Home – Page 3 – Cambodia Adventist Mission

ការអប់រំជាដៃស្តាំនៃកិច្ចការដំណឹងល្អ

ការអប់រំជាដៃស្តាំនៃកិច្ចការដំណឹងល្អបេសកកម្មអាត់វេនទីស្ទកម្ពុជាកំពុងពង្រីកវិសាលភាពនៃកិច្ចការរបស់ខ្លួនតាមរយៈសាលារៀន ដើម្បីបន្តឱ្យមានការរីកលូតលាស់ទាំងព្រះវិហារ និងជួយអភិវឌ្ឍន៍សហគមន៍។ ក្រោមការដឹកនាំដោយ ប៉ាស្ទ័រ ហង្ស តារា ជានាយកបេសកកម្មអាត់វេនទីស្ទកម្ពុជា និងលោក សៀង គឹមស្រេង ជាប្រធាននាយកដ្ឋានអប់រំបានធ្វើការយ៉ាងសកម្មដើម្បីជំរុញព្រមទាំងលើកកំពស់ផ្នែកព្រលឹងងវិញ្ញាណ និងកិច្ចការសង្គមតាមរយៈសាលារៀនថ្មីៗ។បេសកកម្មអាត់វេនទីស្ទកម្ពុជា បានមើលឃើញថា ព្រះវិហារដែលមានសាលារៀន គឺមានការរីកចម្រើនគួរឱ្យកត់សម្គាល់ទាំងមានសមាជិកនៅជាប់នឹងព្រះវិហារ ក៏ដូចជាមានការចូលរួមក្នុងសកម្ម ភាពនានា។ ឧទាហរណ៍ដូចជាក្រុមជំនុំតាគង់ជាដើម ក្រុមជំនុំនេះមានអ្នកចូលរួមថ្វាយបង្គំប្រមាណជាជាង១០០នាក់ នៅថ្ងៃទី២៨ ខែកញ្ញា ឆ្នាំ២០២៤ ក្នុងនោះរួមទាំងសិស្ស និងឪពុកម្តាយរបស់ពួកគេផងដែរ។ ដ្បិតក្រុមជំនុំនេះមានទីតាំងនៅក្នុងបរិវេណសាលាផ្ទាល់តែម្តង។ ជាមធ្យមក្រុមជំនុំនេះមានសមាជិកថ្មីៗទទួលបុណ្យជ្រមុជទឹកចន្លោះពី១០ ទៅ២០នាក់ក្នុងមួយឆ្នាំៗ។ រីឯបេក្ខជនដែលសំរេចចិត្តទទួលបុណ្យជ្រមុជទឹកទាំងនោះមានសិស្សានុសិស្ស និងសមាជិកក្រុមគ្រួសាររបស់ពួកគេ។បេសកកម្មអាត់វេនទីស្ទកម្ពុជាកំពង់តែផ្តោតជាសំខាន់យក៖ «សាលារៀនដើរតួនាទីយ៉ាងសំខាន់ក្នុងការផ្សព្វផ្សាយដំណឹងល្អរបស់ព្រះគ្រីស្ទ»។ ដោយផ្អែកលើគុណតម្លៃដែលមានមូលដ្ឋានចេញេពីព្រះគម្ពីរ បេសកកម្មអាត់វេនទីស្ទកម្ពុជាតាមរយៈនាយកដ្ឋានអប់រំមានគោលបំណងបំផុសគំនិតដល់សិស្សានុសិស្សឱ្យឆ្ពោះទៅរកជីវិតប្រកបដោយសេចក្តីជំនឿ ចេះជួយអ្នកដទៃ និងទទួលបានការរីកចម្រើនលើគ្រប់ផ្នែកទាំងអស់។ឆ្នាំ២០២៤នេះ បេសកកម្មអាត់វេនទីស្ទកម្ពុជាបានប្រារព្ធពិធីប្រគល់សញ្ញាបត្រដល់សិស្សានុសិស្ស របស់ខ្លួននៅក្នុងសាលាចំនួនបីគឺ៖ សាលាចំរើនផលដល់សិស្សចំនួន៩នាក់ សាលាសំរោងដល់សិស្សចំនួន៧នាក់ និងសាលាតាគង់ដល់សិស្សចំនួន១៩នាក់ដែលបានបញ្ចប់ការសិក្សាថ្នាក់ទី៦ និងសិស្សចំនួន២១នាក់សម្រាប់ថ្នាក់ទី៩។ ព្រឹត្តិការណ៍ទាំងនេះជាសក្ខីភាពបញ្ជាក់ពីផលវិជ្ជមានចេញពីកិច្ចការនៃការអប់រំនៅនៅតាមសហគមន៍មូលដ្ឋាន។ ក្នុងអំឡុងពេលនៃកម្មវិធីថ្វាយបង្គំកាលពីថ្ងៃទី២៨ ខែកញ្ញា ឆ្នាំ២០២៤ កន្លងទៅនេះ ប៉ាស្ទ័រ ហង្ស តារា បានសង្កត់ធ្ងន់លើការប្តេជ្ញាចិត្តក្នុងរួមបញ្ចូលគ្នារវាងសេចក្តីជំនឿជាមួយនឹងឧត្តមភាពនៃការសិក្សា ដោយយកសាលារបស់ខ្លួនបន្តធ្វើជាមជ្ឈមណ្ឌលគ្រឹះសម្រាប់ជួយជ្រោមជ្រែងដល់ការសិក្សា និងលើកកំពស់ជំនឿដល់សហគមន៍។Cambodia Adventist Mission Showcases…

កម្មវិធីផ្សាយដំណឹងល្អសម្រាប់កុមារដ៏ជោគជ័យនៅខេត្តឧត្តរមានជ័យ

កម្មវិធីផ្សាយដំណឹងល្អសម្រាប់កុមារដ៏ជោគជ័យនៅខេត្តឧត្តរមានជ័យចាប់ពីថ្ងៃទី១៨-២១ ខែកញ្ញា ឆ្នាំ២០២៤ បេសកកម្មអាត់វេនទីស្ទកម្ពុជា បានរៀបចំកម្មវិធីផ្សាយដំណឹងល្អមួយសម្រាប់កុមារ ដែលដឹកនាំដោយលោកស្រី ហេង សាយ័ន្ត ប្រធាននាយកដ្ឋានកុមារ និងសហការជាមួយប៉ាស្ទ័រ ផង់ សុថន ប្រចាំខេត្តឧត្តរមានជ័យ រួមជាមួយនឹងលោកគ្រូ អ្នកគ្រូនៃសាលាអាត់វេនទីស្ទសំរោង។ កម្មវិធីនេះប្រកបដោយព្រះពរតាមរយៈវត្តមានរបស់លោកស្រី Danita P. Caderma ប្រធាននាយកដ្ឋានកុមារអញ្ជើញមកពី SSD ដែលលោកស្រីជាវាគ្មិនដ៏ចំណានសម្រាប់កម្មវិធីទាំងមូល។អំឡុងពេលនៃកម្មវិធីផ្សាយដំណឹងល្អនេះ លោកស្រី Danita P. Caderma បានចែករំលែករឿងដ៏អស្ចារ្យមួយចំនួនពីព្រះគម្ពីរ ដែលមានន័យយ៉ាងជ្រាលជ្រៅដល់កុមារៗ។ តាមរយៈរឿងទាំងនោះលោកស្រីបានទាក់ទាញចំណាប់របស់ពួកគេ និងនាំពួកគេឱ្យមានទំនាក់ទំនងកាន់តែជិស្និទ្ធជាមួយព្រះជាម្ចាស់។ កម្មវិធីនេះមានអ្នកចូលរួមចំនួន២២០នាក់សម្រាប់យប់ទីមួយ និងយប់ទី២។ រីឯនៅយប់ទីបីមានចំនួន១៥០នាក់ និងព្រឹកថ្ងៃបរិសុទ្ធមានអ្នកចូលរួមប្រមាណ៣០០នាក់ ដែលប៉ាស្ទ័រ ហង្ស តារា នាយកបេសកកម្មអាត់វេនទីស្ទជាអ្នកអធិប្បាព្រះបន្ទូល។ ក្នុងចំណោមអ្នកចូលរួមទាំងអស់មានប្រហែល៦០% ជាសមាជិកព្រះវិហារ ខណៈដែល៤០% ទៀតជាភ្ញៀវ។ អ្នកចូលរួមនៅក្នុងកម្មវិធីនេះបានធ្វើដំណើរមកកន្លែងនានាដូចជា៖ ភូមអូទង ភូមិឈើក្រុំ ភូមិដីថ្មី ស្រុកចុងកាល ភូមិគោកផ្លុក និងក្រុងសំរោង ខេត្តឧត្តរមានជ័យផ្ទាល់តែម្តង។ក្នុងអំឡុពេលថ្ងៃ លោកស្រី Danita P. Caderma និងក្រុមការងារបានចុះទៅសួរសុខទុក្ខនៅតាមផ្ទះ…

សមិទ្ធផលចេញពីជំនឿ

សមិទ្ធផលចេញពីជំនឿEnglish Below:បន្ទាប់ពីការទន្ទឹងរង់ចាំអស់រយៈពេលជាច្រើនឆ្នាំ ព្រះជាម្ចាស់បានឆ្លើយតបនឹងការអធិស្ឋានឥតឈប់ឈររបស់ប៉ាស្ទ័រតំបន់ និងសមាជិកក្រុមជំនុំក្រុងកំពត។ ដោយមានកិច្ចខិតខំប្រឹងប្រែងរួមគ្នារបស់សមាជិកព្រះវិហារ និងជាក្រុម Quiet Hour ដែលធ្វើពិធីអធិស្ឋានបើកការដ្ឋានសាងសង់អាចប្រព្រឹត្តទៅបាននៅថ្ងៃទី១៩ ខែមីនា ឆ្នាំ២០២៤។ ប៉ាស្ទ័រ ហង្ស តារា នាយកមិសិនអាត់វេនទីស្ទកម្ពុជាបានអញ្ជើញចូលរួមក្នុងនាមជាអធិបតីក្នុងឱកាសដ៏សំខាន់នេះ។ លោកបានថ្លែនូវការដឹងគុណ ព្រមទាំង ទទួលស្គាល់ចំពោះព្រះពរពីព្រះអម្ចាស់។ប៉ុន្មានឆ្នាំកន្លងចុងក្រោយនេះ ក្រុមជំនុំបានថ្វាយបង្គំនៅក្នុងអគារឈើចាស់ ពុកផុយ និងគ្មានសុវត្ថភាពឡើយ។ ទោះជាយ៉ាងណាក្តី សារៈសំខាន់នៃឱកាសនេះស្ទើរតែមិនអាចបរិយាយបាន ព្រោះវាតំណាងឱ្យលទ្ធផលដែលកើតចេញពីជំនឿ និងការលះបង់ជាច្រើនឆ្នាំមិនងាកនៅក្នុងក្រុមជំនុំព្រះវិហារក្រុងកំពត។ តាមរយៈការលះបង់ និងសេចក្ដីជំនឿមិនងាករេនេះ ក្តីសុបិននៃការកសាងព្រះវិហារថ្មីបានក្លាយជាការពិត។ វត្តមានរបស់ប៉ាស្ទ័រ ហង្ស ដារ៉ា ជាប្រធាននៅដើមពិធីនេះគឺជាការដឹងគុណចំពោះព្រះហឫទ័យសប្បុរសរបស់ព្រះ និងការខិតខំប្រឹងប្រែងរួមគ្នារបស់អ្នកដែលមានចំណឺកក្នុងការបំពេញការងារជាបន្តបន្ទាប់ឆ្ពោះទៅរកគោលដៅរួមគ្នាមួយសម្រាប់ថ្វាយសិរីល្អដល់ព្រះ។ពិតណាស់ ព្រឹត្តិការណ៍ដ៏ប្រពៃនេះបង្ហាញពីកម្លាំងនៃការអត់ធ្មត់ និងការតាំងចិត្តមិនចេះនឿយហត់របស់សមាជិករួមជំនឿ។ នៅពេលដែលការសាសង់ចាប់ផ្តើមនៅលើទីតាំងដ៏មានពរនេះ ព្រះវិហារនេះមិនមែនគ្រាន់តែជាអគារប៉ុណ្ណោះទេ ប៉ុន្តែ វានឹងក្លាយជាកន្លែងដែលផ្តល់នូវក្តីសង្ឃឹម និងការរីកចម្រើនខាងវិញ្ញាណសម្រាប់មនុស្សជំនាន់ក្រោយទៀតផងដែរ។ ការសម្រេចនូវសមិទ្ធផលដែលបានទន្ទឹងរង់ចាំជាយូរមកហើយនេះ ត្រូវបានកត់ត្រាទុកជាប្រវត្តិសាស្ត្រក្នុងដំណើរនៃព្រះវិហារក្រុងកំពតដែលអាចធ្វើទៅបានដោយសារតែព្រះពររបស់ព្រះអម្ចាស់ ការប្តេជ្ញាចិត្តដ៏មុតមាំរបស់សមាជិកនៃក្រុមជំនុំ និងសប្បុរសជន។After a long years of patient anticipation, God has answered the constant…

ពិធីសម្ពោធអគារព្រះវិហារ៖ ខ្ញុំនឹងមិនខ្វះអ្វីសោះ

ពិធីសម្ពោធអគារព្រះវិហារ៖ ខ្ញុំនឹងមិនខ្វះអ្វីសោះEnglish Below:ពិធីសម្ពោធអគារព្រះវិហារថ្មីម្តងៗ គឺជាឱកាសដ៏សំខាន់មួយដែលនាំមកនូវភាពរីករាយដល់ក្រុមជំនុំ។ សមាជិកនៃព្រះវិហារភូមិពន្លៃ ខេត្តស្វាយរៀង និងសហគមន៍មានពោរពេញដោយក្តីអំណរ និងការដឹងគុណចំពោះការលះបង់ រួមចំណែក និងការខិតខំរបស់ក្រុមជំនុំផ្ទាល់ដើម្បីសម្រេចបាននូវអគារព្រះវិហារថ្មីមួយនេះឡើង។ នៅពេលដែលទ្វារនៃទីសក្ការៈដ៏ថ្លៃថ្លានេះបានបើកឡើងទទួលស្វាគមន៍គ្រប់គ្នាឱ្យចូលមក នោះវត្តមានគ្រប់គ្នាបានបង្ហាញពីអារម្មណ៍នៃការគោរពដែលមិននឹកស្មានដល់ លាយឡំនឹងក្តីរំភើបរកអ្វីប្រៀមផ្ទឹមពុំបាន។ប៉ាស្ទ័រ ហង្ស ដារ៉ា ជានាយកមិសិនអាត់វេនទីស្ទកម្ពុជា បានថ្លែងអំណរគុណចំពោះព្រះសម្រាប់ព្រះពរ ដ៏ធំនេះ ព្រមទាំងរំឭកឡើងវិញនូវសេចក្តីសន្យារបស់ព្រះដូចដែលបានកត់ត្រាទុកក្នុងគម្ពីរទំនុកដំកើង២៣៖១-៦ «ព្រះយេហូវ៉ាទ្រង់ជាអ្នកគង្វាលខ្ញុំ ខ្ញុំនឹងមិនខ្វះអ្វីសោះ ទ្រង់ឲ្យខ្ញុំដេកសំរាកនៅទីមានស្មៅខៀវខ្ចី ទ្រង់នាំខ្ញុំទៅក្បែរមាត់ទឹកដែលហូរគ្រឿនៗ ទ្រង់កែព្រលឹងខ្ញុំឡើងវិញ ទ្រង់នាំខ្ញុំទៅតាមផ្លូវសុចរិត ដោយយល់ដល់ព្រះនាមទ្រង់។ អើ ទោះបើទូលបង្គំដើរកាត់ច្រកភ្នំនៃម្លប់សេចក្តីស្លាប់ក៏ដោយ គង់តែមិនខ្លាចសេចក្តីអាក្រក់ណាឡើយ ដ្បិតទ្រង់គង់នៅជាមួយនឹងទូលបង្គំ ព្រនង់ ហើយនឹងដំបងរបស់ទ្រង់កំសាន្តចិត្តទូលបង្គំ ទ្រង់រៀបតុនៅមុខទូលបង្គំ ចំពោះពួកខ្មាំងសត្រូវផង ទ្រង់ចាក់ប្រេងលាបលើក្បាលទូលបង្គំ ពែងនៃទូលបង្គំក៏ពេញហៀរ។ ប្រាកដជាសេចក្តីសប្បុរស និងសេចក្តីមេត្តាករុណានឹងជាប់តាមខ្ញុំ រាល់តែថ្ងៃ ដរាបដល់អស់១ជីវិតខ្ញុំ ហើយខ្ញុំនឹងនៅក្នុងដំណាក់នៃព្រះយេហូវ៉ាជារៀងដរាបទៅ»។ លោកនាយកក៏បានថ្លែងអំណរគុណចំពោះលោក David និង Mary Chow Foundation ដែលជាអ្នកបរិច្ចាគតាមរយៈ Pr. James Dok ដើម្បីសាងសង់អគារព្រះវិហារថ្មីនេះ ហើយលោកក៏បានប្តេជ្ញាជួយសាងសង់អគារព្រះវិហារមួយទៀតដែលមានទីតាំងនៅខេត្តស្វាយរៀងនៅពេលខាងមុខ។ក្នុងពីធីបើកសម្ពោធដ៏រំភើបនេះ ក៏មានវត្តមានអាជ្ញាធរមូលដ្ឋានបានអញ្ជើញចូលរួមផងដែរ ដោយលោកបានលើកសរសើរយ៉ាងជ្រាលជ្រៅចំពោះកិច្ចខិតខំប្រឹងប្រែងរបស់ព្រះវិហារក្នុងការបម្រើសហគមន៍ជុំវិញ។…

សុបិន្តក្លាយជាការពិត

នៅថ្ងៃទី២៤ ខែកុម្ភៈ ឆ្នាំ២០២៤ ប៉ាស្ទ័រ ហង្ស តារា ប្រធានមិសិនអាត់វេនទីស្ទកម្ពុជាបានផ្តល់កិតិ្តយសអញ្ជើញចូលរួមក្នុងពិធីសម្ពោធព្រះវិហារស្រែញ័រជាផ្លូវការដែលព្រះវិហារនេះបានចាប់ផ្តើមសាងសង់ក្នុងឆ្នាំ២០២៣កន្លងមក។ ព្រះវិហារស្រែញ័រចាប់ផ្តើមកើតឡើងតាំងពីឆ្នាំ២០០២ មកម៉្លេះ ដែលកាលនោះប៉ាស្ទ័រ ហង្ស តារា បម្រើការជាប៉ាស្ទ័រនៅតំបន់ភ្នំពេញ ហើយលោក ថោ បូផល ជាអ្នកដាំក្រុមជំនុំ។ ពួកគាត់ទាំងពីនាក់មានក្តីសុបិនរួមគ្នាមួយ គឺចង់បង្កើតក្រុមជំនុំឱ្យរឹងមាំ និងសាសង់ព្រះវិហារមួយឡើងនៅភូមិស្រែញ័រតែម្តង។ តាមរយៈការខិតខំលះបង់ដោយឥតងាករេរបស់ពួកគាត់ទាំងពីរ និងកិច្ចខិតខំប្រឹងប្រែងសហការគ្នាក្រុមជំនុំអស់រយៈពេល២០ឆ្នាំ ធ្វើឱ្យក្រុជំនុំបានរីលចម្រើនឡើងជាលំដាប់ពីការចាប់ផ្តើមមានគ្នាតិចរហូតមានសមាជិកមួយចំនួនធំដែលមានការប្តេជ្ញាចិត្តដ៏រឹងមាំជាមួយព្រះជាម្ចាស់។ នៅថ្ងៃប្រារពពិធីសម្ពោធព្រះវិហារស្រែញ័រនេះ គ្រប់គ្នាឈរឡើងធ្វើជាសាក្សីចំពោះព្រះពរនៃក្តីសុបិនដ៏យូរអង្វែងដែលបានក្លាយជាការពិត។លោក ថោ បូផល ជាអ្នកដឹកនាំក្រុមជំនុំស្រែញរបានបរិច្ចាគទាំងដី និងថវិកាមួយចំនួនសម្រាប់ការសាងសង់ព្រះវិហារនេះឡើង រួមទាំងមានការគាំទ្រពីសប្បុរសជនមួយចំនួនទៀតដូចជា៖ លោកគ្រូ គឹមសុខ ឯកឧត្ដម ស៊ិន សត្ថា អ្នកស្រី អ៊ុយថា អ្នកស្រី និមុល អ្នកស្រី ចេនីហ្វឺ ប៉ាស្ទ័រ ជេម្សច័ន្ទឡា ដុក លោក ចំរើន ស៊ូហេង និងក្រុមជំនុំស្រែញ័រផ្ទាល់ផងដែរ។ គ្រប់គ្នាសុទ្ធតែមានចំណែកក្នុងការជួយជ្រោមជ្រែងចំពោះកិច្ចការ និងសុបិនរបស់ព្រះវិហារនេះឱ្យក្លាយទៅជាការពិត។គម្រោងសាងសង់ព្រះវិហារនេះខុសប្លែកពីព្រះវិហារដទៃ ដោយសារព្រះវិហារនេះត្រូវបានសាងសង់ឡើងក្រោមការខិតខំប្រឹងប្រែងរួបរួមគ្នារបស់សមាជិកព្រះវិហារទាំងស្រុងដែលបានចូលរួមចំណែកទាំងផ្នែកហិរញ្ញវត្ថុ និងតាមរយៈកម្លាំងពលកម្ម រួមជាមួយនឹងការគាំទ្រពីសប្បុរសជនផងដែរ។ ការលះបង់របស់ពួកគេត្រូវបានបង្ហាញឱ្យឃើញតាមរយៈការថ្វាយដីធ្លី ថវិការ…

ចូរតស៊ូដើម្បីជីវិត

ចូរតស៊ូដើម្បីជីវិតEnglish Below: នៅក្នុងពិធីបញ្ចប់ការសិក្សាសិស្សានុសិស្សថ្នាក់ទី១២នៃសាលាអាវេនទីស្ទកម្ពុជាអន្តរជាតិ ថ្ងៃទី២៧ ខែឧសភា ឆ្នាំ២០២៣ ប៉ាស្ទ័រ ហង្ស តារា ជានាយកមិស្សិនកម្ពុជាបានអញ្ជីញចូលរួមអបអរសាទរដល់សិស្សានុសិស្សទាំង១០នាក់ក្នុងនោះមានប្រុសចំនួន៤នាក់ និងស្រី៦នាក់។ លោកបានលើកឡើងថា៖ សិស្សានុសិស្សទាំង១០នាក់នេះទទួលបាននូវការលើកស្ទួយ និងគាំទ្រយ៉ាងខ្លាំងពីឪពុកម្តាយ លោកគ្រូអ្នកគ្រូ រួមទាំងមិត្តរួមថ្នាក់ទើបទទួលបានជោគជ័យក្នុងការបញ្ចប់ថ្នាក់វិទ្យាល័យនេះ។ ប៉ុន្តែ ត្រូវបន្តដំណើរទៅមុខ ឆ្ពោះទៅអនាគត ដើម្បីឈានឱ្យដល់គោលដៅជីវិតដែលប្រាថ្នាចង់បាន។ ចូរតស៊ូបន្តទៀតដើម្បីជីវិត នេះគឺជាសារដ៏សំខាន់ដែលប៉ាស្ទ័រ ហង្ស តារា បានផ្តល់ជូនដល់សិស្សទាំង១០រូបទុកជាចំណងដៃ។ លោកបានលើកឡើងថា៖ ក្នុងរយៈពេលប៉ុន្មានឆ្នាំចុងក្រោយនេះ ពិភពលោកកំពុងតែអភិវឌ្ឍយ៉ាងលឿនបំផុតស្ទើរគ្រប់វិស័យទាំងអស់ ហើយក៏មានការប្រកួតប្រជែងគ្នាយ៉ាងខ្លាំងក្លាណាស់ដែរ។ កត្តាទាំងពីរនេះនាំឱ្យពិភពលោកទាំងមូលមានភាពស្មុគស្មាញ និងភាពតានតឹងបំផុត។ យើងកំពុងតែរស់នៅក្នុងភាពភ័យក្លាច ជាពិសេសក្លាចចំពោះភាពបរាជ័យតែម្តង។ ប៉ុន្តែ អ្វីៗទាំងអស់វាស្ថិតលើជម្រើសរបស់យើងទាំងស្រុង។ ប្រសិនបើយើងជ្រើសរើសរៀនពីកំហុស និងកែប្រែ នោះយើងនឹងអាចបង្វែរភាពបរាជ័យឱ្យទៅជោគជ័យវិញបាន។ ផ្ទុយទៅវិញ ប្រសិនបើយើងមិនព្រមរៀនពីកំហុសទេ នោះយើងពិតជាបរាជ័យក្នុងជីវិតជាក់ជាមិនខាន។ លោកបានផ្តល់ជាអនុសាសន៍ថា៖ «សូមកុំចុះចាញ់មុនការសាកល្បងជាមុនឡើយ។ បើចុះចាញ់មុនការប្រកួត ពិតណាស់មិនអាចជោគជ័យនៅក្នុងជីវិតបានឡើយ»។ លោកម៉ូសេ គឺជាឧទាហរណ៍ដែលមាននៅក្នុងគម្ពីរស្រាប់។ លោកបានគិតថា អសមត្ថភាពមិនអាចធ្វើកិច្ចការដែលព្រះត្រាស់ហៅឱ្យដឹកនាំសាសន៍អ៊ីស្រាអែលចេញពីទឹកដីអេហ្ស៊ីបបានទេ។ លោកគិតថា ខ្លួនជាអ្នកបរាជ័យ និងជាអ្នកដែលនិយាយមិនច្បាស់ជាដើម។ ពោលគឺ លោកជាមនុស្សដែលបានចុះចាញ់មុនការប្រកួតមកដល់។ ប៉ុន្តែ…

ការបម្រើគឺជាសេចក្ដីស្រឡាញ់

ការបម្រើគឺជាសេចក្ដីស្រឡាញ់ English Below: កាលពីថ្ងៃទី១៥-១៦ ខែឧសភា ឆ្នាំ២០២៣ លោកបណ្ឌិត ស សាំយ៉ូអែល ជាអគ្គលេខាធិការរងមកពីទីស្នាក់ការកំពូលនៅសហរដ្ឋអាមេរិក (General Conference – GC) និងលោកបណ្ឌិត ខាំសាយ ភិតឆារើន លោកជានាយក CEAR មកពីស្នាក់ការកំពូលនៅសហរដ្ឋអាមេរិក ព្រមទាំងភរិយារបស់លោកផងដែរ បានអញ្ជើញចុះមកធ្វើទស្សកិច្ចនៅប្រទេសកម្ពុជា។ លោកទាំងបីត្រូវបានអមដំណើរដោយលោកប៉ាស្ទ័រ លឹម តេងផេង ជានាយកផ្សាយដំណឹងល្អរបស់មិស្សិនអាត់វេនទីស្ទនៅញូញាន និងលោកប៉ាស្ទ័រ ហង្ស តារា ជានាយកបេសកកម្មសេវេនដេយអាត់វេនទីស្ទប្រចាំកម្ពុជា បានចុះមកសួរសុខទុក្ខបុគ្គលិក ISE នៅក្នុងមណ្ឌល UCI ក្នុងខេត្តបាត់ដំបង ដែលមានលោកប៉ាស្ទ័រ យ៉ុង ស៊ីន ជាប្រធាននៅទីនោះ។ ក្រោយពីការសួរសុខទុក្ខនិងត្រួតពិត្យ លទ្ធផលបានឱ្យដឹងថា មានការរីកចម្រើន និងមានភាពល្អប្រសើរជាងមុខខ្លាំង បើគិតត្រឹមត្រីមាសទី១ ក្នុងឆ្នាំ២០២៣នេះ បើធៀបនឹងឆ្នាំ២០២២ កន្លងមក។ ហើយសង្ឃឹមថាព្រះនឹងនៅតែប្រទានពរឱ្យមានថវិកាគ្រប់គ្រាន់ ក្នុងការបន្តដំណើរតទៅមុខលើគម្រោង៤ផ្នែកទៀតគឺ ផ្នែកទី១ បង្រៀនភាសា ទី២ សាលាបង្រៀនតូរ្យតន្ត្រី ទី៣ មណ្ឌលថែទាំសុខភាពល្អ…

មរតកនៃសេចក្តីជំនឿ

មរតកនៃសេចក្តីជំនឿ [English Below] ការបន្សល់ទុកនូវមរតកនៃសេចក្តីជំនឿដល់អ្នកជំនាន់ក្រោយ គឺជារឿងដ៏សំខាន់បំផុត។ ព្រះគម្ពីរបានកត់ត្រាអំពីគំរូនៃបុគ្គលឆ្នើមៗមួយចំនួនដែលបានបន្សល់ទុកមរតកនៃសេចក្តីជំនឿសម្រាប់យើងរាល់គ្នា។ តួយ៉ាងដូចជា លោកអ័ប្រាហាំជាដើម ដែលបានបន្សល់ទុកនូវមរតកនៃសេចក្តីជំនឿតរហូតមកដល់ពួកយើងនាសម័យបច្ចុប្បន្ននេះ។ សេចក្តីជំនឿ គឺជាគ្រឹះដ៏សំខាន់បំផុតដើម្បីឱ្យឈានទៅរកជីវិតអស់កល្ប និងជាទីបន្ទាល់រស់សម្រាប់ផ្សាយដំណឹងល្អដល់គ្រប់ទីកន្លែងផងដែរ។ ប្រសិនបើគ្មានមរតកនៃសេចក្តីជំនឿនេះទេ នោះអ្វីៗពិតជាមិនអាចចំរើនលូតលាស់ និងរីកសុះសាយទៅមុខសម្រាប់មនុស្សជំនាន់ក្រោយជាបន្តបន្ទាប់ទៀតបាននោះទេ។ នៅខេត្តកំពង់ឆ្នាំង ជាតំបន់មួយដែលមានឧបសគ្គជាច្រើនក្នុងការរីកលូតលាស់សម្រាប់ពួកជំនុំ។ ប៉ុន្តែ តាមរយៈព្រះពរដ៏អស្ចារ្យរបស់ព្រះជាម្ចាស់ និងក្រោមការផ្តួចផ្តើមគំនិតផ្សាយដំណឹងល្អរបស់ប៉ាស្ទ័រ ហង្ស តារា ជានាយកមិស្សិនកម្ពុជា នោះអ្វីៗបានផ្លាស់ប្តូរគួរឱ្យកត់សម្គាល់។ កាលពីថ្ងៃទី១១-១៣ ខែឧសភា ឆ្នាំ២០២៣ លោកបានចុះទៅជាមួយក្រុមការងារ ដើម្បីអធិស្ឋានសុំអំណាចពីព្រះក្នុងការរៀបចំផែនការសម្រាប់តំបន់នេះ។ ពេលចុះទៅផ្ទាល់នោះ លោកបាននាំប្រធាននាយកដ្ឋានមួយចំនួនទៅជាមួយដែរដូចជា៖ នាយកដ្ឋានបោះពុម្ពផ្សាយ នាយកដ្ឋានសុខភាព នាយកដ្ឋានស្រ្តី និងគ្រួសារ នាយកដ្ឋានកុមារ និងនាយកដ្ឋានយុវជន ដើម្បីជួយជ្រោមជ្រែងដល់អ្នកដឹកនាំនៅទីនោះ ក៏ដូចជារៀបចំគម្រោងក្នុងការបំពេញពន្ធកិច្ចថ្វាយព្រះជាម្ចាស់។ គួររំឭកថា លោកគ្រូ ពេជ្រ ចន្ថា ត្រូវបានព្រះត្រាស់ហៅឱ្យបម្រើការងារនៅទីនោះក្នុងនាមជាប៉ាស្ទ័រ។ ហើយនេះគឺជាប្រវត្តិសាស្រ្តទីមួយដែលនាយកដ្ឋានបានសហការគ្នាយ៉ាងល្អទៅតាមផ្នែកនីមួយៗរៀងៗខ្លួនក្នុងការជួយដល់ថ្នាក់ដឹកនាំខេត្តកំពង់ឆ្នាំងផ្ទាល់ក្រោមការណែនាំរបស់នាយកមិស្សិនកម្ពុជា។ ក្នុងនេះក៏មានការចូលរួមសម្របសម្រួលពីប៉ាស្ទ័រ ម៉ៅ រឿន ដែលលោកមានចំណែកក្នុងការទទួលបន្ទុកផ្នែកការផ្សាយដំណឹងល្អតាមក្រុមតូចនៅទូទាំងប្រទេស។ លទ្ធផលក៏មានកម្មវិធីផ្សាយដំណឹងល្អមួយបានរៀបចំឡើងដូចបានគ្រោងទុកតាំងពីដើមឆ្នាំមកស្រាប់ដោយទទួលបានបេក្ខជនចំនួន២០នាក់ទទួលបុណ្យជ្រមុជទឹក។ ការចំណាយសម្រាប់កម្មវិធីផ្សាយដំណឹងល្អនេះត្រូវបានជួយជ្រោមជ្រែងដោយនាយកមិស្សិន រួមជាមួយអ្នកគ្រូ ប៊ុន សុខម ប្រធាននាយកដ្ឋានបោះពុម្ពផ្សាយ … Continued

The Work of Small Groups Evangelism

គ្រាប់ពូជដំណឹងល្អតាមរយៈកិច្ចការនៃក្រុមតូច លទ្ធផលនៃកិច្ចការផ្សាយដំណឹងល្អតាមរយៈក្រុមតូច គឺជាព្រះពរសម្រាប់មិស្សិនកម្ពុជា។ ជាក់ស្តែងនៅក្នុងអំឡុងខែវិច្ឆិកា ឆ្នាំ២០២២នេះ នៅទូទាំងមិស្សិនកម្ពុជាមានការប្រារពពិធីចម្រូតនៃការងារក្រុមតូចៗនៅតាមតំបន់នានា។ ជាលទ្ធផលយ៉ាងហោចណាស់មកដល់ពេលនេះយើងទទួលបានបងប្អូនចំនួនប្រមាណជាង២៤០នាក់បានសំរេចចិត្តទទួលព្រះយេស៊ូវជាព្រះអង្គសង្រ្គោះតាមរយៈពិធីបុណ្យជ្រមុជទឹក។ យើងខ្ញុំតំណាងឱ្យមិស្សិនកម្ពុជា សូមសំដែងនូវការកោតសរសើរ និងសូមថ្លែងអំណរគុណដល់ប៉ាស្ទ័រ អ្នកដាំក្រុមជំនុំ ប្រធានតំបន់ ប្រធានព្រះវិហារ លោកគ្រូ អ្នកគ្រូ សមាជិកក្រុមជំនុំ និងលោកអ្នកបងប្អូនដែលបានចូលរួមចំណែកសម្រាប់កិច្ចការបម្រើព្រះជាម្ចាស់នៃយើងយ៉ាងអស់ពីកំលាំងកាយចិត្តក្នុងការចេញទៅផ្សាយដំណឹងល្អ។ គួឱ្យកត់សម្គាល់ផងដែរថា កិច្ចការនៃការផ្សាយដំណឹងល្អតាមរយៈក្រុមតូចនេះ បានផ្តួចផ្តើមគំនិតមកពីថ្នាក់ញូញានថ្មីរបស់យើង។ លទ្ធផលបង្ហាញថា យុទ្ធសាស្ត្រនេះយើងអាចទទួលបាននូវព្រះពរជាទីគាប់ចិត្តដោយបានឃើញគ្រាប់ពូជនៃដំណឹងល្អបានចាក់ឫស្ស និងដុះជាពន្លកឡើងនៅក្នុងជីវិតរបស់បងប្អូនជាច្រើននាក់ដែលទើបតែបានទទួលបុណ្យជ្រមុជទឹកនាពេលថ្មីៗកន្លងមកនេះ។ ដោយឡែកមិស្សិនកម្ពុជាក៏បានយកចិត្តទុកដាក់ចំពោះបងប្អូនជនជាតិភាគតិចនៅភូមិភាគឥ្ឍសានដែលដំណឹងល្អមិនបានទាន់បានចូលទៅដល់ទូលំទូលាយនៅឡើយ។ តាមរយៈកិច្ចការនៃការផ្សាយដំណឹងល្អតាមក្រុមតូចនេះ នោះមានបងប្អូននៅតំបន់ភូមិភាគឥ្ឍសានចំនួនជាង៥០នាក់បានទទួលបុណ្យជ្រមុជទឹក ក្នុងការប្តេចជ្ញាចិត្តដើម្បីដើរតាមព្រះយេស៊ូវនៅក្នុងជីវិតរបស់ពួកគេផងដែរ។ The Work of Small Groups Evangelism The outcomes of Small Groups Evangelism have been a blessing to the Cambodia Adventist Mission. In fact, throughout Cambodia in November 2022, … Continued

Special Visit from SSD and SEUM

នៅថ្ងៃទី១៣ ខែកញ្ញា ឆ្នាំ២០២២ មន្ត្រី និងបុគ្គលិកមិសិនអាត់វេនទីស្ទកម្ពុជាមានកិត្តិយសក្នុងការចេញដំណើរទៅទទួលស្វាគមន៍ប៉ាស្ទ័រ រ៉ូជ័រ ខាឌឺរម៉ា ប្រធានភូមិភាគអាស៊ីប៉ាស៊ីហ្វិកខាងត្បូង(SSD) និងភរិយារបស់លោកនៅឯអាកាសយានដ្ឋានអន្តរជាតិភ្នំពេញ។ គោលបំណងនៃដំណើរទស្សនកិច្ចនេះដោយប៉ាស្ទ័រ ខាឌឺរម៉ា គឺដើម្បីចូលរួមសិក្ខាសាលាស្តីអំពីកិច្ចការងារបោះពុម្ភសៀវភៅក្រោមថ្នាក់ភូមិភាគ(SSD) និង ញូរញៀននៅខេត្តសៀមរាបប្រទេសកម្ពុជាចាប់ពីថ្ងៃទី១៣-១៨ ខែកញ្ញា ឆ្នាំ២០២២។ ទោះបីជាស្ថិតក្នុងពេលដ៏មមាញឹកនៃកិច្ចប្រជុំនេះក៏ដោយ នាថ្ងៃទី១៥ ខែកញ្ញា ឆ្នាំ២០២២ ប៉ាស្ទ័រ រ៉ូជ័រ ខាឌឺរម៉ា បានឆ្លៀតពេលជាមួយនឹងប្រធានថ្នាក់ញូរញៀន(SEUM) ប៉ាស្ទ័រ សុមឆៃ ឈូនជិត ក្នុងការរួមដំណើរទៅទស្សនកិច្ចនៅមជ្ឈមណ្ឌល COI នៅខេត្តបាត់ដំបង។ ប៉ាស្ទ័រ ស្ស៊ីន យ៉ុង ឈុន ដែលជានាយកមជ្ឈមណ្ឌលមជ្ឈមណ្ឌល COI បានដឹកនាំដំណើរទស្សនកិច្ច និងការណែនាំដល់ភ្ញៀវពិសេសរបស់យើងអំពីអគារ បុគ្គលិក និងការងារដែលកំពុងតែដំំណើរការនាពេលបច្ចុប្បន្ននេះ ដូចជា៖ ភោជនីយដ្ឋានបួស សាលាភាសា សាលាតន្ត្រី កន្លែងហាត់ប្រាណកាយសម្បទា សុខភាព និងឱកាសការងារដែលផ្តល់ជូនសិស្សានុសិស្សសម្រាប់កម្មវិធីក្រៅម៉ោង និងអាហារូបករណ៍របស់ពួកគេ។ លោកប្រធានថ្នាក់ដឹកនាំទាំងពីររូបមានសេចក្តីអំណររីករាយនឹងការងារដែលកំពុងតែដំណើរការទៅមុខជាបន្តក្រោយពេលដែលការឆ្លងរីករាលដាលនៃជំងឺ កូវីដ១៩ ត្រូវបានអន់ថយទៅ ហើយលោកទាំងពីរក៏បានសម្តែងការកើតសរសើរចំពោះការប្តេជ្ញាចិត្តដ៏ស្មោះត្រង់ និងកិច្ចខិតខំប្រឹងប្រែងទៅកាន់បុគ្គលិកការងារទាំងអស់ក្រោមការដឹកនាំរបស់ប៉ាស្ទ័រ ស្ស៊ីន យ៉ុង … Continued