Blog – Cambodia Adventist Mission

ប៉ាស្ទ័រ នឿម វណ្ណៈ អគ្គលេខាធិការបេសកកម្មអាត់វេនទីស្ទកម្ពុជា បានដឹកនាំវគ្គបណ្តុះបណ្តាលនេះ។ លោកបានពន្យល់ពីគោលបំណងរបស់ NDR-IEL និងបានលើកទឹកចិត្តដល់សិក្ខាកាមឱ្យបង្កើតផែនការជាក់ស្តែង ដើម្បីពង្រឹងសមាជិក និងជួយខាងព្រលឹងវិញ្ញាណឱ្យបានរឹងមាំនៅក្នុងព្រះវិហាររបស់ពួកគេ។

វគ្គបណ្តុះបណ្តាលនេះបានសង្កត់ធ្ងន់ថា ព្រះវិហារគួរតែថែបំប៉នសមាជិករបស់ខ្លួនជាមុនសិន មុននឹងពង្រីកកិច្ចការផ្សាយដំណឹងល្អទៅកាន់សហគមន៍។ សិក្ខាកាមបានពិភាក្សាគ្នាអំពីរបៀបដែលសមាជិកក្រុមជំនុំអាចឆ្លុះបញ្ចាំងពីសេចក្តីស្រឡាញ់ អត្តចរិត និងសារនៃដំណឹងល្អរបស់ព្រះយេស៊ូវតាមរយៈជីវិតរស់នៅប្រចាំថ្ងៃរបស់ពួកគេ។

ប៉ាស្ទ័រ នឿម វណ្ណៈ បានលើកទឹកចិត្តដល់ថ្នាក់ដឹកនាំព្រះវិហារឱ្យបន្តយកចិត្តទុកដាក់ខ្ពស់ចំពោះសមាជិកដែលទើបតែទទួលបុណ្យជ្រមុជទឹកថ្មីៗ និងផ្សារភ្ជាប់ទំនាក់ទំនងឡើងវិញជាមួយសមាជិកដែលបានឃ្លាតឆ្ងាយពីព្រះវិហារ។ លោកបានរំលឹកដល់សិក្ខាកាមថា ពិធីបុណ្យជ្រមុជទឹក គឺគ្រាន់តែជាការចាប់ផ្តើមនៃដំណើរជំនឿរបស់សមាជិកថ្មីៗប៉ុណ្ណោះ មិនមែនជាចំណុចបញ្ចប់នៃការទទួលខុសត្រូវរបស់ព្រះវិហារចំពោះពួកគេនោះឡើយ។

ប៉ាស្ទ័រ នឿម វណ្ណៈ បានមានប្រសាសន៍ថា៖ «ព្រះបានត្រាស់ហៅគ្រប់ព្រះវិហារទាំងអស់ឱ្យបន្តកិច្ចការបង្កើតសាវក។ រីឯសមាជិកក៏ត្រូវចូលរួមគាំទ្រ ដើម្បីរីកចម្រើនក្នុងជំនឿ រក្សាការភ្ជាប់ទំនាក់ទំនងជាមួយព្រះគ្រីស្ទ និងចូលរួមយ៉ាងក្នុងបេសកកម្មរបស់ទ្រង់ផងដែរ»។

វគ្គបណ្តុះបណ្តាលនេះបានលើកទឹកចិត្តដល់ថ្នាក់ដឹកនាំទូទាំងខេត្តឱ្យបម្រើព្រះដោយស្មោះត្រង់ ថែបំប៉ន សមាជិកព្រះវិហារ និងចូលរួមបង្កើតសាវកសម្រាប់ព្រះយេស៊ូវទៀតផង។

Siem Reap Church Leaders Receive Training on Nurture and Discipleship

By, Kimseng Se | Cambodia Adventist Mission

SIEM REAP, Cambodia — Church planters, Bible workers and local church leaders from the Siem Reap Province gathered on June 18, 2026, for a full-day NDR-IEL training focused on member nurture, discipleship and spiritual growth.

Pastor Noeum Vannak, Cambodia Adventist Mission executive secretary, led the training. He explained the purpose of NDR-IEL and encouraged participants to develop practical plans that strengthen members and build a solid spiritual foundation in their churches.

The training emphasized that churches should nurture their members before expanding outreach efforts in the community. Participants discussed how believers can reflect the love, character, and message of Jesus through their daily lives.

Pastor Noeum Vannak encouraged church leaders to provide intentional care for newly baptized members and reconnect with members who have become inactive. He reminded participants that baptism marks the beginning of a believer’s journey of faith rather than the end of the church’s responsibility.

“Every church is called to continue the work of discipleship,” Pastor Noeum Vannak said. “Members need support as they grow in faith, remain connected to Christ and become active in His mission.”

The training encouraged leaders across the province to serve faithfully, strengthen church members and help make disciples for Jesus.

ថ្នាក់ដឹកនាំព្រះវិហារនៅខេត្តសៀមរាបទទួលបានការបណ្តុះបណ្តាលអំពីការថែបំប៉នក្រុមជំនុំ និងការបង្កើតសាវក

អ្នកដាំក្រុមក្រុមជំនុំ អ្នកផ្សាយដំណឹងល្អ និងថ្នាក់ដឹកនាំព្រះវិហារក្នុងខេត្តសៀមរាប បានមកជួបជុំគ្នាកាលពីថ្ងៃទី១៨ ខែមិថុនា ឆ្នាំ២០២៦ ដើម្បីចូលរួមវគ្គបណ្តុះបណ្តាល NDR-IEL ពេញមួយថ្ងៃ ដែលផ្តោតលើការថែបំប៉នក្រុមជំនុំ ការបង្កើតសាវក និងការរីកចម្រើនផ្នែកខាងព្រលឹងវិញ្ញាណ។ ប៉ាស្ទ័រ នឿម វណ្ណៈ អគ្គលេខាធិការបេសកកម្មអាត់វេនទីស្ទកម្ពុជា បានដឹកនាំវគ្គបណ្តុះបណ្តាលនេះ។ លោកបានពន្យល់ពីគោលបំណងរបស់ NDR-IEL និងបានលើកទឹកចិត្តដល់សិក្ខាកាមឱ្យបង្កើតផែនការជាក់ស្តែង ដើម្បីពង្រឹងសមាជិក និងជួយខាងព្រលឹងវិញ្ញាណឱ្យបានរឹងមាំនៅក្នុងព្រះវិហាររបស់ពួកគេ។ វគ្គបណ្តុះបណ្តាលនេះបានសង្កត់ធ្ងន់ថា ព្រះវិហារគួរតែថែបំប៉នសមាជិករបស់ខ្លួនជាមុនសិន មុននឹងពង្រីកកិច្ចការផ្សាយដំណឹងល្អទៅកាន់សហគមន៍។ សិក្ខាកាមបានពិភាក្សាគ្នាអំពីរបៀបដែលសមាជិកក្រុមជំនុំអាចឆ្លុះបញ្ចាំងពីសេចក្តីស្រឡាញ់ អត្តចរិត និងសារនៃដំណឹងល្អរបស់ព្រះយេស៊ូវតាមរយៈជីវិតរស់នៅប្រចាំថ្ងៃរបស់ពួកគេ។ ប៉ាស្ទ័រ នឿម វណ្ណៈ បានលើកទឹកចិត្តដល់ថ្នាក់ដឹកនាំព្រះវិហារឱ្យបន្តយកចិត្តទុកដាក់ខ្ពស់ចំពោះសមាជិកដែលទើបតែទទួលបុណ្យជ្រមុជទឹកថ្មីៗ និងផ្សារភ្ជាប់ទំនាក់ទំនងឡើងវិញជាមួយសមាជិកដែលបានឃ្លាតឆ្ងាយពីព្រះវិហារ។ លោកបានរំលឹកដល់សិក្ខាកាមថា ពិធីបុណ្យជ្រមុជទឹក គឺគ្រាន់តែជាការចាប់ផ្តើមនៃដំណើរជំនឿរបស់សមាជិកថ្មីៗប៉ុណ្ណោះ មិនមែនជាចំណុចបញ្ចប់នៃការទទួលខុសត្រូវរបស់ព្រះវិហារចំពោះពួកគេនោះឡើយ។ ប៉ាស្ទ័រ នឿម វណ្ណៈ បានមានប្រសាសន៍ថា៖ «ព្រះបានត្រាស់ហៅគ្រប់ព្រះវិហារទាំងអស់ឱ្យបន្តកិច្ចការបង្កើតសាវក។ រីឯសមាជិកក៏ត្រូវចូលរួមគាំទ្រ ដើម្បីរីកចម្រើនក្នុងជំនឿ រក្សាការភ្ជាប់ទំនាក់ទំនងជាមួយព្រះគ្រីស្ទ និងចូលរួមយ៉ាងក្នុងបេសកកម្មរបស់ទ្រង់ផងដែរ»។ វគ្គបណ្តុះបណ្តាលនេះបានលើកទឹកចិត្តដល់ថ្នាក់ដឹកនាំទូទាំងខេត្តឱ្យបម្រើព្រះដោយស្មោះត្រង់ ថែបំប៉ន សមាជិកព្រះវិហារ និងចូលរួមបង្កើតសាវកសម្រាប់ព្រះយេស៊ូវទៀតផង។ Siem Reap Church…

កម្មវិធីកុមារ និងស្ត្រីនៅតាមសហគមន៍ខេត្តកំពង់ធំ

កម្មវិធីកុមារ និងស្ត្រីនៅតាមសហគមន៍ខេត្តកំពង់ធំដោយលោក៖ សែ គឹមសេង | បេសកកម្មអាត់វេនទីស្ទកម្ពុជា មានកុមារប្រមាណជាង ២០០នាក់ បានចូលរួមក្នុងកម្មវិធីទិវាកុមារ និងទិវាស្ត្រី នៅក្នុងសហគមន៍នៃខេត្តកំពង់ធំ កាលពីថ្ងៃទី ១២-១៣ ខែមិថុនា ឆ្នាំ២០២៦ កន្លងទៅនេះ។ កម្មវិធីនេះត្រូវបានរៀបចំឡើងដោយបេសកកម្មអាត់វេនទីស្ទកម្ពុជា សហការជាមួយបេសកកម្មអាត់វេនទីស្ទអាស៊ីប៉ាស៊ីហ្វិកខាងត្បូង(SSD) និងបេសកកម្មអាត់វេនទីស្ទសហភាពអាស៊ីអាគ្នេយ៍ (SEUM)។ កុមារដែលបានចូលរួមភាគច្រើនគឺមកពីគ្រួសារជាច្រើនដែលមិនមែនជាក្រុមជំនុំឡើយ។ ក្នុងនោះក៏មានគ្រូបង្រៀនជាង២០នាក់ និងសមាជិកព្រះវិហារប្រមាណជា៨០-៩០នាក់ បានអញ្ជើញចូលរួមក្នុងពិធីថ្វាយបង្គំ ការសិក្សាព្រះគម្ពីរ វគ្គបណ្តុះបណ្តាល និងការពិភាក្សាផ្សេងៗថែមទៀតផង។ លោកស្រី Danita P. Caderma ជាប្រធាននាយកដ្ឋានកុមានៃបេសកកម្មអាត់វេនទីស្ទអាស៊ីប៉ាស៊ីហ្វិកខាងត្បូង និងលោកស្រី Agusta Pheng ប្រធាននារយកដ្ឋានកុមារ និងស្ត្រីនៃបេសកកម្មអាត់វេនទីស្ទសហភាពអាស៊ីអាគ្នេយ៍ បានធ្វើបទបង្ហាញនៅក្នុងកម្មវិធីទាំងមូល។ កម្មវិធីនេះក៏មានការគាំទ្រនិងចូលរួមពីសំណាក់ប៉ាស្ទ័រ នឿម វណ្ណៈ ជាអគ្គលេខាធិការនៃបេសកកម្មអាត់វេនទីស្ទកម្ពុជា និងលោកស្រី ហេង សាយន ជាប្រធាននាយកដ្ឋនាកុមារ និងស្ត្រីនៃបេសកកម្មអាត់វេនទីស្ទកម្ពុជា រួមទាំងប៉ាស្ទ័រតំបន់ផងដែរ។ នៅក្នុងឱកាសនោះ លោកស្រី Danita P.…

បេសកកម្មអាត់វេនទីស្ទកម្ពុជា ពង្រឹងសមត្ថភាពថ្នាក់ដឹកនាំសម្រាប់បំពេញបេសកកម្ម

បេសកកម្មអាត់វេនទីស្ទកម្ពុជា ពង្រឹងសមត្ថភាពថ្នាក់ដឹកនាំសម្រាប់បំពេញបេសកកម្មដោយលោក៖ សែ គឹមសេង | បេសកកម្មអាត់វេនទីស្ទកម្ពុជា មានសិក្ខាកាមប្រមាណជាង៥០នាក់ រួមមាន៖ ប៉ាស្ទ័រ ប្រធានតំបន់ និងភរិយារបស់ពួកគេ បានអញ្ជើញមកជួបជុំគ្នានៅមជ្ឈមណ្ឌលហ្វឹកហ្វឺនព្រះគម្ពីរចាប់ពីថ្ងៃទី២ ដល់ទី៤ ខែមិថុនា ឆ្នាំ២០២៦។ នេះជាកម្មវិធីបណ្តុះបណ្តាលភាពជាអ្នកដឹកនាំ ដែលរៀបចំឡើងដោយបេសកកម្មអាត់វេនទីស្ទកម្ពុជា ។ ការបណ្តុះបណ្តាលនេះត្រូវបានរៀបចំឡើងក្នុងគោលបំណងជួយពង្រឹងការយល់ដឹងអំពីអភិបាលកិច្ច កិច្ចប្រតិបត្តិការ និងអាទិភាពចម្បងនៃកិច្ចការរបស់ព្រះវិហារ ខណៈពេលដែលព្រះវិហារកំពុងតែបោះជំហានទៅមុខ ដើម្បីសម្រេចនូវគោលដៅយុទ្ធសាស្ត្រសម្រាប់ឆ្នាំ២០២៦-២០៣០។ មន្ត្រីដឹកនាំរបស់បេសកកម្មអាត់វេនទីស្ទកម្ពុជា បានសង្កត់ធ្ងន់លើសារៈសំខាន់នៃសាមគ្គីភាព ការទទួលខុសត្រូវរួមគ្នា និងភាពស្មោះត្រង់ចំពោះការត្រាស់ហៅរបស់ព្រះជាម្ចាស់ ក្នុងការបំពេញបេសកកម្មរបស់ព្រះវិហារ។ ប៉ាស្ទ័រ លឹម ផេង លេខាធិការនៃសហភាពបេសកកម្មអាស៊ីអាគ្នេយ៍ (SEUM) បានដឹកនាំវគ្គសិក្សាស្តីពីទម្រង់រចនាសម្ព័ន្ធ អភិបាលកិច្ច និងកិច្ចប្រតិបត្តិការរបស់ព្រះវិហារ ដែលបានជួយឱ្យសិក្ខាកាមយល់ដឹងកាន់តែច្បាស់អំពីរបៀបដែលព្រះវិហារសេវេនដេយអាត់វេនទីស្ទដំណើរការ និងរបៀបដែលថ្នាក់ដឹកនាំអាចបម្រើការងារឱ្យបានកាន់តែមានប្រសិទ្ធភាព។ អ្នកស្រី អាហ្គាស្តា ប៊ុន ឌីយ៉ាន ផេង (Agusta Baun Dian Pheng) ក៏បានចូលរួមដឹកនាំវគ្គសិក្សាពិសេសសម្រាប់ភរិយារបស់ប៉ាស្ទ័រ និងភរិយារបស់ប្រធានតំបន់មណ្ឌលផងដែរ ដោយបានលើកឡើងពីតួនាទីដ៏សំខាន់របស់ពួកគេក្នុងការគាំទ្រដល់កិច្ចការបម្រើព្រះ និងការជំរុញបេសកកម្មតាមរយៈការសហការជាដៃគូជាមួយស្វាមីរបស់ខ្លួន។…

បេសកកម្មអាត់វេនទីស្ទកម្ពុជាពង្រីកព័ន្ធកិច្ចរបស់ខ្លួន

បេសកកម្មអាត់វេនទីស្ទកម្ពុជាពង្រីកព័ន្ធកិច្ចរបស់ខ្លួនដោយលោក៖ សែ គឹមសេង | បេសកកម្មអាត់វេនទីស្ទកម្ពុជា បេសកកម្មអាត់វេនទីស្ទកម្ពុជា បានពង្រឹងកិច្ចខិតខំប្រឹងប្រែងបេសកកម្មរបស់ខ្លួនបន្ថែមទៀតតាមរយៈរថយន្តក្នុងបំណងពង្រីកសកម្មភាពនៅទូទាំងប្រទេស។ ថ្នាក់ដឹកនាំបេសកកម្មអាត់វេនទីស្ទកម្ពុជាបានបង្ហើបប្រាប់ថា ព័ន្ធកិច្ចតាមរយៈរថយន្តនេះបានដើរតួនាទីយ៉ាងសំខាន់ក្នុងការងារព្រះវិហារ។ រថយន្តនេះជួយសម្រួលដល់ការពង្រីកសកម្មភាពព្រះវិហារ បង្កើនឱកាសសម្រាប់ការផ្សាយដំណឹងល្អ និងគាំទ្រដល់សកម្មភាពនានានៅតាមសហគមន៍។ លើសពីនេះ ព័ន្ធកិច្ចតាមរយៈរថយន្តនេះ បានរួមចំណែកពង្រឹងដល់ការចូលរួមរបស់សមាជិកកាន់តែច្រើន ក៏ដូចជាអ្នកស្ម័គ្រចិត្តដទៃៗទៀត រួមទាំងសមាជិកព្រះវិហារក៏អាចកាន់តែសកម្មក្នុងកិច្ចបម្រើផងដែរ។ ព័ន្ធកិច្ចនេះក៏បានផ្តល់ឱ្យយុវជននូវឱកាសកាន់តែច្រើន ដើម្បីចូលរួមក្នុងការបម្រើដែលជួយរៀបចំពួកគេឲ្យមានបទពិសោធន៍សម្រាប់ការបម្រើដល់កិច្ចការនៅក្នុងព្រះវិហារនាពេលអនាគត។ បេសកកម្មអាត់វេនទីស្ទកម្ពុជា ប្តេជ្ញាប្រើប្រាស់រថយន្តនេះតាមលទ្ធភាពជាក់ស្តែង ដើម្បីជួយពង្រឹងផ្នែកព្រលឹងវិញ្ញាណ និងផ្តោតសំខាន់លើកម្មវិធីនានាដើម្បីផ្សាយដំណឹងល្អ ព្រមទាំងបម្រើសេចក្តីត្រូវការរបស់សហគមន៍ទៅតាមតំបន់ផ្សេងៗដែលកំពុងតែត្រូវការជំនួយនៅទូទាំងប្រទេសកម្ពុជាផងដែរ។ CAM Expands Outreach with Van MinistryBy Kimseng Se | Cambodia Adventist Mission The Cambodia Adventist Mission (CAM) has strengthened its outreach efforts through a dedicated van ministry, marking a significant step forward in expanding mission activities across…

១៦នាក់បានទទួលបុណ្យជ្រមុជទឹកតាមរយៈកិច្ចខិតខំប្រឹងប្រែងរួមគ្

១៦នាក់បានទទួលបុណ្យជ្រមុជទឹកតាមរយៈកិច្ចខិតខំប្រឹងប្រែងរួមគ្នាដោយលោក៖ សែ គឹមសេង | បេសកកម្មអាត់វេនទីស្ទកម្ពុជាបេសកកម្មអាត់វេនទីស្ទកម្ពុជា មានសេចក្តីរីករាយក្នុងពិធីបុណ្យជ្រមុជទឹករបស់បុគ្គលចំនួន១៦នាក់ បន្ទាប់ពីកម្មវិធីផ្សាយដំណឹងល្អុមួយបានធ្វើឡើងចាប់ពីថ្ងៃទី ១១-១៤ ខែមីនា ឆ្នាំ២០២៦ នៅទីក្រុងភ្នំពេញ និងខេត្តសៀមរាប។ កម្មវិធីនេះបាននាំសមាជិកព្រះវិហារ ស្ថាប័នដៃគូ និងសហគមន៍មកជួបជុំគ្នាសម្រាប់សារដែលផ្តោតលើព្រះគម្ពីរ ការប្រកបគ្នា និងការលើកកម្ពស់ខាងព្រលឹងវិញ្ញាណ។ គំនិតផ្តួចផ្តើមនេះអាចធ្វើទៅបានតាមរយៈកិច្ចសហការរបស់ស្ថាប័នដៃគូជាច្រើនរួមមាន៖ Gospel Outreach (GO) Advocates for Southeast Asians and the Persecuted (ASAP) Jesus For Asia (JFA) និង Quiet Hour Ministries។ អស់រយៈពេលជាច្រើនខែនៃកិច្ចខិខំប្រឹងប្រែង ស្ថាប័នដៃគូទាំងនេះបានធ្វើការជាមួយថ្នាក់ដឹកនាំព្រះវិហារ ដើម្បីផ្តល់នូវធនធាន ការបណ្តុះបណ្តាល និងការធ្វើផែនការសម្របសម្រួល ដោយបង្ហាញពីកម្លាំងនៃបេសកកម្មរួបរួមគ្នា។ នៅចុងបញ្ចប់នៃកម្មវិធីផ្សាយដំណឹងល្អនេះ មានបុគ្គលចំនួន១៦នាក់ បានធ្វើការសម្រេចចិត្តផ្លាស់ប្តូរជីវិត និងប្រកាសជាសាធារណៈអំពីជំនឿរបស់ពួកគេលើព្រះយេស៊ូវគ្រីស្ទតាមរយៈពិធីបុណ្យជ្រមុជទឹក។ ការប្តេជ្ញាចិត្តរបស់ពួកគេឆ្លុះបញ្ចាំងពីអំណាចនៃការផ្លាស់ប្តូរតាមរយៈដំណឹងល្អ និងពីផលផ្លែនៃកិច្ចសហការដ៏ស្មោះត្រង់នៅក្នុងបេសកកម្មរបស់ព្រះជាម្ចាស់។ថ្នាក់ដឹកនាំនៃបេសកកម្មអាត់វេនទីស្ទកម្ពុជាបានសម្តែងនូវការដឹងគុណយ៉ាងជ្រាលជ្រៅចំពោះភាពជាដៃគូ ការគាំទ្រដល់បេសកកម្ម និងការលះបង់របស់សមាជិកព្រះវិហារដែលបានអធិស្ឋាន ព្រមទាំងចូលរួមដែលធ្វើឱ្យការកម្មវិធីនេះអាចប្រព្រឹត្តទៅដោយជោគជ័យ។ព្រះវិហារសេវេនដាយអាត់វេនទីស្ទកម្ពុជា នៅតែបន្តបេសកកម្មរបស់ខ្លួនក្នុងការអំពាវនាវដល់មនុស្សទាំងអស់ឱ្យក្លាយជាសិស្សដ៏រស់រវើករបស់ព្រះយេស៊ូវគ្រីស្ទ ប្រយោជន៍ចូលរួមចែករំលែកសាររបស់ទេវតាទាំងបី និងរៀបចំចិត្តសម្រាប់ការយាងមកវិញរបស់ព្រះគ្រីស្ទក្នុងពេលឆាប់ៗនេះ។…

ជីវិតមានការផ្លាស់ប្តូរតាមរយៈកិច្ចសហការរវាងបេសកកម្មអាត់វេនទីស្ទកម្ពុជា និងអង្គការ ASAP

ជីវិតមានការផ្លាស់ប្តូរតាមរយៈកិច្ចសហការរវាងបេសកកម្មអាត់វេនទីស្ទកម្ពុជា និងអង្គការ ASAPដោយលោក៖ សែ គឹមសេង | បេសកកម្មអាត់វេនទីស្ទកម្ពុជា ក្រោមការដឹកនាំរបស់លោក Darryl Hosford ប្រធានអង្គការ ASAP នៅតែបន្តជាធ្វើជាដៃគូដ៏សកម្មរបស់បេសកកម្មអាត់វេនទីស្ទកម្ពុជា ដោយធ្វើការរួមគ្នាដើម្បីសម្រេចបានលទ្ធផលដ៏គួរឲ្យគត់សម្គាល់ក្នុងការផ្សព្វផ្សាយដំណឹងល្អ។ ពួកគេរួមគ្នាគាំទ្រជ្រោមជ្រែងដល់កិច្ចការចម្បងៗមួយចំនួនរួមមាន៖ ការបង្កើតក្រុមជំនុំ ការផ្សព្វផ្សាយផ្នែកសុខភាព ការអប់រំ ជំនួយមនុស្សធម៌ និងគម្រោងអណ្តូងទឹកស្អាតជាដើម។ បច្ចុប្បន្ន អង្គការ ASAP កំពុងតែជួយឧបត្ថម្ភដល់បុគ្គលិកប្រមាណជា៧០នាក់នៅទូទាំងប្រទេសកម្ពុជា ក្នុងនោះរួមមាន៖ អ្នកបង្កើតក្រុមជំនុំ អ្នកផ្សព្វផ្សាយផ្នែកសុខភាព និងគ្រូបង្រៀន។ អង្គការនេះក៏ផ្តល់មូលនិធិជួយទំនុកបម្រុងដល់សាលារៀនចំនួនបួនដែលបម្រើដល់សេចក្តីត្រូវការចំពោះសិស្សប្រហែលជា៦០០នាក់មកពីសហគមន៍នានា។ សាលាទាំងនេះបានផ្តល់នូវផ្នែកសិក្សាអប់រំទូទៅ និងខាងព្រលឹងវិញ្ញាណផងដែរ។តាមរយៈកិច្ចខិតខំប្រឹងប្រែងនេះ មានមនុស្សចន្លោះប្រមាណពី១០០ ទៅ២០០នាក់ជារៀងរាល់ឆ្នាំ បានប្រកាសជាសាធារណៈអំពីជំនឿរបស់ពួកគេលើព្រះយេស៊ូវ ដោយសំរេចចិត្តទទួលយកពិធីបុណ្យជ្រមុជទឹក។ នេះជាភស្តុតាងឆ្លុះបញ្ចាំងពីលទ្ធផលវិជ្ជមាននៃភាពជាដៃគូររវាងបេសកកម្មអាត់វេនទីស្ទកម្ពុជា និងអង្គការ ASAP។ ការបន្តកិច្ចសហការនេះបង្ហាញពីរការប្តេជ្ញាចិត្ត និងការបម្រើដើម្បីផ្លាស់ប្តូរជីវិត និងសហគមន៍ ទន្ទឹមគ្នានេះក៏ជំរុញបេសកកម្មរបស់ព្រះជាម្ចាស់នៅទូទាំងប្រទេសកម្ពុជាផងដែរ។ Changing Lives Through Collaboration: ASAP and CAM’s Mission ImpactBy Kimseng Se | Cambodia Adventist MissionUnder…

បេសកកម្មអាត់វេនទីស្ទកម្ពុជាពង្រីកការផ្សព្វផ្សាយដំណឹងល្អនៅខត្តកោះកុង

បេសកកម្មអាត់វេនទីស្ទកម្ពុជាពង្រីកការផ្សព្វផ្សាយដំណឹងល្អនៅខត្តកោះកុង ដោយលោក៖ សែ គឹមសេង | បេសកកម្មអាត់វេនទីស្ទកម្ពុជា ខត្តកោះកុង ប្រទេសកម្ពុជា—បេសកកម្មអាត់វេនទីស្ទកម្ពុជាបានធ្វើដំណើរទស្សនកិច្ចនៅថ្ងៃទី ៦-៧ ខែកុម្ភៈ ឆ្នាំ២០២៦ ទៅកាន់ស្រុកថ្មបាំង ខេត្តកោះកុង ដើម្បីសួសុខទុក្ខក្រុមជំនុំ និងអ្នកថ្មីៗដែលចាប់អារម្មណ៍ចំពោះដំណឹងល្អ។ ដំណើរទស្សនកិច្ចនៃបេសកកម្មនេះដឹកនាំដោយប៉ាស្ទ័រ ម៉ៅ រឿន (យ៉ូហាន) ជានាយកថ្មីនៃបេសកកម្មអាត់វេនទីស្ទកម្ពុជាដែលទើបជាប់ឆ្នោត។ មានប្រមាណ៣០គ្រួសារបានទទួលជំនួយជាស្បៀងអាំហារ និងសំភារៈផ្សេងៗក្នុងអំឡុងពេលចុះសួសុខទុក្ខនេះ និងបានអធិដ្ឋានជូនដល់អ្នកជំងឺថែមទៀតផង។ អ្នកដឹកនាំប្រចាំតំបន់បានបង្ហើបឲ្យដឹងថា នេះក្រុមសហគមន៍ថ្មីមួយដែលពួកគាត់ចុះទៅដល់ និងបាន ផ្សព្វផ្សាយដំណឹងល្អ និងការគាំទ្រផ្នែកមនុស្សធម៌ដល់ប្រជាពលរដ្ឋផងដែរ។ មន្ត្រីបេសកកម្មអាត់វេនទីស្ទកម្ពុជាក៏បានពិភាក្សាអំពីផែនការរយៈពេលវែងសម្រាប់តំបន់នេះដោយមានគម្រោងចង់បានដីមួយកន្លែងសម្រាប់សាងសង់ព្រះវិហារ និងសាលារៀនដែលជាផ្នែកមួយនៃយុទ្ធសាស្ត្រក្នុងការពង្រីកកិច្ចការដំណឹងល្អនៅក្នុងស្រុកថ្មបាំង។ បច្ចុប្បន្នមានប្រជាពលរដ្ឋប្រមាណជា២០០០ គ្រួសារកំពុងតែរស់នៅក្នុងតំបន់នេះ។ អ្នកដឹកនាំក្រុមជំនុំបញ្ជាក់ថា៖ «តំបន់នេះជាសហគមន៍ថ្មីដែលមានសក្តានុពលខ្លាំងក្នុងការផ្សាយដំណឹងល្អ»។ បេសកកម្មអាត់វេនទីស្ទកម្ពុជាមានគំនិតផ្តួចផ្តើមឲ្យមានកម្មវិធីផ្តោតលើសុខភាព ការអភិវឌ្ឍជំនាញនានា និងកម្មវិធីជាប្រចាំដែលមានគោលបំណងបម្រើដល់តម្រូវការរបស់សហគមន៍ទាំងមូល។ សកម្មភាពចុះសួសុខទុក្ខនេះបង្ហាញពីកិច្ចខិតខំប្រឹងប្រែងជាបន្តបន្ទាប់របស់បេសកកម្មអាត់វេនទីស្ទកម្ពុជា ក្នុងការពង្រីកការងារដំណឹងល្អនៅទូទាំងប្រទេស រួមទាំងតំបន់ទីប្រជុំជន និងតំបន់ជនបទដាច់ស្រយាល។ កិច្ចខិតខំប្រឹងប្រែងនេះគឺដើម្បីឲ្យមានដំណើរការនៃកិច្ចការដំណឹល្អ ដែលរួមបញ្ចូលនូវជំនួយជាក់ស្តែង ការចូលរួមពីសហគមន៍ និងការចែករំលែកសារនៃដំណឹងល្អដល់ពួកគេ។ Cambodia Adventist Mission Expands…

បេសកកម្មអាត់វេនទីស្ទកម្ពុជាចុះទៅជួយក្រុមជំនុំដែលខ្វះខាត

បេសកកម្មអាត់វេនទីស្ទកម្ពុជាចុះទៅជួយក្រុមជំនុំដែលខ្វះខាត ដោយលោក៖ សែ គឹមសេង | បេសកកម្មអាត់វេនទីស្ទកម្ពុជា ក្រុមការងារនៃបេសកកម្មអាត់វេនទីស្ទកម្ពុជា បានធ្វើដំណើររយៈពេលបីថ្ងៃ គឺចាប់ពីថ្ងៃទី២០ ដល់ ២២ ខែកុម្ភៈ ឆ្នាំ២០២៦ ដើម្បីចុះទៅចែកអាហារ និងសម្ភារៈចាំបាច់ដល់សមាជិកក្រុមជំនុំដែលកំពុងប្រឈមមុខនឹងការលំបាកនៅភាគខាងជើងនៃប្រទេសកម្ពុជាដែលរងផលប៉ះពាល់ដោយជម្លោះព្រំដែន។ មន្ត្រីរបស់បេសកកម្មអាត់វេនទីស្ទកម្ពុជា បានធ្វើដំណើរទៅកាន់ខេត្តបន្ទាយមានជ័យ ឧត្តរមានជ័យ និងព្រះវិហារ ដើម្បីចែកនូវជំនួយខ្លះៗដល់គ្រួសារដែលកំពុងតែត្រូវការជំនួយបន្ទាន់។ គ្រួសារសរុបចំនួន២០០ បានទទួលកញ្ចប់អាហារ និងសម្ភារៈចាំបាច់មួយចំនួនក្នុងអំឡុងពេលចុះបំពេញបេសកកម្មនេះ។ បេសកកម្មអាត់វេនទីស្ទកម្ពុជា បានធ្វើការរួមគ្នាជាមួយថ្នាក់ដឹកនាំព្រះវិហារក្នុងតំបន់ ដើម្បីធានាថា អំណោយនេះបានជួយ ដល់គ្រួសារដែលកំពុងតែរងគ្រោះ។ គំនិតផ្តួចផ្តើមនេះមានគោលបំណងពង្រឹងសមាជិកទាំងផ្នែករាងកាយ និងស្មារតីក្នុងអំឡុងពេលដ៏លំបាកនេះ។ ក្នុងអំឡុងពេលនៃការជួបសំណេះសំណាលគ្នា ប៉ាស្ទ័រ ម៉ៅ រឿន ដែលជានាយកបេសកកម្មអាត់វេនទីស្ទកម្ពុជា បានលើកទឹកចិត្តសមាជិកឱ្យរក្សាជំនឿរបស់ពួកគេទៅលើព្រះយេស៊ូវគ្រីស្ទជានិច្ច។ លោកបានមានប្រសាសន៍ថា៖ «ទោះបីជាក្នុងគ្រាលំបាកយ៉ាងណាក៏ដោយ យើងត្រូវតែតោងព្រះយេស៊ូវឲ្យជាប់។ ដ្បិតគឺទ្រង់ហើយដែលជាប្រភពនៃសេចក្តីស្រឡាញ់ ការការពារ និងក្តីសង្ឃឹមរបស់យើងតែមួយគត់។ នៅពេលដែលយើងទុកចិត្តលើទ្រង់ នោះទ្រង់នឹងប្រទានកម្លាំង ដើម្បីឲ្យអាចស៊ូទ្រាំបាន ហើយទ្រង់សន្យាថា នឹងមិនបោះបង់រាស្រ្តរបស់ទ្រង់ចោលឡើយ»។ ថ្នាក់ដឹកនាំនៃបេសកកម្មអាត់វេនទីស្ទកម្ពុជា ក៏បានថ្លែងអំណរគុណដល់ម្ចាស់ជំនួយដែលបានចូលរួមចំណែកក្នុងកិច្ចខិតខំប្រឹងប្រែងមួយនេះ ដោយបានលើកឡើងថា…

សម្ពោធអគារសិក្សាថ្មី

សម្ពោធអគារសិក្សាថ្មីតាមរយៈការគាំទ្រពីមូលនិធិ David និង Marry Chowដោយលោក៖ សែ គឹមសេង | បេសកកម្មអាត់វេនទីស្ទកម្ពុជា ខេត្តកំពង់ធំ – បេសកកម្មអាត់វេនទីស្ទកម្ពុជាបានប្រារពពិធីសម្ពោធអគារសិក្សាថ្មីមួយខ្នងនៅថ្ងៃទី២៧ ខែវិច្ឆិកា ឆ្នាំ២០២៥ តាមរយៈការគាំទ្រពីមូលនិធិ David និង Marry Chow ស្ថិតនៅភូមិទួលចាន់ ឃុំតាំងក្រសាំង ស្រុកសន្ទុក ខេត្តកំពង់ធំ។ ក្នុងពិធីនោះមានវត្តមានជាគណអធិបតីពីថ្នាក់ដឹកនាំនៃបេសកកម្មអាត់វេនទីស្ទកម្ពុជា អ្នកតំណាងរដ្ឋាភិបាល អាជ្ញាធរមូលដ្ឋាន លោកគ្រូអ្នកគ្រូប្រចាំសាលា ឪពុកម្តាយសិស្សានុសិស្ស សិស្សានុសិស្ស អ្នកភូមិ និងភ្ញៀវកិត្តិយសជាច្រើននាក់ទៀតបានចូលរួមអបអរសាទរ។ប៉ាស្ទ័រ ហង្ស តារា នាយកបេសកកម្មអាត់វេនទីស្ទកម្ពុជា បានដឹកនាំការឧទ្ទិស និងថ្លែងអំណរគុណចំពោះមូលនិធិដែលបានគាំទ្រក្នុងការពង្រីកវិសាលភាពនៃសាលារៀននេះ បន្ទាប់ពីសាលាខ្វះបន្ទប់រៀនជាច្រើនឆ្នាំកន្លងហើយ។ មន្ត្រីតំណាងរដ្ឋាភិបាលបានកោតសរសើរចំពោះការបន្តអភិវឌ្ឍរបស់បេសកកម្មអាត់វេនទីស្ទកម្ពុជា ក្នុងវិស័យអប់រំតាមជនបទ និងបានលើកឡើងពីតម្លៃនៃកិច្ចសហប្រតិបត្តិការជាមួយសាលាអាត់វេនទីស្ទទួលចាន់នេះផ្ទាល់តែម្តង។ រីឯអាជ្ញាធរមូលដ្ឋានវិញក៏បានទទួលស្គាល់ចំពោះការអប់រំដែលប្រកបដោយគុណភាពរបស់សាលាថែមទៀតផងដែរ។អ្នកភូមិនៅជុំវិញសាលារៀននេះ បានសំដែងនូវការស្វាគមន៍ចំពោះសមិទ្ធផលថ្មី និងរីករាយដែលអាចមានកន្លែងបន្ថែមទៀតសម្រាប់អាចឲ្យកុមារៗបានចូលរៀនច្រើននាក់បន្ថែមទៀត។ ថ្នាក់ដឹកនាំនៃ បេសកកម្មអាត់វេនទីស្ទកម្ពុជា បានបញ្ជាក់ថា សាលានេះនឹងបន្តផ្តល់ទាំងការអប់រំទូទៅ និងការណែនាំខាងវិញ្ញាណ ក៏ដូចជាជួយសិស្សានុសិស្សឱ្យយល់ពីសេចក្តីស្រឡាញ់របស់ព្រះយេស៊ូវផងដែរ។បច្ចុប្បន្ននេះ សាលាអាត់វេនទីស្ទទួលចាន់មានគ្រូបង្រៀនចំនួន៦នាក់ កំពុងតែបម្រើការងារ និងមានសិស្សចំនួន១១៦នាក់ កំពុងតែរៀនចាប់ពីថ្នាក់មត្តេយ្យដល់ថ្នាក់ទី៥។ ជាមួយនឹងការបើកសម្ពោធអគារសិក្សាថ្មីនេះ សាលារំពឹងថានឹងទទួលបានសិស្សថ្មីៗមកចុះឈ្មោះចូលរៀនកើនឡើងថែមទៀតជាមិនខាន។…

Seven Pastors Ordained in Cambodia

A Harvest of Blessings: Over 2,000 Baptizedand Seven Pastors Ordained in Cambodia By Kimseng Se | Cambodia Adventist Mission Under the leadership of Pastor Hang Dara, President of the Cambodia Adventist Mission (CAM), the year 2025 marks a historic season of blessing as more than 2,000 souls committed their lives to follow Jesus through…