចុះបឋមសិលាសាងសង់នៅថ្ងៃទី២៤ ខែមករា ឆ្នាំ២០២២។ រហូតមកដល់ពេលនេះយើងបានការសាងសង់បានរួចរាល់ប្រមាណជា៧០%។ ទៅតាមគំរោងសាលានេះអាចនឹងសំម្ពោធបើកអោយប្រើប្រាស់នៅក្នុងខែសីហា ឆ្នាំ២០២២ខាងមុខនេះ។